السلام عليكم ورحمة الله وبركاتة ...
كيفكم ان شاءالله طيبين
بحاول اشرح لكم طريقة الاشتراك بالاكس بوكس لايف... وبعض المزايا بهالو2
طبعا لابد يتوفر عندك :
بطاقة ائتمانيه لو فيها دولار واحد عادي
سلك LAN وهو اكبر شوي من حق التلفون العادي..بحيث انك تشبكه من المودم للاكس بوكس على طول
اكس بوكس ( اصلي ) ويفضل ان مايكون فيه قطع لانهم لو صادوا جهازك يقفلونه عليك ولاعاد تقدر تدخل الايف ابدا من الجهاز ...اسال مجرب .... وتحصل الاكس بوكس الامريكي لسكان الرياض في بيت الكمبيوتر
شريط هالو2 اصلي طبعا وداخل العلبه راح تحصل كود وهو ضروري جداً
تسمي بالله وتشغل الاكس بوكس واضغط على NEW ACCOUNT كما هو موضح بالصوره
http://www.al-wrd.com/ac5.gif
بعدها تختار البلد وتحط امريكا
http://www.al-wrd.com/ac4.gif
وبعدها تضغط على ACCEPT كما هو موضح بالصوره
http://www.al-wrd.com/ac3.gif
والان فيه مربعين الاول مكتوب GAMERTAG وهو الاسم الخاص فيك يعني وانت تلعب راح يطلع لناس اسمك اللي بتسجل فيه وعلى فكره ترى الاسم مايتغير.....والمربع الثاني هو تاريخ الميلاد....والاحظ كثير من الاخوان يقول عند تاريخ الميلاد يرفض يدخلني .....يرفض يدخلك لانه اصلا حاط تاريخ ميلاادك عام 93 وهذا يعني انك قاصر عشان كذا يرفض يعني ادخل وغيره موب تضغط على طول نكست.... وبعدها اضغط CONTINUE
http://www.al-wrd.com/ac2.gif
راح يطلع لك مربع مكتوب فوقه SUBSCRIPTION CODE وهو الكود اللي قلت لكم انه ضروري مره وهو يجي مع شريط هالو2 وتحصل الكود داخل اللعبه ولونها تقريبا يميل للبرتقالي ... واحيان يجي الكود مع بعض الاللعاب التي تقبل الايف ......اكتب الكود فالمربع ...
http://www.al-wrd.com/ac1.gif
بعدها لابد تكمل اجرائات التسجيل وهي وضع بريدك الالكتروني ومنطقتك في امريكا ..... وهي سهله واللي تواجه صعوبه في إنشاء الحساب بالايف يكتب هنا ومن عيوني الموف
والحين مع بعض مزايا HALO2 LIVE وايضا مع بعض الصور حصرياً على المنتدى
HALO2 LIVE شي خيالي ياجماعه فعلاً فعلاً شي خيالي واحلى مافيه انك في كل الاوقات يعني 24 ساعه تحصل ناس من انحاء العالم يلعبون امريكان فرنسيين يابانيين برطانين وانا مره سمعت كاموستكا الظاهر فلبيني :hahaha: يعني اي وقت تدخل بتلقى في ناس يلعبون وبكثره لدرجة ان البحث مايتجاوز دقيقتين....طبعا تقدر تتكلم بالمايك وتخاطب الفريق :argh: .... وايضا حاطين خاصية LVL يعني المستوى ... انا مثلا وصلت الى 14 ونزلت الى 11 :( .. الليفل هذا يحدد مستواك فاللعبه يعني مثلا تلعب ويفوز فرقك وانت عدد القتل عندك كبير واخذت ميدالية كثيره ترقى مستوى واذا نهزمت تنزل مستوى وكيف تحصل على الميداليات أتوقع مايحتاج اشرح وهي انك مثلا تقتل اثنين وتاخذ دبل كيل او تطلق على الراس وهي HADE SHOT :shot: أو ضربه من الخلف والكثير من الطرق .... وأيضا من الروعه انك تقدر تدخل موقع BUNGIE.NET وتسجل عندهم ... بعد ماتسجل ... أي لعبه تلعبها هالو2 لايف تصير مسجله عندهم يعني تقدر ترجع بعدين وتدخل موقعهم وتشوف الميداليات والذبحات وتشوف كم مستواك وتشوف بعد كم باقي عشان توصل المستوى الثاني ... وطبعا غير انك تقدر تشوف اخوياك الموجودين اون لاين واللي اوف لاين.........بالنسبه للمستوايات ... اعلى مستوى هو 50 والى الان مافي شخص وصله الى هالمستوى واللي يقول هالكلام موقع BUNGIE يعني اللي يقولك انه وصل اعرف ان ماعنده سالفه
http://www.al-wrd.com/halo8.gif
طبعا هنا أول ماتسجل دخول تطلع هالخيارات وهي quickmatcj و optimatch والثالثه creat party والرابعه content download
