طفوله معاق

السلام عليكم ورحمه الله وبركاته


كنت ابحث في مواضيع ( ذوي الاحتياجات الخاصه ) وأقرأ متنطط من صفحه لصفحه ...واجهت
صفحه مكتوب عليها خاطره لطفل من ذوي الحتياجات الخاصه بعنوان
( طفوله معاق ) والله انها ( تهز المشاعر ) ارجوا
منكم قرائتها واعطوني رايكم :)
.
.
الطفوله ..

أحلى مافي هالحياة

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني ...

بسمه فينا ترتســم

كنـّا نركض خلف كورة ...

لا لا أنا ماكنت معهم؟

وحدي بس بعيد عنهم ...

كنت أضحك من ضحكهم ...

جالس لحالي أهذري!...

جالس أحسب كم( كُوبري )*...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ...

لا لا أنا ماكنت معهم !

أمشي وحدي بعيد عنهم ...

أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليه تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!


****

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟
زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .


****

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي
ألف ضيقه

ووحده في وسط الزحام ...

طالعتني باهتمام ...

بنت في عمر الزهو ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـتمـتم بطيبه

( يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام n
دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطر انثى

كيف ينسى ؟؟؟

جاوبوني !

****

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ...

ماهو رسمي !!!

صدقون لو تدرّج ... وصار راتبه يتصاعد

وابتــدا وضعه يزين

ما أظنه بيتزوّج ... إلا من بعد التقاعد

من سنه الى سنتين !


****

وفي النهــايه ...

يابلــدنا... مهما كانت تسميتـنا

عاجزين ... معوّقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصن ٍ حصين

إنتي ناديني وشوفي ... لا نويتي باجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا.
* الكُبري في عالم الكرة هو ادخال الكرة بين ساقي الخصم!


المرجع :قصيدة للاخ محمد عويضة ( شبكه الخليج )
.
.
اخوكم bosson

أخي بوسون إسمح لي أولا أن أهنئك لأنك استطعت إنزال دمعة من عيوني.
الوضع اللي تتكلم عنه هو موجود بالدول المتخلفة العربية وفقط.
صراحة ماأدري وش أقول وما أدري وش أضبف.
الله يكون بعوننا وعون ذوي الإحتياجات الخاصة
ربما لي تعليق آخر قريبا
والسلام عليكم
أخوك

قصيدة مؤثرة احزنتني كثيييييييييييير ..

اشكرك اخوي على نقلك الجميل ..

الله يكون بعون الجميع ..

لك مني ارقى تحياتي .. Cuty

اخي الغالي TRY NO RACE الناس كلما شافت واحد من ذوي الاحتياجات الخاصه
قامت تأشر عليه ..وتناظره بشفقه ...ما يعرفون انهم هم مصدر الشفقه في الحقيقه
لأن هذيل صنعوا كثير ..منهم طلع المدير منهم طلع الرسام وحتي بيتهوفن كان فاقد
ثلاث حواس من الحواس الخمسه
بينما نحن رغم النعمه التي نعيشها ...لم ننجز ولو جزءا من واحد من انجازاتهم
.
والله حضورك سرني يا اخي ..وأنا قلت الكلام اللي تبى تقوله على ما أظن ;) واذا عندك اظافه حياك الله
حبيبي تفضل ..
.
.
اختي *Cuty* أشكرج على المرور الكريم ..وتقبلي مني خالص التقدير :)

رائع أخي bosson الله يجزيك الخير :(
يعين لازم كذا تحزننا

السلام عليكم :)

كلام مؤثر جداً

ومازال مجتمعنا غير قادرا ان يتعامل مع المعاقين او يراعي مشاعرهم ...

بينما ديننا الحنيف اكد على حق المريض والمعاق ...

اشكرك اخي bosson على الموضوع المهم ...

حد السيف .. بس احنا لازم نحزن شوي ...يعني مب كله ضحك ;) ..مشكور عالمرور اخوي
.
الهوفي ... ذكرت نقطه مهمه اخوي ..أشكرك عالمرور اللذي اسعدني :o ....
.
وحياكم الله حبايبي ;)