قبل يومين رحت أدور على
"جهاز" يركب بالكمبيوتر اسمه...النظارات الثلاثية الأبعاد 3d-Glasses
رحت لمجمع الكمبيوتر اللي بالعليا
..
دورت عليه
ودورت
ما حصلته
!!
فرحت لمجمع
"كمبيو مي" وكمان ما حصلته
رحت الى أكسترا اللي بطريق الملك عبدالعزيز
.....وما حصلته (رغم اني أول ما شفته عندهم,,بس شكله ما عليه طلبيه وصاروا ما يجيبونه)
رحت الى الكترو اللي بطريق الأمير عبدالله وما حصلته
...
رحت لمجمع الكمبيوتر اللي بطريق الملك عبدالعزيز مقابل أسواق صحارى
...وما حصلته
آخر شيء رحت الى مكان ما توقعت أنا أبد انه يكون عنده
...بس لقيته!!!
وش توقعون هالمكان؟؟
"
تويز آر أس" (محل الألعاب الأمريكي)
وحصلته
...لكن بسعر مرتفع شوي
300
ريال
الغريبه ان هالنظارات ماهي منتشره على الرغم من أنها فازت بجائزة أفضل تقنية جديدة للكمبيوتر عام
2002 م
فرحت للبيت وركبتها على جهازي وشغلتها
واااااااااااااااااااااااااااااااو
!!!!!
فعلا تستحق الجائزة اللي كسبتها
!!!
تبون تعرفون شلون طريقتها؟
هي نظارات
...تلبسها...فتشوف الأشياء داخل الجهز وبرا الجهاز!!!
لأنه
-سبحان الله- الانسان بعينين يستطيع التمييز بين القريب والبعيد أكثر من عين واحده
فمثلا
لو وضعت أصبعك أمام أنفك وناظرت الى شيء بعيد راح تشوف اصبعك ثنين
...مو وحده
لكن لو ركزت على اصبعك يصير العكس
...تشوف الدنيا اللي وراء ثنين...وتشوف اصبعك وحده
هذه هي فكرة النظارات
وعلى هالأساس صلحوها
فاذا لبست النظارات راح تشوف الشاشه مثل النافذه على عالم جواها
....بل يخرج منها أشياء...وتصير أقرب من الشاشة!!!
تحس أنها قدامك
...لكن ماهي قدامك!!!
تقنية روعه وجديرة بالانتباه
ويقال
-والله أعلم- أن أجهزة التلفاز في المستقبل راح تكون زي كذا ,,لكن من دون نظارات!!!!
فتجلس تناظر التفاز
,,,ويخرج منها "صواريخ وطيارات وعصافير وحمام وخفاش وبوم وصراصير...اللي تبي!!!"
بل أنا أطلعت على مقالة تقول ان الشركة اللي صنعت النظارات
(اسمها X3d) راح تتعاقد مع "أكبر شركة الكترونيات بالعالم " وهي شركة سوني Sony
على صناعة أجهزة بهذه التقنية الجديدة
...
بل راح تتعاقد أيضا مع مصنعي ال
set-top-box وهو الرسيفر للدش بصناعة رسيفرات تحوي هذه التقنية الجديده
لأنه ما تقدر تحصل على صورة ثلاثية الأبعاد اذا كان المصدر صورته ماهي ثلاثية الأبعاد
وطبعا لازم تكون القناة أيضا تبث صورة ثلاثية الأبعاد
فالشغله يبيلها وقت
....وقت كثير بعد
