و عليكم السلام و رحمه الله و بركاته
موضوع حلو و حساس ,, شرات مواضيعج << على قولة شجون :D
مع اني ما اعرف ايش يعني "شرات" مزبوط
بس فهمتها من السياق:o
المهم
نرجع للموضوع
و الله انا احس انه الاعجاب شي طبيعي
يعني مثل الاعجاب في الحياه الواقعيه تماما
احنا بنتأثر بنفس العوامل في شخصيه اللي بنتعامل معاهم
سواء كان على النت و على ارض الواقع
طبعا بالنسبه للنفاق و الكذب و الخيانه ,, هذي موجوده حتى على ارض الواقع
الفرق فقط في النسبه
عالنت , ممكن تكون النسبه اكبر بكثير:(
لانه من الصعب تحديد جوانب الشخصيه من مواقف واقعيه
فبالتالي ,, من الطبيعي اننا نعجب بشخصيه اعضاء معينين او بفكرهم او اسلوبهم او كل هذي الاشياء مجتمعه
انا عن نفسي معجبه جدا ببعض الاعضاء هنا
البعض منهم يوافقني حتى في التفكير, و هذا البعض طبعا اقدره و احترمه اكثر شي:biggthump
طبعا طالما انهم ملتزمين بحدود التعامل اللبق
البعض الاخر اختلف معهم,, لكن يفرضو احترامهم عن طريق تعاملهم,,,, و اسلوبهم في الاختلاف في
منتهى الرقي و الاخلاق
و هذا البعض ايضا لهم مقدار كبير من الاحترام:أفكر:
بعض الاعضاء,, تحس انهم قريبين لا لسبب,, مجرد انهم يحترموك و يقدروك و يساعدوك و يحاولو بقدر الامكان انهم يكونو عند حسن الظن فيهم ,, يعني مهتمين و محترمين في نفس الوقت
و هذا النوع من الناس ,, من غير تفكير ,, نحس اننا ميالين ليهم:05:
انا باتكلم بصفه عامه
بالنسبه للبنات
انا معجبه بكثير شخصيات هنا
يعني مثل شجون الله يسعدها :05:
محترمه و مؤدبه و اخلاقها عاليه و لزيزه و يعجبني فيها تدينها و افكارها قريبه من افكاري
عندي كمان الامبراطوره و رنوش احسهم عاقلاااااااات و رزينااااااااات و هذا الشي يعجبني في البنات:biggthump
مع اني مش هاديه ,, يعني عفريته شويه,, لكن احيانا اصير رزينه:o
يعجبوني البنات الي زيي في الشخصيه ,, زي فريسكا<< احيانا
يعني انا ما احب اني اتكلم جد الجد حتى في المواضيع العامه
يعني ما يخالف اني امزح شويه
ما احب اني اكون فورمال كأني في اجتماع مع اعضاء هيئه التدريس في الجامعه:09:
خخخخخخ
المهم,,,, الزبده, و بلا علاك مصدي على قوله الشاميين:
الاعجاب موجود ,,, و يتهيألي انه مبرر جدا
و مافيه اي مشكله طالما انه ما تعدى حدود الاحترام و الدين
و مشكوره عالموضوع يعطيك الف عافيه:أفكر:
