عرض للطباعة
السلام
انا ابي اطلع جواز سفر سعودي ... بس باقي على عمر 21 تقريبا 6شهور ... وانا ابي اسافر ...
في العطلة ..... للدراسة ..... بس المشكلة ... لازم ولي امر ....
ابوي عمرة 75 عام ... صعبة اني اسحبة في الجوازات .. واجيبة معي ..
ابي اعرف كيف يتم استخراج الجواز احد يعرف معقب ... يدبرها لو ياخذ فلوس ..مو مشكلة ..
ارجوا المراسلة على الايميبل تحت ...لم لدية اي مغلومة او اقتراح..
أنا سافرت لحالي خارجيا بدون موافقة قبل لا يصير عمري 21 بست شهور
عموما المعقبين أكثر منهم ماتلقى
رح لأي مكتب تجاري بالرياض وياكثرهن على كل شارع وأعطهم أوراقك وانساها
بس انتبه
بعضهم يأخذ منك فلوس على التعقيب وهو مايدري معاملتك راح تمشي ولا لأ عشان كذا أنت لازم تشترط عليه أولا إنك ماتعطيه أوراقك إلا إذا كانت المعاملة 100% بتمشي وتعطيه مقدم بس وباقي المبلغ بعد ماتمشي المعامله
وفلوس التعقيب مدري بس أظن 50 أو 100 ريال على أبعد تقدير
أبوك الله يعطيه طولة العمر ما أعتقد لازم حضوره عشان تطلع جواز كل مافي الأمر ورقة موافقة منه بعدين تصدقها من الأحوال المدنية أو العمده ..
ونفس الأمر بالسفر خارجيا لازم موافقة منه مادامك تحت 21 سنة بس بالسعوديه انسى شئ اسمه نظام مثل ماقلت لك وللأسف
وبالتوفيق
لازم 21 سنه عندكم !!!
احنا بقطر تحت 18 لازم ورقه من المطار موقعه بأسم الوالد او ولي الأمر اياً كان
بعد الـ 18 خلاص تطلع بدون اي اوراق وبدون اي شئ :)
يا حظكم طيب طيب بقول ما شاء الله يالله ما شاء الله :09:اقتباس:
المشاركة الأصلية كتبت بواسطة QataR NighTMarE
ياشيخ حنا عندنا التعقيد زي ما تبي كل شي فيه تعقيد
:Dاقتباس:
المشاركة الأصلية كتبت بواسطة orochimaru-sama
واللي فهمته بعد من كلامكم ان الواحد مايكون له جواز سفر خاص فيه الا بتاريخ 21 !!!
طيب ليش كل هالتعقيد احنا الجواز موجود من عمرنا 6 او 7 سنين وخاص فيك كمواطن لكن للخروج تحتاج ورقه من المطار بتوقيع ولي الأمر وبعد الـ 18 خلاص انت حر
لا اخوي تقدر يكون عندك جواز لو يكون عمرك يوم واحد لكن لما تسافر يطلبون منك بطاقة تصريح خروج من الجوازات نفس الشي لكن لما يكون عمرك 21 عادي ما تحتاج البطاقة
هه نحن من اول مانولد يعطونا جواز
مجرد توضيح
تستطيع الحصول على جواز السفر حتى لو كان عمرك يوم واحد فقط , ولكن لن تستطيع السفر بدون موافقة ولي أمرك ما دمت لم تبلغ 21 سنة
اها
مشكورين على التوضيح
العفو اخوي
ياناس انا ابي اصدر جواز سفر سعودي جديد رحت للجوازات قالوا اصدار الجواز لازم ولي امر ...
انا الصراحة تعقدت من ها الموضوع .... وهل اكيد ورقة من العمدة يطلعولي فيها جواز....
ابي الخبر الاكيد ؟؟؟ واذا كان فية حلول ثانية الله يخليكم ساعدوني ... تراي متورط ابي اسافر في اقرب وقت بس هالموضوع عقدني بقوة وشكرا على تفاعلكم ..
على فكرة تعقيب جواز سفر سعودي ممنوع .... انا متأكد من هالكلام ....ابي حل ؟؟؟.:( :(
ياخوي الله يسهل أمورك ليش متعقد!!! ترى الأمر ما يستاهل وجدا بسيط
أنت رح للجوازات ولا تكلم شخص أقل من رتبة ملازم (وش فايدتهم أجل !!!؟ ) واشرح له الوضع وكلمه بظروفك وبإذن الله ما راح يعقد الأمور
اللي أنا متأكد منه هو أن ولي أمرك عنده ظروف تمنعه من الحضور معك فهذا يعفيك من حضوره...........أنت بس قله كذا وشف هو وش يقول لك...
أنا سبق وقلت لك أعتقد ورقة من أبوك ومصدقة يا من العمدة أو الأحوال المدنية تعطيك الصلاحية بإستخراجه
لعلمك الأمر سهل جدا وإذا أنت لحقت حالك قبل زحمة الصيفية خلال أسبوع بالكثير يكون جوازك جاهز
الله يسهل أمورك
على قولة أخوي دام ابوك مايقدر يروح للجوازات الله يحفظه يارب ،
روح لموظف في الجوازات يكون مدير ومسؤول مثلاً نقيب وقول له الوالد كبير
بالسن ولا أقدر أجيبه للجوازات وابي الحل لو تكرمتوا ، صدقني راح يعطيك
الحل المرضي لك وبسرعه ، وأتوقع بيقول لك خلي الوالد يكتب لك الخطاب
بالموافقه لإصدار جواز سعودي مستقل لك وتصدقه من عمدة الحي عندكم ،
وسلامتك .