طلب مستعجل ( مهمة طارئة )

السلام عليكم ورحمة الله وبركاته ....

أنا عضو مستجد في هذا المنتدى وأرجو إنو ماتخيبوني وأنا قمت بتغيير العنوان لشد الانتباه أكئر

نظرا لخبرتي المتواضعة في مجال رسم وتلوين الأنمي لجأت لذوي الخبرة منكم فأرجو ماتردوني خايب

بمناسبة اقتراب يوم المعلم قررت إهدي أستاذ مادة العلوم الطبيعية هدية

واحترت شو بدي إهديه ومالقيت أحلى من صورة تذكارية بطريقة الأنمي ( المانغا تحديدا) وذلك لأنه بيحب هذا النوع من الرسم كتير وكل مايشوفني راسم شي رسمس منها بيضل حاطط عيوني عالرسمي ومابيشيلها

لذلك ومتل ماقلتلكم بسبب خبرتي القليلي لجأت لألكم

وأنا وضعت هون معلومات تفصيلية عن مواصفات الأستاذ ومواصفاتي أنا كمان منشان تكون الرسمة قريبة أكثر مايمكن من الواقع طبعا بطريقة الأنمي

مواصفات الاستاذ:

لون العيون عسلي مع بريق دائم

الطول متوسط

الوزن عادي مع كرش صغير

يضع نظارة من النوع المستطيل

الفم صغير

لون الشعر فضي + أبيض

الشنب على قياس الفم

لون البشرة بيضاء أقرب إلى الزهري

إبتسامته دائما مرسومة على وجهه

____________________

مواصفاتي أنا


لون العيون عسلي

الطول متوسط ( أطول قليلا من الأستاذ )

الوزن عادي

لون البشرة أبيض أقرب إلى الزهري

الفم متوسط

لا يوجد شنب

أضع نظارة ذات نصف إطار

الشعر بني غامق مائل للسواد
_______________________________________

أرجو أن تكون هذه المعلومات كافية لأن تكون الرسمة بالمستوى الذي أتأمله
وقد قمت بوضع نموذج عن شخصيتي وعن شخصية الأستاذ برسمي أنا كي تساعد قدر المستطاع
أرجو أن لا أكون قد أثقلت بطلبي هذا ولكن قلت لنفسي ذوي الخبرة أفضل
أرجو أن يتم الموضوع قبل 7 آذار لأقوم بعمليات الطباعة والتجليد
وأن تكون الخلفية بيضء مع ظل بسيط من أجل كمية الحبر المستخدمة ما تكون كبيرة
وأن تكون على شكل اثنين في صورة تذكارية واحدة

أرجو أن تلبو طلبي ومشكورين على جهودكم مسبقا وأرجو عدم مؤاخذتي على دمي الثقيل
والسلام عليكم ورحمة الله

ولا رد لهلق معقول كسرتو بخاطري

سلام



و اتأسف نيابة عن كل الاعضاء للتأخير

وان شاء الله ساساعدك

لاني عني خبرة في رسم الانمي

بس الصراحة الصراحة

انا ما فهمت كتير عليك

يعني انت بدك ترسم الصورة على الورق و لا على الفوتوشوب

و بدك نساعدك بالتصميم ؟؟؟؟؟؟؟؟؟؟؟؟؟



وضح لو سمحت

مشكور أخي suzanc4u على مابدرتك اللطيفة كتير
و مابتصدق حجم الفرحة اللي عطيتني إياها :bawling:
أما بالنسبة للرسمة
فأنا كان قصدي إنو تساعدوني بالرسم والتلوين بشكل كامل لأنو أنا مو قادر إرسم الرسمة بمستوى عالي من الجودة من أصلها عرفت كيف
لذلك أنا لجأت إليكم
يعني إذا شفت النماذج اللي حاططتها هذي أخدت معاي وقت كتير والتلوين كمان بياخد وقت على الفوتو شوب وأنا طالب شهادة ثانوية بالفرع العلمي وبتعرف وقت طالب الثانوية بيكون ضيق وإذا بدي أرسم الرسمي بدي فيها شي أربع خمس أيام برياحة
لذلك طلبت المساعدة من ذوي الخبرة لحتى يقومو برسم الصورة عني وحاولت أن أعطي كافة المعلومات الممكنة لتكون الرسمة بالمستوى المطلوب
وأرجو أن تكون الفكرة قد وصلت ومشكور مرة ثانية على المبادرة الطيبة