بسم الله الرحمن الرحيم
السلام عليكم اخواني اعضاء و زروار المنتدى
حبيت اقدم موضوع بسيط في التصوير ممكن الاغلب يعرفه لكن حاب اطرح الموضوع عليكم و اتمنى اشوف مشاركاتكم بعد تطبيق الدرس
((الدرس عبارة عن طريقة تصوير انوار السيارات))
راح اشرح لكم الطريقة و ابغى اشوف ابداعاتكم بتصوير
نبـــــــــــدأ:
اول شي مكونات التصوير
1- كاميرا ( بشرط تكون فيها تحكم بـ Shutter Speed- سرعة الغلق-)
2- يكون عندك Tripod - ستاند - لتثبيت الكاميرا من الاهتزاز
3- شوف لك شارع في زحمة سيارات و حبذا يكون مو مضاء او الاضاءة غير عالية
4- اخيرا التصوير باليل, اوكية
بعد ما توفر الحاجات هذي, خذلك زاوية حلوة لشارع و حط الستاند وثبت الكاميرا و شغلها.
اعدادات الكاميرا:
1- اختر طورM الي هو Manual Mode
2- اختر Landscape
3- أضبط Shutter Speed و Aperture على النحو التالي:
اولا: Shutter Speed اختر سرعة قلق بطيئة جدا يعني مثلا من ثمان ثواني "8.0 وما فوق حسب طول خطوط الانوار اللي تريد تطلع على الصورة و درجة الاضاءة.
ثانيا: Aperture اختر ابرتشر عالي علشان يساعدك على توضيح معالم الصورة و تدكين الالوان و اخفاء التشويش الناتج عن حساسية الفلم. يعني مثلا f/8.0
4- ضبط قائمة Menu كالتالي:
> White balance اختر Auto
> ISO اختر ISO 100/200 المائة افضل علشان يقل التشويش لكن 200 حساسيته اعلى.
> Color Mode اختر Saturation
> Sharpness اختر Sharp
( اعدادات الفوكس مو مهمه اذا كنا نصور Landscape )
هنا انتهينا جاء دورك في التصوير و بعد ما تجربوا تضعوا مشاركاتكم و نشوف و انا اول مشارك بما اني صاحب الدرس:
http://www.geocities.com/mjdbqs/100_1457.jpg
Shutter Speed = 8.0"s
Aperture = 8.0
ISO = 100
اخوكم the tri dvil
