نقاش مبــاراة الارســــنال والبافاري..فينغر السبب الاكبر

بســـم الله الرحمـــن الرحيـــــم

اول شي في البدايه حبيت اوجه صفعه لوجه كل ظالم..((:D )) قصدي ابي اقول لأن كثير من الاعضاء يقول ان الارسنال من بدى ماينهزم معد شافوا وجهي هنا..((يقصدون اني انحشت)) لا شباب لايروح بالكم للتفكير هذا لأني ناضج كرويا واعرف ان الكوره فيها فوز وخساره..لكن الموضوع اني في كلية الهندسه ولازم اشد حيلي شوي ;) ...

نرجع لموضوعنا...

كانت البدايه للارسنال غير متوقعه اطلاقاً في دوري ابطال اوروبا وفي موقعة الحسم والتي لاتحتاج لأي تفاهه من اي لاعب وتهاون..بل العكس انا متوقعين غير اللي شفناه..كنا متوقعين الحماس..القوه..المهاره..
لكن فعلا الارسنال قد خذل جماهير حول العالم...:أفكر: فالارسنال لم يخسر النتيجه فقط ولكن خسر معها سمعته ...

صحيح ان هنالك امل لنا في الاياب..((طبعا ها بفضل الله اولا ثم بفضل هدف توريه))...لكن في الحقيقه المستوى اهم من النتيجه...

فلاعبي الارسنال كانوا اشباح تتهاوى..!!!

فتيري هنري ليس هو الغزال الاسمر الذي اعتدناه افضل مهاجم...وليونبيرغ لم يكن في الفورمه ابدا..
اما رييس...يبدوا ان المشاكل النفسيه وخصوصا مع عائلته اثرت عليه كثيرا :أفكر: ...

وليس فقط هؤلاء..بل اغلب اللاعبين لم تكن فيهم روح النصر والفوز...

المشكله ان اداء البافاري في الحقيقه كان عادي جدا..لكن فريقنا هو اللي كان اداءه اسوأ..وبسبب اداءه اتت هالنتيجه وليس بسبب مستوى الفريق البافاري..وانا لا انكر حق البافاري بالفوز بالعكس يستحقون الفوز :08: ...

لكن المدرب فينغر..بدا يتخبط لماذا لا ادري..اتمنى انه لم يصب بذلك المثل اللي يقول..((شاف نفسه سوى فاهم))

فكيف يلعب باسكال سيغان بدلاً من سينديروس..((المفروض انه مايلعب للارسنال خير شر))...

غير كذا انا قاهرني هالمدرب..ياخي ليه ماتتعاقد مع لاعبين مثل العالم يكونون احتياط..فريق مثل الارسنال ماعنده البديل الجاهز...!!!
المشكله ان خزينة النادي مو تحتاجه لفلوس زياده لأن النادي صار مليان الحين..ولكن عذره الوحيد يقول لا اردي اني اجيب لاعبين واخليهم احتياط..!!والله التفكير ماتوقعته منك يافنغر..لو فيه معك لعيبه الحين كان استفدة منهم...

بعدين ليه مصر على انه يلعب بيريزم يمين وليونبيرغ يسار...وفان بيرسي وينه :bigeyes: ...((والله العناد له دور))

والله انا ماودي اتكلم على فينغر لأني واثق من هالمدرب..لكن ياخي اللي جالس يسويه شي غريب..!!

على العموم باقي لنا امل..بانننا نفوز ب 2-0..وانشالله انها مو صعبه على فريقنا.:)

صحيح الأمل موجود للأرسنال
لكن الفريق الألماني على غير ارضه صعب صعب جدا
واكيد بيلعب بالأياب بطريقة سووبر ديفنس
يعني بيغطي المنطقه الخلفيه على اكمل وجه
ولاحظ كيف الفريق بعد تسجيله 3 اهداف
الكل تراجع للمنطقه حتى لاعبين الوسط
هذي طريقه البافاري
تقفيل ثم تقفيل ثم تقفيل :31:

ومشكور على الموضوع

@ ملاحظه:
في المباراه اعتقد الارسنال كان المفروض عليه يلبس الطقم الأصفر او الأزرق بحكم انه يلعب على غير ارضه .... كيف دخل المباراه بطقمه الأساسي ؟؟:06:


تحيااااااتي ,,,,,

البافاري كبير وان شاء الله بيكون من احد الفرق المتاهلة للدور نصف النهائي :) .

هارد لك للارسنال.

يا خطير يا سعود صرت تحلل :p

بالنسبة للموضوع ، أشكرك عليه مميز ورائــع جدا .. وبالفعل البافاري صعب جدا على أرضه وأذكر أن الريال في العام

الماضي تأهل بطلعة الروح بتعادله على أرض ميونخ ..