الاولى من اسمها يدخلك بسرعه ..... والثانيه راح اوضحها فالصوره اللي بعد هذه .. والثالثه وهي انك تسوي بارتي يعني زي الروم وتعزم فيها ناس وتلعبون ضد ناس ثانين او ضد بعد وصاحب الروم يعني الادمن بقدر يغير بالقوانين واللعبه ويطرد المزعجين بعد وحتى وانتم تلعبون يقدر يطرد ... والرابعه وهي تنزيل تحديثات لان قبل فتره ماكنت كل الخرايط موجوده اما الان فكلها تقريبا موجوده وتلعب فيها
http://www.al-wrd.com/halo7.gif
بالصوره هذه فيه
rumble pit ،،،وهي 8 اشخاص يلعبون وكل لواحد لحاله أكثر واحد يقتل هو الفايز...يعني سلاير بين 8 :AR15firin
taem skirmish ،،،،، تلعبون فريقين 4×4 اعلام (flag) او قنابل او (king of the hill) او تيرتوري
head to hade ،،،،، هنا تلعب واحد ضد واحد اللي يقتل 10 مرات هو الفايز(يحطونها مرحله صغيره) خذ السيف تفوز :fight:
big team battle،،،،وهي عباره عن 16 لاعب تلعبون وهي ياتروح تزرع قنبله عندهم او تاخذ العلم ( قمه بالروعه )
minor clanmathe ،،،، هنا اذا سويت كلان وماكان موجود الا اربعه منهم تقدر تدخل هنا وتلعبها يقبل من 2 الى 4
major clanmathe،،، وهذه نفسها لكن يقبل عدد اكبر من 6 الى 8 .... ضد 6 او 8 يعني مجموع الاعبين 16
tame training،،،، تدريب 4×4 وفقط هنا تقدر تدخل واحد معك بنفس الاكس بوكس حقك(مسموح الى 4) وهنا بدون LVL
rumble training،،،،تدريب سلير كل واحد لحاله وايضا مسموح تدخل معك احد بنفس الاكس بوكس(مسموح الى 4) وايضا هنا بدون LVL
team slayer،،،، هذه فقط قبل فتره حطوها وهي تلعب 4×4 فعلاً روعه :wall:
CLAN ،،، تقدر تسوي كلان وهي شبيه بالروم وتاخذ الى مية شخص وتقدرون تلعبون مع بعض والمتعه هنا فالكلان ان الليفل LVL حقكم يرتفع لكم كلكم مره وحده وينزل مره وحده يعني مرتبطين ببعض وتقدر تعزم اللي تبي بمجرد كتابة اسمه أو حتى فقط العب معها وارسال الطلب..وانظر الصوره
http://www.al-wrd.com/halo5.gif
وهنا بعد ماتختار اللعبه اللي تبيها راح تشوف عملية البحث وهي غالباً وكثيراً ماتكون الى دقيقتين واحيان تصل إلى 3
http://www.al-wrd.com/halo2.gif
وهنا العملية الثانيه ونشووووف انه حصل الاعبين .. والثالثه لاتاخذ اكثر من 5 ثواني
http://www.al-wrd.com/halo1.gif
والمرحله الرابعه وهي انتظار بداية اللعبه وهو العد التنازلي من 10 الى الصفر ويوضح لك الخريطه المختاره مع الاسلحة والوقت وايضا تجد على اليمين فريقك والمستويات
http://www.al-wrd.com/halo9.gif
وهنا بعض الاشياء ....
اذا جيت تلعب ... انت ماتقدر تختار الخريطه اللي تبيها والاسلحه أو نوع اللعبه اعلام ولا قنبله ولا سلاير ... السيرفر يختار لك ..... الا اذا انت سويت غرفه ( party ) وعزمت ناس تقدر تلعب وتحط اي خريطه واي سلاح كانك تلعب اوف لاين
ماتقدر تدخل معك احد من جهازك وتلعبون مثلا big team baettl لابد لاعب واحد فقط .... لكن تقدر بالتيم تريننق ورمبل تريننق فقط
الليفل ( LVL ) المستوى او الليفل... اذا اخترت مثلا TEAM SLAYR ووصل الليفل حقك الى 11 وبعدها غيرت نوع اللعبه الى BIG BATEL يتغير الليفل حقك الى المستوى اللي انت وصلت في BIG BATEL ....بمعنى كل لعبه لها مستوى لحال ... يعني موب تلعب ب BIG BATEL وتوصل 10 ويصير مستواك 10 في كل الالعاب لاااااااااا :twak: ....كل نوع له الليفل الخاص فيه
تقدر تحط رساله صوتيه لشخص معين او رساله كتابية وايضاً بعض الوجوه التعبيريه...
وأخيراً يمكن فيه اشياء غفلت عنها أو شي العذر والسموحه....وأتمنى ان شاءالله اني وفقت في شرح بعض الاشياء...أتلمس فيها الشكر لهذا المنتدى العظيم.....
واللي عنده اي استفسار او تواجهه مشكله يكتبها بس ...الا مشكلة وطفي لاني حطيت موضوع في منتدى BUNGIE عن مشكلته وقالوا عنده مشكله بالكونكشين :( ....واي خدمه انا جاهز وشكراااااااااا
