والله احبكم يالخايسين

من جد من جد احبكم واعزكم لدرجه فظيعه يا اخواني بالمنتدى


المنتدى هذا صاير مثل بيتي الثاني ..


والله اني كل ما يضيق خلقي واتكدر لما ادخله انسى كل همومي ومشاكلي لما اشوفكم واشوف مواضيعكم وردودكم


صارلي اربع سنين كل يوم ادخل فيه للمنتدى خلالها .. والله ان المدة هذي مب هينه .. عمر كامل لحاله ... واليوم الي مااقدر ادخل فيه يكون عندي ظروف قهرية تمنعني .. والله مااقدر استغني عنه ولا عنكم .. .

والله تعودت عليكم وتعودت على هذا القسم بالذات .. لان اغلب اخواني وحبايبي فيه .. يمكن لانه اقدم قسم بالمنتدى ..



والله اني درت ودرت بكل منتديات العالم .. والله ما حصلت مثل منتدانا الحبيب هذا ...

مافيه ولا منتدى اعضاءه كذا مثل الاخوان محد يستغني عن الثاني !!

ومافيه ولا منتدى اعضاءه راقين واصحاب خلق ودين مثل كذا !!



بينهم الحب والعفوية والمزح والضحك والهم حتى !


شفت كثير منتديات مثلنا ... مثلنا بالشكل .. مثلنا بالالوان .. مثلنا بالهاكات .. حتى مثلنا بالمواضيع واحسن مننا ..


لكن بالاعضاء وروح المحبة الي بينهم .. ما شفت ابد !

اغلب الاعضاء سريرتهم وروحهم طيبه وطاهره ...

الحمدلله والله لو نقارن حالنا بالمنتديات الثانيه .. نشوف عندهم اعوذ بالله وحوش وذئاب بشرية بصورة اعضاء ملائكة ..

كل همهم كيف هذا يشبك مع ذيك .. وكيف ذيك تشبك مع هذا .. و علاقات رخيصه وقلة حيا صحيح .. ما تلاحظ الشي هذا الا لما تدخل بينهم وتشوف واقعهم الوصخ ..

الحمدلله ما عندنا الشيء هذا .. كل عضو يشوف العضوة الثانية على انها (((( اخت )))) له ولا اكثر .. يخاف عليها وينتبه عليها وحتى يغار عليها مثل اهله بعد !!!

وأي خبيث يندس بينا ما يتم الا وينشحت مثل الكلب يروح للمنتديات الوصخه الثانيه ..


المنتدى هذا تعودت عليه .. صار جزء من حياتي .. صار جزء من يومي .. والله انه مثل الاكسجين ما استغني عنه ..



والله اني اعزكم كلكم واحبكم كلكم ... احب المنتدى هذا بكل الي فيه .. بمساوءة الي تغطي السما من كثرها وبمحاسنه الي تغطي الكون من كثرها !!!



المنتدى هذا له تأثير كبير على حياتي .. تعلمت اشياء كثيرة منه .. واكتشفت اشياء بنفسي كثيرة منه ..



والله جلست افكر اكثر واكثر بالايام الي فاتت ...

لولا الله ثم المنتدى هذا ..

كيف كنت بعرفت اني مصمم ؟

وكيف كنت بعرف اني رسام ؟

وكيف كنت بعرف اني مهندس ؟


كله بفضل الله ثم بفضل اخواني الي بهذا المنتدى .. تعلمت منهم واكتشفت كل هذي الاشياء الي فيني ..

تعلمت من هنا التصميم .. وتعلمت من هنا الرسم .. وبسبب احترافي بالتصميم تغيرت اشياء كثيرة بحياتي ...


صرت اشتغل من الثانوية مصمم في احدى الشركات .. و التصميم والرسم جعلني اعرف مين انا ومين راح اكون ..

خلاني اختار تخصصي المناسب لي ... دخلت الهندسه المعمارية وانا مقتنع ان هذا مكاني .. نعمة من الله ... اروح للجامعه وانا الطالب الوحيد الي يضحك ومستانس بوضعه .. لان هذا مكاني هذا مستقبلي انا اخترته ..

هذا غير اسلوب التخاطب والكتابه ... المنتدى هو السبب الوحيد الي جعلني اتطور بهذا الشيء ..

حتى فهم الاخرين والتعامل معهم ... ما صرت افهم فيه الا بسبب المنتدى .. تتعامل باليوم مع اكثر من شخص .. تشوف نفسياتهم وتشوف اهتماماتهم وتفكيرهم .. ايش يحبون وايش يكرهون ..

والله كلها هذي اشياء مب هينه لو الانسان تأمل فيها واستفاد منها ..


والله اني اتكلم بكل صدق وصراحه .. انا بدون الاشياء هذي ما اسوى شي ... بكون انسان عادي عاش عادي ودرس عادي وتخرج عادي ومات عادي حتى ماكتشف نفسه ولا عرفها ...




