لدي كرت x800 ترتفع حرارته ×_× مالحل

السلام عليكم ^_^
اولا اشكر كل الي بيردون على موضوعي حتى لو قالوا "مشكور" ^_^
المهم انا عندي كرت اسمه ATI Extreme AX800 PCI-E من شركة ASUS
وشابكه على مذربورد MSI 925 >> ناوي اغيرها ×_×

المهم انا اذا لعبت لعبة Act Of War وجلست مدة >> ماادري بالضبط لكن تكون طويلة شوي
تطفأ الشاشة علي واعتقد ان السبب هو ارتفاع حرارة الكرت وانا لمسته بنفسي وفعلا مرتفعه حرارته

مع ان الكرت مزود بمروحة ترفع الضغط من صوتها العالي بسبب سرعتها ×_×
الكيس مفتوح من الجهه اليسرى يعني تاركه يشم هوا ^_^ جو الغرفه تقريبا 25 درحة >> احوال جوية ^_^

امممممممم الكيس غير مزود باي مروحة لانه مفتوح فقلت مو لازمه ^_^ طبعا مافيه غير مرحوة المعالج والباور سبلاي ^_^ وطبعا مروحة الكرت

مواصفات الجهاز اذا لها لزمة ^_^:
سرعة الجهاز 3.2 انتل بنتيوم 4
مذربورد MSI 925 >>> ناوي اغيرها
الرام 2 GB من نوع DDR2
الباور سبلاي 450w وغالي ولد الذين ×_× سعره 480 ريال مدري على وش ×_× يقولون حق سيرفر ^_^
ماركبت اي كرت اضافي ابد ^_^

اممممممممم بس اضن هذا الي تبونه وافدتكم فيه ^_^

ياليت الحل لاني اكره العب وتطفئ الشاشة علي.

يمكن مافهمتوا قصدي كيف تطفئ الشاشه ×_×
وشلون اشرح لكم ×_× تعرفون اذا تركتوا الجهاز مدة 20 دقيقة بدون احريك ^_^ تروح الشاشة طافية وكأنك على نظام sleep ^_^ هذا نفس الشيئ لكن لو تضغط لبكرة ماراح تفتح لك ^_^ انا طبعا اطفي الجهاز 10 دقايق وارد اشغله مره ثانيه لكن ماالعب ×_×

المهم نظامي في الجهاز ^_^ انا مااطفي الجهاز لو يطير ويوقع ينثبر مكانه واخليه مشتغل ^_^ اذا حسيت انه بطيئ شوي عملت له ريستارت بس ^_^ غير كذا مااعرف شيئ اسمه ايقاف تشغيل الجهاز ^_^ لاني اذا نمت اقوم اشغل التحميل ^_^ وهو يشوف شغله واذا قمت راح اكون عليه اليوم كله ^_^ يعني شغال 24 ساعه ^_^

بالله ابغى الحل تكفون "تكفى تهز الرجال" لووول ^_^

اخي أولا هل تحدث مع جميع الألعاب ؟؟

وهل قمت بتنزيل اخر درايفر لكرتك ؟



جاوب وسنرى ;)

المشكلة عندك فى ال power supply انت محتاج بور سبلاى على الاقل 350watt

this problem have three solutions ...one of them might help u
1.buy a new decent Power supply 350 or 400 (better)
2. install refreshforce هذا البرنامج ينسق بين كرت الشاشه و المونيتور كي يختار الرفريش ريت الصحيح لكي ما يحصل كونفلكت ملاحظه:اذا انت تلعب باتلفيلد لاتستخدمه
3. add more fans to your case it might help eventualy
الشكر لله و لكم

amajed .. تحياتي لك قد لا يكون عندي حل لمشكلتك ولكن راح أخش بالعرض وسامحني...

أخي إذا كنت من الرياض ياليت تدلني على وكيل ATI .. لأنك سبق ون أشرت في أحد مواضيعك أنهم رخص..وإذا كنت تعرف الجي فورس أكون لك من الشاكرين ....... (للأهمية)

مساهمة في حل المشكلة:
أخي أنا أعرف أن هناك أمر في الوندوز يتيح لك أن تختار متى يطفئ الجهاز وهو ما يسمى (السبات)..وغالباً يكون بعد 20 دقيقة بدون تحريك..وتستطيع تعديله من خلال لوحة التحكم>الباور أوبشن(إعدادات الطاقة)>تورن أوف مونيتر..ستجد أمامها 20 دقيقة عدلها.......

هذا الذي أعرف وسامحني على القصور........

