حركات مصرقعة (2)
هذه حركات مصرقعة جديد لتبدععوا أكثر في الصرقعة
ومثل ما يقولون "الصرقعة علم وفن تزيد مثل البلك كما تزيد البلك تزداد الصرقعة"
وهذي بلكة ثانية في علم الصرقعة عن وقت التفحيط تخليك أكبر مفحط في حارتكم
1- إذا كانت السيارة إلي بتفحط فيها مسروقة لا تفحط فيها على طول لازم تصلح شكلها
بتقول شلون أصلح شكلها؟
أنا أقولك يعني تجيب بخاخ و تكتب على السيارة عبارات مثل " يا لومينا لا تلومينا" "رايح رايح سوي الفضايح" "يتحدى و يتهنى" "أتحداكم تيجبوني"
2- لا تنسى تكتم التظليل (بالبخاخ طبعاً)
3- خطط لمكان التفحيط أنت و أخوياك كل واحد يروح من طريق عشان ما تجتمع عليكم الدوريات وقبل لا تسحب ولا تسوي شي دق الفليشر ونطل شوي وبعدها إسحب الجلنط
4- بعد ما تسوي حركة رهيبة وقف شوي عشان تريح راسك و تخلي الشباب يا خذون راحتهم في التصفيق
5- إذا جت الدوريات وكما قلت سابقاً "ما يخاف من الدوريات إلا الزلايب و الشياب" لكن أنت لا أنت رجال ما عليك تلطم و إدعس بقوة وحوس بالدوريات في الحواري وإذا طلعت في الشارع العام إعكس الشارع وإقعد نطل قدام الدوريات وإذا جت لفة (يسار مثلاً) لف الدركسون يسار أكثر شيء تقدر عليه وإدعس فرامل ثم حول على البنزين مباشرة
6- لازم تغدي مفحط رهيب إسحب على 240 وإعقد خمس و ست عقد لا تفشلنا و تقعد تسحب على 100 و 80 وتعقد لي عقد و عقدتين هذي صارت موضة قديمة و إذا كنت بتسوي كذا إقعد فحط في البلاي ستيشن و في حوش بيتكم
=+=+=+=+=+=+=+=+=+=+=+=+=+=+=+=+=+=+=+=+=+=+=+=+=+
حركات مصرقعة خااااصة
هذي حركات مصرقعة خاصة فيني وإذا سويتها بتزيد صرقعتك
1- تاكل من كواتم بمعدل مرتين في الشهر على الأقل
2- تتفرج على حمدون الرجل البرتقالي طول الوقت
==================================================
وفي النهاية أرجو إنكم تفيدونا بحركاتكم المصرقعة الخاصة
:biggthump :biggthump :biggthump
