هل كروت فودو هي الأفضل

السلام عيكم يا شباب لقد قررت غدا السبت شراء كرت ثر دي وقد قررت أن أشتري فودو2 فهل هذا الأختيار جيد وهل يضمن لي تشغيل كل الألعاب بصوره ممتازه

وما لقيت اتعب من هالكرت عشان تشتريه....تره قدييم حدّه:D :D
اذا تبي كروت سنعه اشتر GeForce2MX(للميزانية المحدودة) ,GeForce2GTS/Pro(لرسوم في غاية الروعه) ,GeFroce3(غالي ولكن افضل كرت شاشة موجود حاليا بالاسواق)

واما فودو 2 فابتعد عنه (نصيحتي:D ) واشتر واحد من هذه الكروت الثلاث وذا تبي واحد متوازن بين القدرات والسعر فاحسنلك ...الوسطي(GF2 GTS/PRO) وهما نسختين برو وGTS اختار الي يعجبك او تلقاه:)

اقول اشتري GeFroce3

عشان كل الي في المنتدي يمدحونه

انا ما عندي بس لو ابشتري علي طول GeFroce3 من دون تفاهم

مجرد رائ

أنا عارف انه ديم ما هو سألت بياع المحل قالي في فودوو6 قتله كم قالي 2000 ريال فأنا سألت نفسي أيهما أغلى الكرت أم الكمبيوتر
على العموم خلاص بكنسل الفودو وأشوف الكروت الثانيه ممكن تعطيني أسعارهم لأني أبي شي يطلع الرسم حلو وما في مشاكل في الألعاب المستقبليه وكون ب500 ريال فقط فهل عندك طلبي
وأنشوف راي الأخوان الثانين أيش
وياترى أنت مستخدم أيش

جي فورس 3 بكم ؟ ...
الله خلي سافيج فور .. على 17 دينار :):):)

اذا تبي كرت مثل ما يقولون(يمشّي الحال:D ) وسعره ممتاز ويشغل كل الالعاب (لكن مو باعلى مستوى دقة) يعني شوي راح تضحي بمستوى خيارات الرسوم..ولكن يشغل كل الالعاب الموجودة حاليا...كرت GeForce2MX وسعره تقريبا 400 ريال (سعودي) وفي منه الي يحتوي على 32 ميجا من الذاكرة وفي الي يحتوي على 64 ميجا ....والي تلقاه بالسوق اشتره:D لان نادر ان تلقاه في الاسواق...


اما GeForce 3 سعره 1600 ريال....غالي وايد:D :D


وGeForce2 GTS او Pro سعره 850 ريال سعودي.

خلاص يا شباب قررت اخذ جي فورس2م كس ومشكور يا أخyousef_al_s بس عندي سؤال أخير هل بضحي وايد بمستور الوضوح وهل سيمكنه تشغيل الألعاب القادمه في المستقبل
وشكرا على مساعدتك

شكرا yousef_al_s

بس دلني على محل بالكويت يبيع بهذا السعر ,GeForce2 MX او GeForce2 GTS

G man

العفو....
ماراح تضحي وايد.....ولكن كل ما قصدته انك ماراح تلعب الالعاب باقصى مستوى رسوم ولكن مستوى الوسط او اكثر قليلا.....اما عن الالعاب المستقبلية فاستطيع ان اضمن لك انه سيشغل لك كل لعبة ستصدر في السنتين القادمتين بشرط ان تطور معالجك في المستقبل الى PIII1000 او AMD اثلون .....وسعرهم يتراوح بين 400 و 700 ريال..(المعالج لوحده)...ولكن في الوقت الحالي...بنتيوم 3 450 كافي لتشغيل كل الالعاب (ماكس بين من ضمنهم:D ) عموما لا تتردد في شرائه ولا تخف;) ولكن اذا حاولت ان توفر القليل من المال لتشتري GF2 GTS سيكون ذالك افضل لك:)
-----------------------------------------------------------
PC man

صراحة GeFrce2 MX قليلة المحلات الي يبيعونه ولقيته جم مرة بحولي (شارع بن خلدون) ما اتذكر اي محل بالضبط بس حاول تدور تلقى . اما GeFrce2 GTS تلقاه عند كمبيو ستي الّي بالرحاب واهو يباع بماركة كريتف وانت اسئل حق اي واحد من الموظفين وراح يوريك اياه.

ألف شكر خلاص بدور على الأثنين وما في مشاكل عندي في المعالج لأنه أصل المبيوتر الي عندي حديث السرعه عندي 1000 وهو طبعا بنتيوم3 والرام256 خلاص ما في مشاكل ألف شكر

العفو حبيبي .....واي سؤال او استفسار ثاني انا حاضر:D ;)