رائعة Konami

Metal Gear Solid لعبة ماكنت أعرف عنها شيء كنت أسمع عنها وما أهتم
زي الأطرش في الزفة , وفي يوم رحت عند قريبي عشين أشترا الـPS2 و
لعبنا بالألعب الجميلة زي (DOA2 و GT3 و NBAstreet ...الخ) بعدين قلي
أسمع انا حروح أجيب عشاء عشين ناكل . قلتلو طيب ايش في ألعاب غيرها
قلي هذه هي أفضل شيء وفجأة؟! قلي لحظة وراح في ركن الغرفة وكأن
بدوير في كيس ورجع بهدوء وحط الدسك في الجهاز وقلي شوف رائعة
كونامي قلتلو ايش كونامي ! قلي شوف أحلى عرض في ألعاب الـPS2
انا ما حتأخر قتلو كيف ألعب .. ايش أسوي .. ايش القصة قلي أكتشفها
بنفسك وخرج (هو يعرف اني ما أدري عن اللعبة) .

وأضريت اني ألعب لوحدي , وشفت العرض بالفعل يعتبر أحلى عرض شفته
(مطر, بدله شفافه, القفذ من الجسر) وبدأت ألعب وأنا مني عارف شيء , عرفت ان في جنود ..جرس انزار ..ضرب رصاص وبس ايش أسوي بالظبت مني عارف , بس قدرت بعد فترة أتعلم حركات زي كسر الرقبة لجنود و والتخفي ...الخ . حتى جاء الطيب وجاب العشاء معاه وعلمني كل شيء حتى أكتشفت اللعبة وروعتها وقوتها وجلست ألعب وألعب حتى خلصت الشريط لدرجة اني ما أتعشيت (طبعاالشريط DEMO)وقلتو في جزء على الـPS1 قلي أكيد طيب كيف انتشرت بين الناس مو عن طريق الـPS1 وبعد ما خلصت من عنده قلي اوصلك قلتلو أول شيء خلينى أشتري الجزء الأول عشين العب فيه قلي طيب ورجعني البيت .

ثاني يوم بدأت ألعب حتى خلصتها بعد 12 ساعة .وكل ما أوصل مرحله يزيد إعجابي في اللعبة حتى العروض والمحادثات و المقاطع كل شيء , خلتني أعيش مع سنيك ومايرلي صديكته والعالم اوتكاون , لدرجة اني زعلت لمن ماتت مايرلىحسيت ان انا سنك حسيت ان الدمعة حتنزل من عيني حتى لمن يسيب جثتها مع الميتل جير ويدمر المكان كنت حأبكي , حتى المشهدالأخير مع اوتكاون لمن يكونو على الدباب ويضحكو مع بعض حسيت بشعور غريب ,حتى المسيقى الي في نهاية اللعبة رائعة, عرفت ان اللعبة فيها مشعار واحاسيس وعواطف وقلت لنفسي فيني من زمان عن دي اللعبة وصرت أسأل نفسي أسئلةكثير وأعاتب نفسي ان ليش ما لعبتها من زمان . لعبة لو حلست سنة أوصفها ما كنت أعطيت حقها .

هذه هي قصتي , وهذا هو كلامي مع رائعة كونامي ...

أشكرك على هذالموضوع جميل، لكني ما مصدق إنك ما عرفت MGS قبل الان!!!!!! معقووولة؟؟؟


ملاحظة: تستطيع إنقاذ ميرل.....

لا.. وأزيدك من الشعر بيت يا سونك ... أنهي العبة بنفس التخزين الموجود عندك .. وبتلاحظ تغير بسيط في القصة مع بعض الاضافات .. ولي طلب عندك .. تخيل العبة الكاملة mgs2 على ps2 ;) ;)

موضوع جميل لكن انا مسكين رحت ذاك اليوم واشتريت الجزء الأول ولعبت به واستانست يوم وصلت عند الزعيم الأول اللي معه مسدس وقتلته ماعد عرفت وين اروح . دورت حل من ولا منا لاكن ما عرفت رحت طفشان وكسرت الشريط .

تقدر تمنع دمعتك من النزول :) بانك لما تتعذب ما تستلم و في النهاية راح تعيش ميرل ..

أنتظروا ميتال على البلاي ستيشن 2 وأنسوا شي أسمه رزينت أيفل....

أنا ماقصرت حاولت ان ما أستسلم بس ما قدرت , بس تعرفوا
يا شباب أنا فرحان ان خلصة أقوى ألعاب الـPS .