عرض للطباعة
:jester: مرحبه شباب شكله الجاليري مالي مطول وايد على ما يخلص فحبيت احط بعض الرسمات لشخصيتين من شخصيات الكومك و اهم البطل والبطله و راح يبين في الرسمات شنو المراحل الي مريت فيها وانا الونهم و لان راسي يابس فكل الرسمات الي راح اعرضها ملغيه و بعضهم مو خالصين :jester:
الدفعه الاولى للبطله .
هذيلا احلا من الي راسمنها قبل بس مسونها عريظه من تحت شوي
ادري وتر فيها وايد اغلاط معقدتني فكنسلتها والحين الدفعه الثانيه وجه البطله والبطل و sorry على التاخير :biggthump
في الدفعه الثالثه رسمه وحده للبطل قعت اغير فيها عشان يعجبني شكل البطل بس ما اعجبوني فكنسلتهم وسويت واحد جديد من الصفر :biggthump
شوف الzip file
ممكن يساعدك
تعبت وايد وانا ادور هالصور
البطل خلص بس موعاجبني فجعت اغير فيه و مافهمت ىشسوي بال zip file ???
اخوي الفايل مش طايع يطلع بس بحطلك صور تساعدك في الرسم
مشكوره على الصور الي دزيتيلي اياهم لانهم راح ينفعوني حيل وانا الحين فهمت عليج و عدلت الرسمه :biggthump
كل واحد يعرف ينتقد تعال انتقدني :D
بعد التمحيص والتدقيق في رسمات الشخصية اللي اسمها ادريان استنتجت ان <<<<<<<< شنو حصة كيميا؟ :09:
- الرقبة عريضة شوي
- تظليل الشعر مو حلو :08: مافيه تدرج بالألوان وأصلا الألوان طالعة برا حدود الشعر
- الحواجب بعد سويتهم نفس الشعر
- الجلد لونه كان غريب وحسيت كأنه قطن مو جلد بس لما شفت الرسمة الغامجة صار شكله وااااااااااايد أحسن :biggthump
وأحلى مافي الرسمة لون العين ;)
الرد :-
1- انا ارسم رسم قريب على الواقعي والرقبه مو رقبت شخصيه انميشن عشان اظعفه وبعدين اهي موعريضه يتهيالك اهي ممكن تكون طويله شوي بس مو عريض:D .
2- ممكن توضح اكثر اي رسمه فيهم الي تضليله تضليل شعره مو عاجبك :33: لان مثلا الرسمه رقم 8 و اهو الشعر الي مسويه و مضبوط بس ما عجبني و بعدين جعت امسح واحط وسويت تسريحات جديده فما اهتميت فيهم وايد بس خليتهم كدزاين .
3- ليش رجاء التوضيح.
4- ليش عمرك ماشفت بيض من قبل:06: وبعدين عادي انا غيرته لان ماينفع يكون بطل لونه وايد فاتح .
5- مشكور:biggthump .
ردا ً على سؤالك بالنسبة للون الجلد والرقبة شوف الصورة هذي
انت ستايل رسمك مثل ستايل فاينل فانتسي
لااحظ بالصورة مع أن رقبته عريضة وطويلة إلا إنك تحس انها مناسبة لجسمه
الغلط اللي في رقبة شخصيتك موجود من جهة الخلف
وبالنسبة للون الجلد شوف لون الجلد في الصورة مثل لون رسمتك تقريبا أبيض ووردي بس ماعطاني إحساس بأنه قطن لأن تدرج الألوان مضبوط بالصورة
ولاحظ الحواجب والشعر في الصورة الرسام ما طلع لونهم برا حدود الرسمة مثل ما أنت سويت
tetsuya nomura افضل رسام عندي:biggthump بس رسمي مختلف عنه وتلويني هم مختلف عنه ولاني استخدم ال air brush (البخاخ ) في التلوين و تر بس دزاين الشخصيات متشابه شوي و ماخذ انا فكره تركيب الرسمتين منه اما بخصوص الشعر والحواجب فهذا استايله وانا احب الطريقه الي الون فيها الشعر والحواجب وانا ما احب اقلد رسام معين لان لي استايلي الخاص .
و ليلحين اقول مافي غلط في الرقبه و انت حاطه الرسمه الويه فيها من جداممو من الجنب و منو جال اني ملون بالويه وردي اصلا .:06: :06: :06:
وهذا دزاين zell & kiros from final fantasy 8 بالالوان المائيه اصعب انواع الالوان الي ممكن احد يبدع فيهم .:biggthump
والله اخوي انت اللي قلت تعالوا انتقدوا واذا مو حاب تعترف ان عندك غلطات في الرسم انت حر
وأصلا الصور اللي انت حاطها تثبت كلامي أكثر وأكثر
حتى لو كنت تستخدم أداة البخاخ خطوط الرسمة لازم تكون غامجة وواضحة وهذا السبب اللي خلاني أحس ان الرسمة شكلها مثل القطن لان حدود الرسمة فااااااااااااااتحة
نفس الشي بالنسبة للشعر لازم حدود الرسم تكون واضحة وغامجة والألوان ماتطلع برا هذي الحدود
على العموم مع الممارسة والتمرين انت راح اتلاحظ الفرق
وعلى فكرة انا بنت موووووووووووووووووووووو ولد :D
:shock22: :shock22: :shock22: :shock22: :shock22:
بنت .
اول شي انا جلت مافي غلط بالرقبه مو بالشعر والرقبه صح :biggrin: ثاني شي انا احبه جذي وهذا موغلط و تر محد جال بالتاريخ كله ان لازم تكون الخطوط بالرسمه غامجه واضحه و ماتطلع الخطوط بره :biggthump وشكرا على المحاوله .
وممكن اشوف اقوى رسماتج :biggrin: .