واخيرا.....الحل العربي الكامل للعبة (فاينل فانتسي7)

اهلا...

خلاص...

قررت ابدأ...

طبعا الطريقة بسيطة....وهي اني ابدا الحل...واكتب جزء منه...بعدين يجي واحد ويكمله...ويجي الثاني ويكمل بعد الثاني....وهكذا...

بعد ما نخلص الحل...

نبدا نناقش الاسرار...

أهلاً يا naf...

متى تبدأ بالحل لأني متحمس جداً....

يله بأبدا...
==================
اول ما تبدا اللعب....بتبدا في قطار....يوقف القطار....وينزلون الشخصيات...ويطقون الحراس...

انت اول ما تقدر تتحكم بكلاود روح للحارس الميت واضغط عنده (X) مرتين...بتاخذ (2 بوشن)...

http://guides.ign.com/guides/494/images/north1.jpg

بعدين الحق الفريق....لما توقفون عند بوابة....كلم بيغز وبيفتحها لك....بعدين بتروحون لبوابة ثانيه....كلم جيسي وبتفتحها لك...

كمل طريقك لما توصل للمصعد...((لا تنسى تاخذ الصندوق اللي فيه فينيكس داون))

عند المصعد كلم جيسي...وبعدها ادخل واضغط الزر...اطلع من المصعد...وامشي في المفاعل...((لا تنسى تاخذ 1 بوشن))...

امشي لما توصل للمكان الموضوح في الصورة...

http://guides.ign.com/guides/494/images/north2.jpg

وخذ بلورة (RESTORE)...وبعدين حاول انك تستخدم الكمبيوتر....اذا نجحت...بيجيك اول زعيم تضاربه ((Guard Scorpion))

---------------------------
هذا الزعيم سهل اذا عرفت كيف تقاتله....

اكثر شي يأثر عليه هو الضربات الرعدية...وطبعا الضربات الخارقة للشخصيات....

يفضل انك تخلي شخصية تضرب بالسلاح...وشخصية تضرب بالسحر (الرعد)....

لكن انتبه...اذا رفع ذيله...لا تضربه...لأنه بيرد عليك بضربه عكسية قوية...

((اذا كنت تبغى ترتاح...ضارب وحوش كثيرة قبل ما تضاربه...عشان يكون الlevel حقك ممتاز))

استمر بضربه بالرعد والضربات الخارقة حتى يموت....بيعطيك [ASSAULT GUN]
----------------------------

بعد ما تهزمه...بيطلع لك عداد...(عشر دقائق)...لازم تهرب من المفاعل قبل ما ينتهي الوقت وينفجر المفاعل...

بعد ما تهرب...بتصير تمشي لحالك.....انت بتطلع على غرفة خربانه وحالتها حالة....اصعد الدرج...واطلع من الغرفة....بتوصل لساحة صغيرة فيها (بائعة الورد)...كلمها...واشتري منها اذا كنت تبغى....((لا تنسى تاخذ البوشن على اليسار))

بعد ما تعدي الساحة....بتتلاقى مع جنود الشينرا....بيجيك اختيارين (هروب او قتال)...اختر اللي يعجبك....لأنه مصير ما يتغير...

بعد ما يحاصرونك الجنود....بتقفز على القطار...وتروح لأصدقائك...(اللي بيقلقون عليك)...

كلم كل اللي في القطار....وبيوصل للمحطة....انزل...والحق الفريق...بتوصل لقرية صغيرة...((فيها البار حق باريت))...بتلقاه واقف عند الباب....كلمه....وبيدخلك للبار...

كلم تيفا....وباريت...بعدين روح للباب....بتوقف...ويضرب باريت الآلة (اللي هي مفتاح للدور الارضي السري)

انزل هناك...وتكلم معهم...بعدين بتطلع وتتكلم مع تيفا وباريت...وينتهي الموضوع......
==================

تعبت...

وش رايكم...

زين...

يله ابغى احد يكمل ويساعدني...:)

الله يعطيك العافية يا ناف ما تقصر ..

مشكوووووووووووووووووور كثير على تعبك اخوي naf وانشاء الله ما يضيع :)

اقتباس:

---

كتب العضو (عماد 18)
الله يعطيك العافية يا ناف ما تقصر ..

---

مسوي فاهم يا عماد والله انك من جنبها
بعدين ورا ما تاخذون مجله من مجلات الحل الكامل وتنقشون وتريحوننا.

لو تحلون الثامن عجل احسن

الله يعطيك ألف عافية يا أخ naf...
و الله أنا سوف أستفيد من هذا الحل...
و لكني لا أعتقد...سأشارك الآن....
لأني لم أنهي FF7...حتى الآن...:o :o :o

وين خبراء اللعبة.....ابغى احد يساعدني....والله انا اول ما كتبت الموضوع قلت الشباب بيخلصون الحل...قبل ما ارد مرة ثانية....

المهم...انا بأكمل....
=====================
اول ما تخلص من المحادثة اللي مع تيفا وباريت...اطلع للقرية وتمشى فيها...