ما أقول الا الله يعينكم :o

والله بعد مستوى البافاري الي شفناه :bigeyes:

مع إحترامي للأرسنال باي باي

اقتباس:

---

المشاركة الأصلية كتبت بواسطة Cla§§icO

صحيح الأمل موجود للأرسنال
لكن الفريق الألماني على غير ارضه صعب صعب جدا
واكيد بيلعب بالأياب بطريقة سووبر ديفنس
يعني بيغطي المنطقه الخلفيه على اكمل وجه
ولاحظ كيف الفريق بعد تسجيله 3 اهداف
الكل تراجع للمنطقه حتى لاعبين الوسط
هذي طريقه البافاري
تقفيل ثم تقفيل ثم تقفيل :31:

ومشكور على الموضوع

@ ملاحظه:
في المباراه اعتقد الارسنال كان المفروض عليه يلبس الطقم الأصفر او الأزرق بحكم انه يلعب على غير ارضه .... كيف دخل المباراه بطقمه الأساسي ؟؟:06:


تحيااااااتي ,,,,,

---

ايه من ناحية الدفاع والله انك صادق..بس انشالله بنقدر عليهم..اما من ناحية الطقم...انا ماعتقج انه له دخل في الهزيمه..

اقتباس:

---

البافاري كبير وان شاء الله بيكون من احد الفرق المتاهلة للدور نصف النهائي :)

---

انشالله التأهل للأفضل...

اقتباس:

---

والله بعد مستوى البافاري الي شفناه :bigeyes:

---

البافاري مافاز بالنتيجه هذي بسبب مستواه..لا بسبب مستوى الارسنال :)

اقتباس:

---

ما أقول الا الله يعينكم :o

---

امين :أفكر: ...

احتياط ضعيف + حراسة متدنية + تغيرات خاطئة من المدرب + لعب بارد من الفريق ..
:::
كانت فعلا أسوأ مباريات الأرسنال .. :( لكن 2- 0 صفر على الهايبري
ليس بألأمر المستحيل على المدفعجية ... :)

هي والله من الناحية الصعوبه مافيه اي صعوبه على القنرز..

ولاتنسون الموسم اللي راح وقت ماغلبونا الانتر بثلاثه..ورحنا على ارضهم وعطيناهم الخمسه..

لكن اهم شي ان المدرب ينتبه للخطه يصح والتغيرات..ويرجع كل واحد لمركزه الاساسي...واللعيبه بعد لازم تكون عندهم روح النصر..مانبيهم مثل المباراه اللي راحت مايتين

بصراحة الارسنال يعيش اكثر من موقف

الاول ان لاعبينه يبدولي انهم زهقوا ،،
ثانيا المدرب وينجر مدرب كبير لكنه يصر على صناعة اللاعبين .. وهذا جيد لكنه ماهو دائما
يعني المفروض انه يدمج لاعبين كبار ( بشرائهم ) مع صناعة بعض اللاعبين
ويكون عنده احتياط جيد للمواقف الصعبة
اما انه يقول ما اجيب لاعبين علشان احطهم احتياط فهذا خطأ

واخيرا الارسنال مستواه هالموسم جدا سيء ،،، ودائما ارسنال يطيح بسبب ضعف الاحتياط .. والمفترض وينجر يكون انتبه ..
بس شكلهم قايلين له ماتجيب لاعبين كثار .. :33:


الارسنال ممكن يعوض خسارته .. بس يحتاج جهد كبير .. بميونيخ ماهو بالنادي سهل
ودفاعه جدا عنيف وحارسه اقوى


بالتوفيق للارسنال يارب

باتريك فييرا: نحن قادرون على التأهل...

http://www.teamtalk.com/Images/29360.jpg

أصر كابتن الأرسنال باتريك فييرا أن الأرسنال باستطاعته

تخطي عقبة ميونخ في دوري الأبطال.


على أية حال، أعترف فييرا أن الأرسنال يجب أن يلعبوا بطريقة

مغايرة عن اللعب الذي لعبوه في الأولومبيك ستاديوم في ميونخ

إذا أرادوا الصعود لربع النهائي.


قال فييرا: هو صعب لكن ليس مستحيل، نحن قادرون على إحراز

الأهداف في الهايبري لكن يجب أن نؤمن بأنفسنا،

ونستغل أي فرصة تأتينا .


"هذا مثير للإحباط لأن ميونخ لم يلعبوا أفضل منا، نحن لم نلعب

بحريتنا المعتادة ، عندما لاتعطي الأفضل فستكون محبط"


"لكن الباب ما زال مفتوح ونحن فقط يجب أن نؤمن بأنفسنا

بأنّنا نستطيع القيام به. هو ليس مستحيل - نحن نستطيع

القيام به. نحن سنقوم به"

أضاف فييرا: في 3- 0 ، سيكون 95% ليس لديك أمل لعبور

لكن بهدفنا في الدقيقة الأخيرة سيكون ممكن وليس مستحيل.


"مع مساندة الجماهير خلفنا، نحن لانعلم ماذا سيحدث

الموسم الماضي آمنا بأنفسنا وسنفعل ذلك مرة أخرى"
==============================

وهذا مو فييرا لحاله اللي يلمح على المدرب..ايضا هنري في تصريح سابق..انا نقلت لكم هالتصريح لأن فعلا جميع الاطراف متفقه على ان فينغر مدري وش قصته..!!

وبالنسبه لك اخويFraser انا لي رد على كلامك لكن اعذرني مو الحين لأن وراي عزيمه..:)