عرض للطباعة
:) السلام عليكم ورحمة الله وبركاتة
كيفكم يا إخوان أنا أريد منكم المساعدة فأنا خريجة جامعية ومع الأسف لا أعرف اللغة الإنجليزية وأمامى مصادر كثيرة وكلما كثرت كلما تهت فى اللغة فأنا أستعين بالله أولاً ثم أستعين بكم دلونى على مصدر واحد كى أعرف هذه اللغة وما ترتيب تعلمها أقصد الكلمات أولاً ثم النحو أم ...............الخ ؟
فأنا أنتظر توجيهاتكم .....................بالله عليكم لا تتأخروا على فأنا عندى رغبة ملحة لتعلم هذه اللغة
السلام عليكم:08:
امممممممممممممممممم:33:
و الله حاجه تحير بجد:boggled:
شوفي يا اختي الكريمه
من تجربتي:08: اقولك انك اذا تبغي تتعلمي انجليزيه كويسه
اهم شي القواعد:biggthump
لانها بناء اللغه
و بعد كده تجي المفردات
انتي ممكن تتعلميهم في نفس الوقت
بس تركيزك لازم يكون عالقواعد
القواعد حتدرسيها لمرحله معينه ,, و بعد كده حتصيري متمكنه من الكلام بطريقه سليمه,, لانها محدوده
لكن المفردات حتفضلي طول عمرك تتعلميها و ما حتخلص
*********
عندك حاجات تانيه:
1- التحدث و الاستماع
هذا محتاج له تطبيق عملي و محادثات
يعني لازم احد معاكي بالدرجه الاولى
ممكن تستفيدي من سماع الاخبار و البرامج في تقويه نطقك
**
2- القراءه( يعني بفهم و تحليل)
و هذه يحتاج لها انك تقرأي كثير
و تحاولي تفهمي من غير ترجمه للكلمات الجديده
و طبعا قبل كل شي ,, لازم تتعلمي شويه قواعد و قوانين عن القراءه الصحيحه
**
3- الكتابه (كتابه مواضيع التعبير او المواضيع الادبيه)
هذي محتاجه شويه دراسه في البدايه:31:
و دراستها تقيله شويه
تدرسي القواعد المتعلقه بالكتابه الجيده
و بعد كده تبدأي تطبقي مع استمرارك في القراءه
لان القراء الجيدين هم عادةً كتاباً جيدين ايضا;)
***
القراءه تنمي كل الجوانب الاخرى:
القواعد و المفردات و الكتابه
يعني القراءه حاجه مررررره مهمه:o
*****
بالنسبه للمصادر طالما انك في البلد مش مسافره ,, مالك الا الدورات المكثفه في الانجليزي
و بعد كده انتي تطوري نفسك بقراءه كتب القواعد و الكتب العامه:icon6:
اتمنى اني اكون افدتك:08:
و اذا جاء في بالي شي جديد ,,
ان شاء الله لرجع و اقوله:o
بالتوفيق يا رب:أفكر:
و ان شاء الله تصيري بلبل في الانجليزي;)
^
^
استفدت من ردك كثير .. يعطيك العافية اختي
السلام عليكم
اهم شي انه انتي عندك طموح و لكي رغبه انك تتعلمي اللغه
فطولي بالك و لا تنسي انه الصبر مفتاح الفرج
يعني لو لقيتيها صعبه لا تطفشي بسرعه و اهم شي انك ما تفقدي الأمل و اتذكري انه مافي شي مستحيل
انا مع مكاويه 100 100 :biggthumpاقتباس:
اهم شي القواعد:biggthump
لانها بناء اللغه
و بعد كده تجي المفردات
انتي ممكن تتعلميهم في نفس الوقت
بس تركيزك لازم يكون عالقواعد
القواعد حتدرسيها لمرحله معينه ,, و بعد كده حتصيري متمكنه من الكلام بطريقه سليمه,, لانها محدوده
لكن المفردات حتفضلي طول عمرك تتعلميها و ما حتخلص
يعني زي ما قالت انه القواعد هيا اهم شي لانها الاساس.. يعني الكلمات انتي بإذن الله لابد راح تتعلميها مع الوقت.. لكن عشان تستخدميها بالطريقه السليمه لازم يكون عندك القواعد و الاساسيات :biggthump
و برضو زي ما قالت مكاويه بالنسبه للحديث و القراءه و الكتابه.. عشان اكون صريحه معاكي مره مره راح يكون صعب انك تتعلمي اللغه لحالك تماما.. فلو كان عندك احد يقربلك لغته الانجليزيه كويسه يقدر يساعدك يكون افضل بكثير
انا راح اعطيكي اسامي كتب ان شاء الله راح تفيدك
عندك
interactions 1
في منه
grammar
reading
writing
عندك ال grammar فيه اساسيات اللغه و بشكل مبسط و حلو يقلك متى تستخدمي المضارع و الماض و المستقبل و كيف تستخدمي الافعال و شروطها و و و الخ
و في ال reading هذا صراحه كتاب قووووووووي لانه يعلمك طريقة القراءه السليمه و يعلمك كيف تقري نص كااااامل و مو شرط انك تفهمي كل كلمه فيه لانك انتي ممكن تحزري الكلمه بالمنطق من النص
و فيه ال writing هذا بعد ما تتعلمي شويه من الاساسيات و تبدأي تكتبي تلقي فيه اساسيات الكتابه باللغه الانجليزيه مثلا متى لازم تخلي اول حرف من الكلمه كبير و متى لازم تحطي فواصل و كيفية كتابة الجمل بتركيبتها الصحيحه وووو الخ
بس في مشكله.. و اللي هيا انه لازم في احد يكون وراكي عشان يصححلك و يوريكي اخطائك عشان تتعلمي منها.. كذا ليش يفضل لو تستعيني باحد من اقاربك او مدرسة لغه انجليزيه
الكتاب الواحد سعره تقريبا 70 ريال سعودي
تلقيها في جرير او الشقري
هذا اذا كنتي ساكنه في الرياض
و تلقيها ان شاء الله في اي مكتبه
بس لا تشتريها الا بعد ما تتصفحيها و تتاكدي انه الاسلوب يناسبك و انه اللغه المستخدمه بسيطه و مفهومه.. اذا كان صعب ممكن تسألي العاملين بالمكتبه انهم يساعدوكي و يعطوكي كتب مثلها بس لمسوتى ابسط شويه
و اذا عندك اي سؤال او استفسار لا تتردي او تستحي انك تطلبي و انا تحت امرك
و اذا ما استفدتي مره من الكلام او ما عندك احد يساعدك و ما عندك الامكانيه انك تدخلي دورات انا مستعده اعطيكي دروس و اساسيات و اسويلك اختبارات و كل شي.. و اذا تبغي ارسليلي عالخاص موضوع تعبير صغير عشان اعرف مستواكي في اللغه و اعطيكي نصايح اكثر و أفود
و الله يكون في عونك و يوفقك و يسهلك كل شي