اهم شي انك تروح لمحل البلورات (اللي بتلقى عنده بلورة FIRE MATERIA ب600 جيل) اذا كان معك فلوس اشترى بلورات الرعد والثلج...

تروح لمحل الاسلحة...اللي بتلقى فيه اساور حديدية(جمع اسورة او سوارة الي يلبسونها البنات في يدهم) IRON BANGLES <=== اشتري منها 3 وحدة لكل شخصية(ب160 جيل)....واذا اشتريتها بيع الاساور اللي كانت مع فريقك...

قبل ما تطلع من القرية روح لقاعة المبتدئين....بتلقاها ورا محل الاسلحة...اطلع الدرجات وبتلقاها في الدور الثاني...هناك بيعطونك شوية معلومات عن طريقة اللعب (اللي ما فهم عليهم يقول لي وانا اشرح له)...

لا تنسى تاخذ بلورة ALL MATER (بتلقاها امام رجال على اليمين)....وبتلقى داخل صندوق الكنز...ETHER.....

يعد كذا اطلع وروح لمحطة القطارات...اخل القطار...وبعد فترة بيرن جرس الانذار...الحين لازم تتنقل من عربة لعربة....ولك 10 ثواني في كل عربة...يعني العملية سهلة...بس فيه اشياء تقدر تاخذها من كل عربة...وهي:
1- العربة الاولى...تكلم مع الرجال اللي في الزاوية اليمنى البعيدة وبيعطيك PHOENIX DOWN.

2-العربة الثانية...تكلم مع الرجال اللي قاعد في الزاوية اليسرى القريبة وبيعطيك HI-POTION.

3-العربة الثالثة...مافيه شي تاخذه...بس فيه واحد بيمر من جنبك وينشلك...الحقه بسرعة وكلمه...بيعطيك اللي نشله...

http://guides.ign.com/guides/494/images/sector1.jpg

كمل طريقك....لما توصل للعربة الاخيرة...تكلم مع تيفا وبتقفز من القطار...بتلقى نفسك في نفق..او مجاري (ما ادري وشو بالضبط)....امشي قدام...لما يوقفك باب مقفل...التفت على اليسار...بتلقى فتحة صغيرة....اطلع منها...وبتلقى ETHER في اول منطقة...بعدين بتلقىPOTION قريب من جيسي...وTENT عند بيغس....

اطلع السلم اللي بيوصلك...للمفاعل...خذ الانزلاق اللي على اليسار...وامشي حتى توصل للمكان المطلوب...جهز القنبلة واطلع من نفس المكان اللي هربت منه في المفاعل الاول (اللي في اول اللعبة)...

اذا وصلت للابواب المقفلة....بتلقى ETHER في الصندوق القريب....بعدين روح لغرفة التحكم على اليسار...وهناك لازم تضغط على المفتاح بتوافق مع تيفا وباريت (المفتاح في نص الغرفة يعني لازم تضغطه مع تيفا وباريت في نفس الوقت)

بينفتح لك مخرج...اطلع منه وبتتلاقى مع واحد من زعماء الشينرا (اللي هم اعدائك) وبعد ما تخل كلام...بيطلع لك زعيم لازم تضاربه واسمه.. Air Buster

--------------------------------
هذا الزعيم سهل...مقارنة بباقي الزعماء...واول ما تبدا بتكون محاصرة...يعني تيفا وباريت من جهه وانت في الجهه الثانية...حاول انك تخلي اول ضربة...تضربها الشخصية اللي معطيها الزعيم ظهره...وبعدين ضاربه بضرباتك العادية..(وحاول تترك شخصية تزود باقي اعضاء الفريق بالقوة)...طبعا بما انه آلة...اكيد اكثر شي يأثر عليه هو الرعد...يعني استخدم ضربة الرعد كثييييير....ومع الضربات الخارقة بتهزمه بسهولة...
هو بيعطيك...[TITAN BANGLE]
--------------------------------

بعد ما تهزمه....بيكون فتحة في الارض...وكلاود(اللي هو انت) المسكين بيطيح فيها...

بتقوم...وتلقى نفسك مع مييييين؟؟......بائعة الورود....اللي هي آيرس....تكلم معها شوي...وبيجيك رينو (عضو في عصابة التوركس)...

وهو يبغى ياخذ آيرس...بتهربون لما توصلون للكنيسة... روح للسطح...او اعلى دور...(الدور اللي بتلقى فيه البراميل)....

بتطلب منك آيرس المساعدة....ساعدها بأنك ترمي البراميل على اللي يلحقونها...زي اللي في الصورة...

http://guides.ign.com/guides/494/images/sector2.jpg

بعد ما تنتهي منهم....بتطلع انت وآيرس من فتحة في السطح....وتقفز من سطح بيت الى سطح بيت ثاني...وبعدين بتنزلون...وبتلقون مفرتق طرق...روح للطريق الايمن (الطريق الايسر بتروح له بعدين)

لما توصل لبيت آيرس...قبل ما تدخل...روح للحديقة على اليمين....بتلقى...ETHER و بلورة COVER MATERIA.

