قلت له هذا لحم خنزير.. ف..??!?

السلام عليكم .. هذي قطه صارت لي في احد سفراتي العام الماضي.. تدوور في بالي من فتره قلت بكتبها.. علشان الانسان منا يعرف اشكرث دينه غالي عنده واشكثر دينه رخيص عنده ..

المهم اخواني في شهر 7 من الصيف الماضي سافرت انا واهلي الى تايلاند وبالتحديد بانكوك للسياحه .. وصلنا الصباح بالسلامه ورحنا على الغرفه وريحنا شويه من تعب السفر والقعده في الطياره .. المهم لين بليل وعقب بدينا جولاتنا بالسوق .. هذا مو مهم خلونا على محورنا الاساسي اللى هو لحم الخنزين .. مثل ما نعرف الاغلبيه في تايلان ليسو بمسلمين والقليل منهم فقط المسلمين المهم كنا ندور على المطاعم العربيه لنأكل فيها وحصلنا الحمد لله مطاعم بالقرب من الفندق فكل يوم كنا نتعشى ونتغدا فيها مطاعم تركيه والى آخره المهم انه مكتوب على المطعم ((حلال)) ثاني يوم او ثالث يوم والله مو متأكد المهم قمنا من النوم انا واختي وقلنا بنروح نفطر في الفندق تحت .. المهم دخلنا وكان فيه عرب وايد في نفس الفندق .. المهم خذنا الفطور وكان في شرايح لحم ودجاج ((وخنزير)) المهم انه عند كل الاكل اللى ما يحتوي على خنزين في ورقه مكتوب عليها ((حلااااال)) وعند الخنزين مافي اي ورقد .. يعني ما مكتوب حلال وما مكتوب حرااام .. والمفروض انه الانسان بنفسه ينتبه للأكل لان هذي الدوله اصلن غير مسلمه فزين منهم كاتبين حلال بعد .. المه مفي اليوم الاول خذنا ريوقنا وطبعا شكل الاخنزين يبين وينعرف المهم شفت واحد من الشباب وعايلته ياخذ ريوق ومسكين مد ايده وخذ لحم الخنزير وحطه في الصحن انا انتبهت وقلت له (( السلام عليكم .. رد عليه وعليكم السلام وهو مستغرب شويه .. شكله يقول في خاطره شو يبا هذا من صباح الله خير .. هههه المهم قلت له اخوي هذا اللى حطيته لحم خنزير .. مسكين بقق عيونه قال لا والله قلت له هي شوف اقرا مكتوب عليه قال خلاص مشكور اخويه وحط الصحن وخذ واحد ثاني .. )) المهم مو هذا هي السالفه .. عقب كم يوم بعد رحنا نتريق في الفندق ونفس الحاله بس هالمره انا خذت اكلي ويا اهلي ويلسنا على الطاوله وبديت آكل .. بس حصلت واحد بعد تارس صحنه من هاللحم .. والمشكله مو بروحه وياه 2 صغاريه نفس الشي..

المهم انا قلت روحه بيعرف ما بسير له .. بس الصراحه والله اللقمه ما رمت ابلعها .. قمت من مكاني ورحت عند طاولته وهو توه قايم كان بيسير اييب له عصير قلت السلام عليكم قال وعليكم السلام هلا .. (( والصحون على الطاوله )) قلت له اخويه هذا اللى في الصحن لحم خنزير .. (( قالي والله مشكور اخوي )) قلت له حياك .. ورحت قعدت في مكاني .. وشو تتوقعون انه بيسوي المفروض .. انه يرد ياخذ الصحون ويغير الاكل .. بس هني الصدمه كانت لي انه راح جاب عصير وبكل بروود قعد واخذ الشوكه والسكيج وبدا ياكل .. انا حسيت شعر جسمي وقف وتميت امبقق عيوني هذا شو سوا .. كمل اكله عادي وبكل بروود بنقول بروحه عادي خلا ياكل نفاد لو ياكل سم انا قلت له ونصحته وبريت ذمتي .. المشكله الصغار معاه ياكلون بس شو اقدر اسوي ولا شي .. هذا الموقف صارله سنه من صارلي ومو قادر انساه ..

وشكرا لقرائتكم واعذروني على الاخطاء وعلى كلامي بالعاميه

اخوكم عماري

الله يعطيك ألف عافية أخوي عماري..

الحقيقة أعجبتني غيرتك وهي محل تقدير..

أما كلامك بالعامية..

فما عليك.. حكيكم الإماراتي ممتع..

الله يعطيك العافية أخوي..

تسلم اخوي ..
وشكرا على ردك

معك حق اخي
يكفي ان كلمة خنزير مقرفة
الحمد لله على نعمة الاسلام
علينا ان نقدر ما نحن به
فالله سبحانه وتعالى لم يحرم علينا هذا اللحم الا لضرورة وفوائد لنا
فالحمد لله
انصحك اخي بالاطلاع على هذا الموضوع

http://www.montada.com/showthread.php?p=3520189#post3520189

+ دمه بااااااااااااااااااااااااااااارد لهذا الحد ... يعني خنزير ايه وبعدين ؟ ... الله يحفظنا

مشكور اخى على القصه
ياريت الواحد يلاقى شخص مثلك فى كل بلد يسافرلها
خخخخخ
مشكور

جزاك الله خيرا اخي الكريم على نصيحتك لاخوانك وتنبيهم

الله يهديه

اكل الخنزير محرم فيه اضرار كثيره اعوذ بالله

اولها انه يذهب الغيره من الرجال وهذي حقيقه علميه اثبتها العلماء

وثانيها الامراض الكثييره الي تجي منه لأن هذا حيوان قذر يتغذى على القاذورات والقارئ بكرامه

وجزاك الله خير اخوي وكثر من امثالك

لا حول ولا قوة الا بالله


الله يشفيه ولا يبتلينا


مشكور اخوي عالموضوع

اهنئك اخي على غيرتك ...

الحقيقة المره ان المرأ يحزن عندما يخرج للعالم في يرى افعال اشخاص المفترض ان يكونو مسلمين ...

فانا ارى الكثير من المسلمين "هداهم الله" يتهاونون بالمحرمات والحقيقة انها كبائر ...

فنسأل الله عزوجل ان يهدينا لطريق الصلاح وان يصلح حالنا

لاحول ولا قوة الا بالله

جزاك الله خير ..
انت سويت اللي عليك وبرأت ذمتك ..

انا مدري ليش الناس لما يروحون بره ( الدول الأجنبية ) يحسبون انه عادي تاكل حرام !(بعض الناس)
على العموم مشكور اخوي على الموضوع ومثل ما قلت وش ذمبهم الصغار بس ما تقدر تسوي شي...

ذنبة على جمبـة ..!!

وانت بريت ذمتك منـة :)

مشكور أخوي عالموضوع
و أنشاالله إلي سويته بيكون في ميزان حسناتك