إبـــــــــــدويٍ في لبـــــنان:

بسم الله الرحمن الرحيم

السلام عليكم ورحمة الله وبركاته.........


إبـــــــــــدويٍ في لبـــــنان:

إشرب وروق وإنسى همك والأحزان

وإفتح لك أبـواب الهنـا والسعـاده

وأجيب لك من كارنا فـوج غـزلان

بنتٍ على الكرسـي تجيـد العبـاده

كلك نظر يافـلان جيبـك وعمـران

وكلٍ على ماقيـل حسـب إجتهـاده

إدفـع إذا ودك ولاإنتـه بخـسـران

جرب شراب الكاس وإطلـب إعـاده

قلت إبتعد عساك في وسـط نيـران

أثـرك مـن اللـي جيـدٍ بالقيـاده

حيوان في روحك وظاهرك جربـان

غاسل يدي من يـوم شفـت القـلاده

قال يالخبـل إعتبـر شـي ماكـان

وكـلٍ بهالدنيـا يــدور مــراده

قلـت الخبـل إبـدويٍ فـي لبنـان

وش جابني ..حظي الردى والقـراده

والا أنا في وسط داري إلـي شـان

كتفي غدا للضيـف مثـل الوسـاده

في فزعتي بي من العتبـان شيطـان

وفي نخوتي من وسط غامد شهاده

والجود أخذته جود حمران الأعيـان

نـاسٍ لهـا بالعـز سبـق وريـاده

والا الكرم كله مـن عنـد قحطـان

وفي كلمتي تظهر حـروف الإبـاده

كل القبايـل عانهـا وسـط إنسـان

مزروع فيه العز ويجنـي حصـاده

ماتلحقك شرهـه ولانيـب شرهـان

أنا خبـل لأنـي سعـودي بزيـاده