җҖҗقدرك مع غلاكҗҖҗ من تأليفي *رد جميل الأخت (abeeressa)

يا حبيب الروح قدرك مع غلاك

كل نبض ٍ في خفوقي لك دليل

الجروح تطيب في ساعة لقاك

وانت عينك موطني مالي بديل

كيف اداوي الروح من قاسي جفاك

والغرام اللي وسط قلبي نزيل

الحزن والهم عانيته معاك

والفرح في داخل فؤادي قتيل

ساهر ٍ ليلي وتايه في سماك

وان غفت عيني اشوفك يا جميل

الزمن لو طاب ما يسوى بلاك

والجروح اللي برت قامت تسيل

آه من قلب ٍ تولّع في هواك

وان فقدت العقل في حبك قليل

الهوى والقلب وعيوني فداك

والجوارح لا طرى ذكرك تميل

أمل ان تحوز على رضاكم وبلأخص الاخت

abeeressa

والسلام خير الختام

حلو حلو و مشكورين

السلام عليكم
مشكور اخي الهاوي على هالكلام الحلو
والصراحة انا قارية جم قصيدة منك
وقصايدك كلها روعة وجذي:biggthump
وياريت نشوف اكثر وانا متابعتك والى الامام دوما اخي
مع السلامه

العفو وماتقصرون والله على الردود

صح لسانك يا الهاوي ...

أشهد أنك شاعر يا خوي ..

وأشكرك على الاهداء الراقي .

مشكــــــــــــــــــــــــور اخوي و الله شعرك عجيــــــــــــــــب:biggthump

صح الله السانك أخوي
وبصراحة أبيات جميلة
ويعطيك العافية

ألف ألف شكر لكم على الردود
وسلامة قلوبكم الطيبة