ادخل البيت وارتاح....وبتكلمك امها عنها...وبتترجاك انك ما تاخذ معك آيرس...بتروح لغرفتك وترتاح....بعد ما تقوم...افتح الدولاب اللي جنب الباب...وبتلقى PHOENIX DOWN و POTION حاول انك تتسلل..((تتسلل بأنك ما تضغط زر الركض وانت تمشي))....تسلل من عند غرفة آيرس بدون ما تنتبه...وارجع لمفترق الطرق...
=====================

بلييييييز....احد يساعدني...والله تعبت...

وش رايكم...زين؟؟

على فكرة....اللي استعصى عليه شي او ما فهم جملة....يقول لي وانا اساعده...

اقول فيه كوبي بايست ولا كلها كاتبها انت

حرااااام عليك....

بالله من وين باجيب موقع اقدر انسخ منه حل...(باللهجة السعودية)....

يعني انت اقراه زين بعدين اتهمني....

لكن انا ما احب اكذب....الكلمات الانجليزية...والصور...كلها ناسخها من مواقع...

واصلا انت اذا كان فيك خير...كنت ساعدتني...بدال ما تتهمني....

الله يخليك وانا مقدر تعبك..
لكن ودي اساعد ومساعدتي هي اني اقول للاعضاء ترا الحل الكامل موجود في كل محلات الكمبيوتر يعني لا تتعب نفسك يا نوافوه..
وانا ما اقدر اساعد لاني لاعبها من اربع سنوات يعني يبيلي شي ارجع له يعني انا بسألك انت الكلام هذا كله من وين جبته؟؟
هل انت تلعبها من جديد وتكتب الحل ولا كيف..لا تقولي اتذكر..:)
وشكرا على مجهوداتك الجباره..

اشجعك حق هذي الفكرة الحلوة بس ياليت تساعدني

انا علقت في الديسك الأول لما اتعرف على واحد جديد اسمه kid ونهرب بالطيارة وتطيح في البحر وين اروح و كيف .

وتراني كتبت هالكلام 100 مره بس ما في فايدة
فياليت لو تساعدنا.

الظاهر انكم تلعبون علي.....وين اللي بيساعدوني...ووين اللي يقولون انهم خبراء..((لاحظوا...كلمة يقولون...لأنهم مو خبراء))....

الظاهر اني باخلصه لحالي....

RPG ماستر....انت وخشتك..آآ...اقصد...انت وشوشتك...وش قصدك بهالكلام...لعلمك...اني قاعد العب اللعبة من جديد...وزود على كذا...اتأكد من المواقع الاجنبية...عشان ما يفوتني شي...

وبالنسبة لسؤالك يا كوبرا....ان شاء الله بيجي في الحل....((اي سؤال ثاني بليز ارسلوه على الخاص))

باكمل...

=========================
بعد ما توصل لمفترق الطرق...بتلقى آيرس...تنتظرك...روح معها للطريق الايسر...بتمشي في خرابة...واذا عديتها بتوصل لحديقة العاب للاطفال...

بتقعد تسولف مع آيرس...بتشوف تيفا راكبة عربة ولابسة لبس غريب...وبعدين الحقها ل(وال ماركت)....

هناك...اعتبرها احلى منطقة في الCD الاول....لأن الاحداث اللي فيها حلوة وتضحك...اول ما تدخل المدينة...خذ وقتك واستكشف المكان(المدينة مكونة من 3 مناطق)...واشتري اسلحة واغراض ثانية(اذا كان معك فلوس)...

بعد ماتنتهي.....روح لأول المدينة...وروح الجهه اليمين (تقريبا في الزاوية)...
هناك فيه مكان اسمه Honey Bee Inn روح كلم الشباب اللي هناك....وبيقولون لك عن مكان تيفا...

بيقولون...انها موجوده في قصر Don Corneo....قصر الرجال تلقاه في آخر المدينة...بس...المشكلة....انه غير مسموح بدخول الرجال...يعني انت ما تقدر تدخل...

وش تسوي......آيرس عندها الحل....ما فيه الا انك تتنكر على شكل حرمة..:D :D ...وتدخل مع آيرس للقصر...روح للخياط....(بتلقاه على اليسار بس ناسي وين بالضبط)....وتكلم معه...بيقول لك ان ابوه ما صار يشتغل...ودايما يقعد في البار...

روح للبار...(بتلقاه على اليسار برضه)...اول ما تدخل كلم الرجال اللي على اليمين...(هو الخياط)...وبيعطيك اختيارات عن نوع اللبس...

1- اذا اخترت (something that feels clean)..بيعطيك COTTON DRESS...

2- اذا اخترت (something soft and shiny)..بيعطيك SATIN DRESS...

3- اذا اخترت (something that feels soft and shimmers)..بيعطيك SILK DRESS...

http://guides.ign.com/guides/494/images/corneo1.jpg

بعد كذا لازم تدور على باروكة....روح للنادي...(بتلقاه على اليمين في المنطقة الثانية)...ولازم تلعب مع BIG PRO...

1- اذا فزت بيعطيك... BLONDE WIG...

2- اذا تعادلت بيعطيك...DYED WIG...

3- اذا خسرت بيعطيك...nasty WIG...
=========================


تعبت...باكمل بعدين....:) :)