والله كل الكلام الي قلته طالع من قلبي .. يدي تطبع بالكي بورد ووالله مادري وش كتبت فوق .. كل الي طلع مني بعفوية وصدق .. ههه حتى اتوقع كل الي كتبته فوق باسلوب رايح فيها ..

احبكم يالخايسين احبكم بالمعفنين والله اني محظوظ لاني بينكم .. ولان الله كتب لي اني اكون هنا ..

والله امنية من امنياتي .. اننا نجتمع كلنا بمكان واحد .. اعضاء وعضوات ونشوف بعض مثل الاخوان ..

ههه شي هذا خيالي ولا راح يصير ... بالجنة ان شالله .. الله يكتبها لنا ..



هههه الله يرضى عليكم لا احد يقول وش يبي ذا .. هذي مشاعر بداخلي وحبيت افرغها بالموضوع هذا .. وبضغط على زر انشر الرد بدون تردد ..

:)
الله يسعدك ويسعد كل الناس اللي داخلها نظيف ونيتها كمان
وبيك احنا كسبانين ف المنتدى
;)

ههه قريت الكلام الي نشرته بالموضوع توقعت اني بضحك عليه وضحكت بالفعل ..


وش اسوي مسكت عواطف معاي هههه


الي صراحه خلاني افكر كثير واكتب الموضوع هذا ... هو الروح الحلوة والعفوية الي بينا والي اتضحت كثير بموضوع ( من أنا ؟ )

بصراحه وين تصير بالمنتديات العربية الكل ينشر صورته بكل عفوية وراحه بمنتدى الكل يشوفه ؟

والله ما وصلنا للمرحله من العفوية هذه الا بعد شعور بالراحه والاطمئنان بين بعضنا ..

اهلييين وسهلييين

الله كلامك طالع رووعة.. بجد انك تحب المنتدى.. حتى اناا حسيت بهل شيء

ايااام زماااان.. كان هذا المنتدى أول منتدى أعرفه.. وكان احلى منتدى ... عشت معاااه احلى الايام

وقضيت فيه امتع الاوقات .. كااان في بالي اني اكتب نفس الكلام إلي كتبته .. واقوول ان هل منتدى احلى منتدى عندي


لكن صارت ضرووف اني انقطعت عن النت.. و حصلت اشيااء وايد وتركت هل منتدى .. لكن بين فترة وفترة اشووف مواضيعي

واطاالع إلي كتبته وردوود الاعضاء الغايبين إلي تركوونا


شفت نفسي شلون ان تفكيري تغير.وفعلاً حسيت اني كبرت .. وكنت استغرب اني اقوول كل شيء وماافيه شيء مخليته سر


وصح كلامك الاعضاء هنا مثل الاخواان و أكثر.. المنتدى هو بيتنااا.. حتى اناا مااعرف وشوو أقول .. لكن في اعضاء وايد عزيزين و غاليين فقدنااهم وفي بعضهم راحو منتديات ثانية.. ودعاهم قلبهم انهم يتركوننا .. وفي اعضاء ماندري وينهم

لكن حتى اناا تراني احب هل منتدى ... ويمكن انه جاتني مرحلة قمت استهبل وكلامي ماكاان واضح<< كنت اقلد

اختي إلي هي اصغر مني لانها مااكاانت تعرف تكتب .. و هل منتدى خلاني اضحك كثيير وخالني ابكي كثير كثير .. بكاء حزن ودمووع فرح ... وضحك وونااسة



يالله ويبقى هذا المنتدى أحلى المنتديات...

http://images.montada.com/reputation/reputation_pos.gifhttp://images.montada.com/reputation/reputation_pos.gifhttp://images.montada.com/reputation/reputation_pos.gifhttp://images.montada.com/reputation/reputation_pos.gifhttp://images.montada.com/reputation/reputation_pos.gifhttp://images.montada.com/reputation...on_highpos.gifhttp://images.montada.com/reputation...on_highpos.gifhttp://images.montada.com/reputation...on_highpos.gifhttp://images.montada.com/reputation...on_highpos.gifhttp://images.montada.com/reputation...on_highpos.gifhttp://images.montada.com/reputation...on_highpos.gif
ابي اعرف بس اش معنى هذول المصابيح كلها ولا هذول أوسمة شرف ;)
اذا أوسمه اوكي ...واذا مصابيح إن شاء الله يصير عندي أكثر من واحد ماعرف اشوف زين :09:


الصراحة الموضوع عجبني لاسيما اني احس بنفس الشعور ^^

هذا المنتدى اهو المنتدى الوحيد الي دخل قلبي وكنت سابقاً في منتدى وفعلاً حسيت بالفرق هنا ^^

...مادري أعضاء يونسون وكلهم خير والله ...عرفت ناس طيبة وصرنا حبايب ..