موضوع مهم جدا
انا ماخذ دورة كمبيوتر يعني تعرف شوي مش 100% بس مع الخبرة تعلمت اكثر اصلن البور لو كان 450 جيد ام اذا طان 300-400 و من نوع تعبان اكيد ما بيكمل شهر بتحصلة محروق والكروت القوية تحتاج بور فوق 350 ومواصفات جهازك اكي
لازم ايكون فوق 400 لانك نسيت تذكر الهارد ديسك

انتا رحت المحل الي اشتريت منة الكرت يعني الكرت علية ضمان؟؟؟ يمكن المشكلة من الكرت نفسة اسئل واحد مشتري نفس الكرت او روح المحل وخل ايبدلك الكرت والله اعلم؟

شباب انتم قريتوا المواصفات ^_^؟؟

اقول لكم الباور سبلاي 450 ^_^ وهو من افضل الانواع وفيه مروحتين >> يعني قوي جدا
وغالي بعد ×_×

اخوي gamer-exterm انا ماالعب غير جينرالز و اكت اوف وار و تشيس ماستر ^_^ واعلاها دقة وجرافكس هي اكت اوف الوار >> الي تصير معاها المشكله ×_×

اما عن الدرافير فانا منزل 5.4 الخاص بنسخة الوندوز ميديا سنتر يعني اخر واحد ^_^

اما عن البرامج الي تساعد ×_× صراحة انا مو مقتنع فيها لاني شاري جهاز ابغاه يكون قوي مو تجي برامج تقويه ^_^ غير كذا ماادري عن اعراضها الجانبية ×_×

اما عن الهارد دسك عندي ^_^ عندي 2 هارد دسك واحد 120 GB والثاني 200 GB ^_^ الاول مقسوم قسمين 40 GB (عليه الويندوز) و القسم الثاني 80 GB ^_^

واقول لكم البور سبلاي 450W وهو من افضل الانواع الموجودة في السوق ولو احترق اغير الفيوز بس ^_^

====================================

اخوي القلم ^_^ ابشر ولا خشيت عرض ولا شيئ ^_^ بس عن حلك للمشكله هذا خيار لو تضيفة راح يطفئ الشاشة بعد 20 دقيقه وماله اي علاقة بالمشكله ^_^ مشكوور على الحل ~_^

اما عن الوكيل ^_^ اممممم شوف مافيه شيئ اسمه وكيل ATI ^_^ فيه وكيل المنتج للنوعية هذي ^_^ وانا اعرف شركتين بس ^_^ MSI و ASUS ^_^
موقع MSI :
وانت على طريق العليا متجه جنوب ^_^ راح تكون يمينك الفيصلية ويتقاطع شارع الثلاثين اماك ^_^ ارجع مع الاشارة هذي وخش الحي مع ثاني لفة يمين بعدين اول لفة يسار بعدين اول لفة يمين وراح تلاقي بيت مكتوب عليه مؤسسة الشديف وهي وكالة MSI الوصف مو دقيق ×_× لكن هذا الي اتذكره ^_^
رقم هاتف الشركة:
014616149

وكالة ASUS :
وانت ماشي على طريق الملك فهد متجه جنوب راح يجيك مجمع الصالحية للكمبيوتر على يمينك ^_^ قبله على طول خش يمين وامش طوالي ^_^ اول تقاطع اتركه راح يجيك البيت الي قبل الاخير على اليمين هو بيت الوكالة ^_^ رقمهم كان معاي بس ضيعته ×_×

والي يسأل مايتوه ^_^ انا قربتك والباقي عليك

طبعا كل المؤسستين يبيعون ATI و nVIDIA ^_^ يعني طب وختر ^_^ وايضا يبيعون المذربورد وباسعار حقيقية مو نصب وكذب على خلق الله ×_× انا اروح محل ارض البرامج يقول لي المذربورد هذي من MSI ورقمها 925 ومستحيل تشوف سعر اقل من عندنا >> تتوقعون وش السعر ؟ قال لي 1100 وعشانك اخفضها لك 1050
انا قلت من قدي الرجال يخفض لي ^_^
قلت تصدق اروح اشوفها من الوكالة واعرف السعر الحقيقي ^_^ وانا علبالي جوال ^_^ الوكالة اغلى فيه ×_×
رحت الوكاله قالوا لي سعر الجمله 760 وسعر الفرد 780 ×_× ول عليه راعي المحل يبغى يسرقني ×_×

اشتريتها بسعر الفرد 780 ووفرت على نفسي 1050 - 780 = 270 >> تشتري هارد دسك 80 جيجا + غداء من ماكدونالدز ^_^

