السلام عليكم ورحمة الله وبركاته
كيف حالكم يا احلى اعضاء .. عساكم بخير ونعمة :biggthump ..
بصراحة في هالموضوع ( واتمنى من جميع القروبات الي تترجم الأنمي للعربي المرور ) ..
حبيت ان كل قروب سواء اليوم او بعدين يفكر يترجم أي انمي .. يخبر الأعضاء عنه ..
عشان محد ينزل الأنمي ..
يعني مثلاً Tsubasa Chornicle انا كنت بشوفه بالانجليزي ..
بس الحمدلله لحقت عليه بالعربي من قروب Dr.Jackal .. ومسحت كل الحلقات الانجليزيه الي كنت منزلهم ..
ونفس الشي ناروتو .. كنت منزله انا بالانجليزي
ولما شفت القروب نفسه مترجمه عربي .. مسحت الانجليزي ونزلت العربي مره ثانيه :o ..
واخاف اذا نزلت الانجليزي ( ينزل غيره عربي ) .. واذا انطر العربي ( يروح الابلود من الانجليزي وبالتالي ما انزل لا انجليزي ولا عربي:jester: )
:: ماهو الحل بوجهة نظركم !! ::
فأرجوكم اذا كانت عندكم اي مشاريع ( او مجرد تفكير ) تقولون لنا عنها ..
يعني الي بيترجم اي مسلسل يقول لنا عنه ( عشان مانروح ننزله بالانجليزي ) ..
وبهالشي كلنا ان شاء الله راح نتساعد في وقت واحد في الابلود ..
وفي نفس الوقت نشوف الترجمات العربية :05: ,,
فمثلاً شالفايدة الواحد يتعب عمره ويترجم للعربي وفي الأخير جميع الاعضاء يكونون منزلين المسلسل بالانجليزي !!!!!
محد بيشوفه اصلاً لان الكل شافه بيكون بالانجليزي
فمثلاً الحين مسلسل Bleach .. انا واحد ماشفته صراحة لحد الآن
واليوم قررت اني انزله بالانجليزي .. بس اخاف انزله ( ويطلعلي قروب من تحت الأرض ويترجمه عربي )
فعشان جذي أرجوووووووووووووووكم إذا في اي حد بيترجم Bleach يقول لنا عشان ما انزله انجليزي ..
وهالكلام عن Bleach وعن كل الانيميات بشكل عام ..
وحتى لو الترجمة راح تتأخر شوي .. مب مشكله .. بعد عطونا خبر
عشان ماننزل أي شي English وننطر العربي كلنا ..
وإن شاء الله يكون هالموضوع هو المرجع الأول لهالنقطة الي تكلمت عنها
واي حد يفكر يترجم أي شي ياليت لو يعطينا خبر عشان ننطره وماننزل الحلقات من حد غيره ..
وآسف على الإطالة ..
احترامي وتقديري لجميع الجهود القائمة ..
فيصل