...هنا اقدر اعبر عن حالتي النفسية اكتب واضحك وابتسم ومرة اكون زعلانة ومرة عكس ...

.. أشعر بانه عالم ثاني ...

...فيني أشارك مع الأعضاء نسولف من جميع الدول العريبة وأهالي الخليج العالم الحبيب ...

...نتعرف على ناس ونعرض هوايتنا وتقربنا أكثر ..

..فعلاً احس انه بيت ثاني واشعر بالأسف اذا تركونا أعضاء أو ماعاد يشاركون ..

...احس ان عندي اصدقاء ...اخوان واخوات الله يخليهم ...

....رغم اني من ناحية ثانية ماعندي كثير الا من خلال المنتدى هذا ...

...أي وقت اشعر بأن عندي ضيق أو اكو شىء يزعجني أقدر اكتب وأعبر ...

....ما اريد أسمع احد بشكل ضروري وينصحني أو يشاركني في مشكلاتي ...

....احب بس اكتب واعبر عن نفسي واشوف احد يسمع كلامي ...

....أقدر اطلع الي في قلبي كله وأرتاح من اي شىء في خاطري ....

...فكرت ايام وايام اني أترك لمشكلة او ضيق من شىء ...

....فتركت أشهر وأشهر وأشهر وبعدها رجعت ...

....كنت أسوي ملائمة بين دراستي وبين المنتدى احس شىء ثقيل اني اتركه ...

.....حبيت الأعضاء الي فيه يا كثر ماكنا نتونس ونعبر عن نفسنا ...

....,, أحبكم ^^ ,, ....


ثانكس على الموضوع ومشكورين لجهودكم في المنتدى وتكوين هذا البيت الغالي :)

يارب دوم إن شاء الله ^^

هلا ولله اودين ^_^ .. اخبارك ؟ .. ان شاءلله تمام ؟ ^^ ..

ماشاءلله .. كل هذا حب للمنتدى ^^ ..

ولله احس بشي داخلي تحرك وانا اقرا كلامك .. ولله مصدقك بكل كلمه قلتها ^_^ ..

لو اقول اني اعز المنتدى مثل ما انت تعزه .. راح اكون كذاب ! ..

بس ان شاءلله يجي اليوم الي اكون صادق واقولها ^____^ ..

مستحيل يوم اخش النت من دون ما اخش المنتدى .. اصلا كل قعدتي بالنت منتدى وماسنجر وبعض الاشياء الاخرى ( لا ننسى ناروتو طبعا :biggrin: ) ..

وتعرفت على ناس هنا .. ولله ما احصلهم بكل الدنيا لو اخذت لفه مرتين :biggrin: ..

اغلب الاعضاء الي هنا كان للمنتدى تاثير عليهم وراح يفهمون عليك ^_^ ..

اشكرك عالموضوع الجميل ^^ .. واحب اشكر الله ثم الشخص الي فتح هذا المنتدى ^^ .. اشكره كثير ولله ^__^ ..

ومبروك على الاوسمه ^^ يالــ متفوق في كل شيء ^_^ ..

واسم الموضوع عجبني .. طلعنا خايسين اجل :jester: ^_____^ ..

انا رحت منتديات و شاركت في كثير .. بس نفس هاد المنتدى ما لقيت والله , غبت أكثر من مرة عنه بس بالأخير برجعله , لانه نفس بيتي الثاني وما استغني عنه :)
يللا مع بعض يا اولاد .. واحد .. إثنين .. ثلاثة .. ( نحن نحب كل اطفال العالم , قصدي نحن نحبك يا اودين ) :09:

كلامك لا يختلف عليه اثنان او اثنين .. او حتى ثلاثة يا بدر..

بالمنتدى تعرفت على - بشرية - منهم ناس الى الآن اشوفهم..

وبفضل الله ثم هذا المنتدى.. اعدت موهبة دفنت بعد المرحلة الابتدائية <<< الله المستعان

الا وهي الكتابة بالطبع.. وتعلمت التصميم على خفيف..

وفعلاً.. المنتدى يفتح النفس بعائلته الكبيرة.. وانا سعيد وعلي حسن سلوكة.. اني اكون جزءً لا يتجزأ منها.

لهدرجة بتحبني يا أودين....>>>أدري نفسك تشوتني._.
وفعلا كلام القلب يصل للقلب
أنا معاك في كل كلمة قلتها وما أخبي عليك لما يعلق المنتدى أحس إني خسرت شيء من حياتي لين ما يرجع
فيه مرات أضحك فيها في المنتدى ضحك ما شفته من زمن وإذا سويت شيء حسيت إنه غلط أقعد أفكر فيه إلى أن يثبت العكس...
وفيه ناس ما أعتقد إني أقدر أفارقهم...
وأنا ما كنت أتوقع أسوي صورتي بأي مكان في النت حتى في الكمبيوتر!!ولكنكم مثل الأهل والله...