بس طبعا ماانصح احد يشتري هالمذربورد لانها ورتني الويل ×_× ولو شريتها بـ 1050 راح اكسرها فوق راس المحل ×_× غالية واداء ضعيف بعد ×_×

واشكر كل من رد على موضوعي ^_^ واقول لكم تابعوا معانا الموضوع الين تنحل المشكله واكون شاكر جدا جدا لكم ^_^

ما شاء الله موصفات روعه



واعتقد ان المشكله عندك من كرت الشاشه


تدري هذي النوعيه جديده وبعدها ما بينت عيوبها ، نصيحتي لك تركيب كرت شاشه ثاني لتتاكد 100% انه هو السبب

والله عاد من وين ابجيب كرت شاشة ثاني ×_×؟؟ غير كذا الكرت مو جديد مره ^_^ فيه الي بعده x850 وهذا الكرت الي انا شاريه له اصدارات كثير ومختلفة ×_× !!

وبعدين تتوقعون المشكله من الكرت ؟

انا اتوقع المشكله من المذربورد ×_× توصيلها ضعيف جدا ×_× ويمكن يكون هو السبب ! الكرت قوي والمذربورد زفت وماتواقفوا مع بعض ×_×

وش رايكم بالمذربورد هذي:
ASUS P5AD2-E Premium
انا اخترت ASUS لكثرة النصائح + كرت الشاشة من شركة ASUS فقلت يمكن ينفعون سوا ^_^
وهذي صورة + معلومات عن المذربورد:
http://www.asus.com/products4.aspx?l...73&modelmenu=1

ياليت تعطونا رأيكم فيها

هل قمت بعمل OverClock للمعالج أو الرام أو كرت الشاشة ؟

وهل قمت بتركيب اللوحة الام بنفسك ؟ اذا كان كذلك ...تأكد من اللوحة مرفوعة عن سطح القاعدة المعدنية باستخدام براغي خاصة ...لانه احتمال ما يحدث لك هو بسبب تماس بين اللوحة والقاعدة المعدنية ...

وبالنسبة للبور سبلاي هل يمكن أن توضح نوع الشركة المصنعة ... لانه الاداء يختلف بين شركة واخرى ...

ولدي كرت x800 xt وواجهت مشاكل كثيرة عندما استخدمت بور سبلاي تايواني بقوة 400W ولم تحل المشكلة الا عندما قمت هذا البور سبلاي من شركة Thermaltake المعروفة:
http://www.xoxide.com/twv480.html

واتاح لي ايضاً مجال واسع جداً لل Overclock , وتأتي معاه مروحة اضافية للجهاز ونظام تحكم ...


طبعاً انا لا انصحك به في الوقت الحالي فقط صدرت انظمة احدث منه واكثر تطوراً ...

اقتباس:

---

اخوي gamer-exterm انا ماالعب غير جينرالز و اكت اوف وار و تشيس ماستر ^_^ واعلاها دقة وجرافكس هي اكت اوف الوار >> الي تصير معاها المشكله ×_×

---

اذن المشكلة لا تحدث الا مع ACT OF WAR أليس كذلك ؟؟

يعني مع GENERALS و تشيس ماستر لا تحدث ؟؟


لو المشكلة تحدث فقط مع ACT OF WAR يعني ما لها علاقة أبدا بالهاردوير والقطع .. تكون مشكلة PATCH او درايفر لا أكثر ..

أجب . ;)

اخوي ممكن السبب لان اللعبه act of war قوية في الجرافكس فيعمل الكرت بكامل طاقته !! مو ممكن كذا ؟
لاني الاحظ "مو متأكد" ان مروحة الكرت يزيد صوتها مع act of war تتوقع ان قوة اللعبه مالها علاقه ؟

اخوي العراقي17 انا مو عارف لشغلات Overclock ^_^
اما اللوحة فهي بعيدة عن القاعدة المعدنية يعني مافيه التماس

اما عن الباور سبلاي فهو من نوع ANTEC true 430w اعتقد هذي شركته المصنعة ^_^
وهذا هو جبته لك ^_^:
http://www.ixbt.com/power/case/photo...ec_true430.jpg

شوفه زي ماتبي ~_^ وقول لي اذا هو حلو والا لا ×_×

عطه أكتيفد (دوى حرارة) و لحفه زين...

والله حل مزبوووط ^_^ ولو عنده لوز عطه مضاد حيوي بعد ^_^ >>> الاخ صيدلي والا الاختبارات مأثره فيه لووول ^_^

مشكوور على الحل وجاري تحميل الدواء من الصيدلية ~_^