عرض للطباعة
لو سمحتون ساعدوني بعد كم يوم التقديم للجامعه واني قررت ادخل تخصص فنون لأني احب الفنون واجد لكن للأسف ماعرف ارسم وهذا الي مخوفني فشنو تقولون اتشجعوني على الدخول وتعلم الرسم لو اتقولون ان لزما اعرف ارسم حتى ادخل هالتخصص ارجوكم ردوا عليي :06: :06: :06: :06:
انا من رايي اذا كنت ما تعرف ترسم كلش شلون بتدش فنون
لان الفنون لازم يعرفون يرسمون ولو شوي وبعدين ينمون مواهبهم
لكن اذا كنت تعرف ترسم شوي ممكن تدش وبعدين تنمي مواهبك
وبالتوفيق :biggthump
salam
تخصص التربية الفنية يحتاج للموهبة و حب التخصص في آن واحد ,
إنتي تحبين التخصص لكن مو متمكنة من الرسم ...
إختي إذا كان مستواج أقل من المتوسط في الرسم , فمن الوارد إن راح
تصادفج الكثير من المشاكل ...
فكري ألف مرة قبل الدخول في مجال إنتي مو كفأ له . لأن هذا مو مقتصر على
مرحلة دراسية فحسب . إنما مستقبل بأسره !
ثانيا إذا كنتي مصرة على التخصص , ليش ما تقدمين على إمتحان القدرات , و هو
اللي راح يكشف إذا كنتي كفأ للتخصص أو لا ..
موفقة .. لا تستعجلين و إختاري التخصص اللي يناسبج صح ..
D:
اخوي اذا بتاخذ النصيحة مني انا احب الرسم والفن لكن مادخلت فنون عشان في احتمال كبير اني اصير اكره الفن
لنه ممكن يجبرونك تسوي اشياء انته ماتحبها
انا في وجهة نظري ان الهوايه في صوب والدراسة في صوب واذا تبا تطور خذلك دورات بعدين
وبعدين فرص الشغل من كليه الفنون ضئيله ونته كيفك
مشكورين على النصائح ماقصرتون لكن اتمنى من الي تخصصهم فنون يردون عليي لان هم عندهم خبره اكثر اكرر شكري علي ردو عليي:) :) :) :) :) :) :) واتمنى تفاعل ازيد من الاعضاء ارجوكم موضوع مصيري ابغي هالتخصص موووووت احبه
انا من رايي اذا كنت ما تعرف الرسم لا تدخل هذا التخصص
ادخل تخصص اخرى
اقتباس:
المشاركة الأصلية كتبت بواسطة yuki-babe
نفس الكلام,,
ضروري يناسبك التخصص لتبدعي فيه,,
انتي ممكن تمشين بس راح تتعبين لو التخصص مش مناسب لك ولمهاراتك,,
بالتوفيق,,