على فكرة طلع عندك شجاعة تقول هالكلام كله بصراحة I can't do it!!!

ونحن نحبك يالمعفن الخايس الكبييير^^

هذا المنتدى عنده مكان عزيز على قلبي كثيير

لانه اول موقع ادخله في الانترنيت من اربع سنوات و ضل هو الصفحة الاولى في متصفح الانترنيت لمدة 5 سنوات اضن او اربع

هذا المنتدى ما فيه مثله
و اعضائه احسن اعضاء شفتهم بكل المنتديات


انا من فترة سنة قصرت بحق هذا المنتدى و اعتذر عن غيابي عنه


و اشكر كل القائمين عليه لتمكنهم من الحفاظ على امنه

thank u for making me cryin' http://img.photobucket.com/albums/v4...wah/Crying.jpg
u really did..

اف من جد وجع احس بكتمه في قلبي هههههه
احس كلامك يالله
من زماااااااان نفسي اكتب زي هالكلام من زماااااااااان احس في هالشعور

بس للاسف ماعرفت اكتبه

بس فرحانه مرة مرة جاء انسان قدر يطلع شوي من الي بقلبي

والاسعد اكتشفت اني انا مب الوحيده الي احس كذا

كنت اكتم شعوري احس مافي احد غيري كذا

من جد لما افكر..هذا المنتدى غير حياتي



يعني هوياتي دراستي
الرسم للانمي تصميم الفوتوشوب

الناس و الصديقات و الاخوان

المشاكل و المواقف



والله تغيرت شخصيتي كثثثثثير

ثلاث سنوات من ال17 وقربت لل21 والله

عمر عمرررر واحلى مراحل العمر

ومثلك والله كل ماتركته رجعت له اشوفه اتفحصه مقدر

اظن لما اتزوج بظل كذا:laughing:
والله مكانته عزيزة بقلبي

بس اغبطك على انه عندك الشجاعه انك تعبر عن هالحب

انا مسويه ثقلhttp://img.photobucket.com/albums/v4...little-shy.gif
الله يعلم وش بالقلب والله هههههههههه:laughing: ياحبيلوه


اف وجع لما يصير انسان كذا عفوي بمشاعره مثلك احس ودي اصيح هههههه
ام دمعيه - -
يعني تحخفه تلقا انشان كذا بالكون احلى شي العفوية ياشين الثقل

بس كلامك صراحه في الصميم

يعني حتى لو مرت سنه وقلت يالله وش كتبت انا في ذاك الموضوع ابد لا لا تندم..هذا الكلام من قلب http://img.photobucket.com/albums/v477/ga6wah/07wal.bmp


وتصدق كل ربعي وقرايبي لما اتكلم لهم عن منتدنا وييييييين يتعجبون
يقولون ورينا هذا المنتدى نبيه نبي نشوفه
ينجنون على طريقتنا وعفويتنا
مب مجرد عضو من بعيد
لانشارك مشاعرنا وحياتنا

كاننا اخوان من بعيد

واحس بالثقه والامان هنا لانه فعلا زي ماقلت فعلاا ادب
والشاذ عن هالادب كلن يبعد عنه





ماقول الا
انا احببببوه بعد


بالقصيمي:laughing:

وكلنا نحب ونعز الضب اودن ^_^
وما شاء الله .. فيض مشاعر!!

بس كلنا حاسين فيها .. ولا ما كنا بنستمر هالكثر هني ..

كونت صداقات قوية خلال هالمنتدى .. وطورت نفسي وعلاقاتي بالناس من خلاله ..

صدق احس انه شي غلط يكون مستوي اذا ما دخلته "كل يوم" وباوقات مختلفة ..

الله يخليلنا هالمنتدى ويجزي اصحابه الف خير لانهم سوولنا اياه

T_T

شو هالخطبة العصماء يا فتى.. T_T

والله انك قلت اللي احس فيه تجاه المنتدى.. بس ما تجرات اقوله من قبل.. T_T

والله يوم ما اقدر ادش ما ادري.. احس بفراغ من دونكم.. T_T

حتى ربعي يقولون.. ذبحتنا يا خي.. ما عندك الا المنتدى ^^


T_T

تشكر عالكلام الرائع يا فتى.. T_T

كلام رائع ومشاعرك اتجاه المنتدى اروع ^^

أنا معاك في كل كلمة قلتها ^^

عن طريق المنتدى تعرفت على اعز الصديقات ^^

لي اربع سنوات ومافكرت اتركه يمكن ماأرد كثير بس اتركه مستحيل :)

مشكور على هالكلام والمشاعر الرائعه ^^

صادق باللي قلته يا أودين، صادق...
شكراً على شجاعتك :)