~ مــــشـــ$$ـــــاهــــــــد ~

قد يكون هذا الموضوع بداية في مشوار خطواتي في هذا الصرح الشامخ وان شاء الله يحوز

على رضاءكم مع ان جميع هذه القصص حقيقيه





المشهد الأول:


قوموا قامت عليكم قيامه !!



الغداء خلَص وأنتم باقي نايمين ياربي انا وش بلاني بهالعيال وربي إنهم عقوبه !



محمد اصحى ( بلهجة منفعله )



ولد وش فيك والله لو كنت تشتغل سبَاك عاد



لاااااااااااااااااااااااااااااااااا!!!!!!!!!!



نهاية :محمد ماصحى وقلب الأم الحنون قعد يعذبها أبد الدهر ....





المشهد الثاني :



( وحده وثنتين وثلاثه براد شاهي يمسكها ما اظن لو تلزم على الخط لو يومين ما اظن شئ يفككها )



تعال ياواد اسمع بس الفن ياشيخ كسرات ابن امك تجيب مثلها



( السرعه 180 \ خط الجنوب )



لا



لا



لا



وقف يرحم أهلك انا أمي تبيني !!!!



ياشيخ ازهلها والله لأوريه فن أبو زقم ماسووا مثله



نهاية : دماء وأشلاء وانقلابه في حياة الأهل 180درجة !





المشهد الثالث :



ربيع وبشكة مقناص ,,,,,,,, اثنين عند السليق وواحد يصلح الشاهي



تعالوا خلونا نطلع الضلع علي الحرام اني اسمع صفيَر الوبران وانا في محلي !



طلعوا الضلع ..... بدال الغنيمه لقيوا ثلاث ذيابه



الاول يقول خلونا ندحدر الثاني يقول يالله امي تبيني والثالث يقول من عنده باندا عشان نصور ؟



النهاية : عافوا المقناص وكرهوا الساعة اللي اشتروا فيها جيب شاص:09:





المشهد الرابع :



ياخي ودي أتقـدم على جامعة ( .....) مير ماعندي واسطه



أما عاد ماعندك واسطه ؟



والله ماحلفتني أبوي من يوم مافتحت عيوننا على الدنيا وهو معلمنا أن



اللي يجي بسهولة يروح بنفس السهولة اللي جاء فيها



ياخي وش ذا شكل أبوك باقي على تغبيرة الطفرة !!



هيا لا تغلط بس,, عندك علم يرحم أهلك عطني اياه اللحين



ولا خليني اسري بيتنا أمي تقول جيب تميسه وفول من عند القرموشي



( اتصال ) خلاص انا أكلمه والله ليقبلون خويك بالغصب



شخصيه معروفه تتصل بعميد الجامعه : وش صار على سالفة فلان ليش ماقبلتوه



يا طويل العمر والله نسبته ماتوكل عيش بالاضافة الى كذا شكله يغرق في شبر مويه مسيكين !!



الشخصيه المعروفه : هيا سلكوا أموره خلوه يعيش تكسبوا فيه كم حسنه مايبي يضركم شئ



بس ياطويل العمر والله مالي يد آسف



الشخصيه المعروفه : ابي اقولك شئ ,,, هي جامعة أبوي ولا جامعة أبوك ؟؟؟!



( بانت الشغلة أظن :D )



النهاية : توظف المسيكين وتخرج ونكب عفش الدائره اللي يشتغل فيها وقعدوا يدعون على اللي وظفه



وانطرد عميد الجامعه لأنه تكلم بمبدأ الحياد والمساواه ...





المشهد الخامس :



هاه بشروا يا عييلي ماجاء شئ اللين اللحين ( أم ملهوفه )



والله يا يمه ماندري وش نقولك بس الظاهر مافيها فكَه



لاحول ولا قوة إلا بالله ولدي وأنا عارفته والله ماكان يقصد ياناس ( والعبره تخنقها )



يا يمه حنا ندري بس وش تسوين في أصحاب الدم معنَدين وراكبين روسهم يادم ولدنا



يا قروش ماظنيت لو نقَط مع سبع عوايل مثلنا نحصلهن !!



حسبي الله عليهم يعني عشانه يعرف فلان الفلاني يحكمون له بأنه متعمد



والله انها دنيا فانيه آآآآآآآآآآآه بس آآآآآآآه



الله يسامحهم



نهاية : أهل الدم اقتصوا مع أن القضية مشكوك فيها والأم باقي تفكر



كيف أن ضربة عصا يمكن تذبح واحد كان مريض من أول ؟؟!!

مشكوووووووووووووووووووووووووووووووووووووور على الموضوع والمشاهد


وتسلم

كلماتك متقنة ...

واصل مابدأت به ...

أشكرك أخي...

أبوجمـــال

cool_heiji

الشكر موصول لك على المرور وان شاء الله استمتعت بهذه الـ (( خزعبلات :p))

أبو جمال تظل نبراسًا ورمز من الرموز الأدبيه في هذا المنتدى الشامخ مرورك كان بمثابة النسمه الربيعيه


كل الشكر والتقدير لروعة حضورك :)