وخر انت وياه.....شوفوا وش صار في كوكب الرياضة اليوم.....والله سالفة بتفسطكم من الضحك
كل واحد يطقطق اصابعه....قبل ما يقرا.....
الموضوع طوييييييل.....ويبي له جلسه.....
اسمعوا....
اولا....قائمة الحضور مع التوضيح:
انا naf (تعرفوني.....اوسم واحد فيهم....جيت زي العادة...بثوب وكاب كحلي)
سكوال (اول شي.....قصييير......وجاي ببدلة.....وجايب معه صديقه....خايف نطقه)
السهران (ولد عمتي....هو اللي جايبني....وجاي ببدلة.....يعجبكم دق الميانة على طول مع الشباب)
ارفين (اخو سكوال....جاي ببدلة تشبه بدلة اخوه...وبردان طول القعده)
alex (لابس مثلي....واول ما جا....كان مستحي....بعدين خربها)
اوجلوب (الحين اسمه خوباج الاعظم.....ما شاء الله....صحته ممتازه....ينفع فزعات)
جيت لي (الظاهر اسمه كذا...لابس بدلة....وهو ما يشارك في المنتدى العام بس صديق اوجلوب)
ديجيتال ( لابس ثوب وطاقية....وشكله جاي يضارب مو جاي لنا)
===========================
هذولي اللي جوا....
اما اللي جحدوا.....فلله الحمد......قليلين
ابو شوشة (اخو اوجلوب لو قعد يصرف الى بكرة لا تصدقونه...لأن اخوه معنا وقال ان ابو شوشة مستحي يجي)
مؤيد (عنده ظروف طارئة.....معذور...كلمني.....واعتذر مننا)
العرندس (جحد جحده مقلعة......ما اعتذر....)
===========================
نبدا السالفة....
الساعة 9 بالضبط......انا والسهران عند المقهى.....ومين نلقى....سكوالووه....جاي مع صديقه....
سلمنا عليه ودخلنا...طبعا طول القعده وحنا نحش في بعض.....وسكوال يقول لي.....ليه مستحي.....(وش يبغاني اسوي...أقوم واطقه؟؟)
شوي....ويدق اليكس....على باله اول واحد جا......قلت له انا وسكوال والسهران هنا.....((على فكرة....كانوا فيه ناس في الجلسة اللي جنبنا....قاعدين يناظرون فينا....مشبهين))
المهم...جا اليكس.....وقعدنا شوي.....طبعا سكوال قليل حيا...على طول استلمه حش...عيني عينك في القصمان....والولد مستحي يرد على سكوال....
الناس اللي في القعده طلعوا ما عدا واحد......ما شاء الله....ما يدخل مع الباب.....
حنا دخلنا مكانهم....وجا الاخ السمين....ودخل علينا......حنا اعتذرنا وجينا نطلع......(خايفين منه)
جا هو قال....خليكم مكانكم......الظاهر اني اعرفكم.....انتم جماعة المنتدى....صح...؟؟؟
حنا سكتنا...ما قلنا شي......((خايفين نقول ايه ويقتلنا))......الاخ قلط معنا وقعد جنبي.....
قام يضحك....وقال....انا معكم......في المنتدى......اسمي....اوجلوب...حنا يوم عرفناه.....طار الخوف.....وبغينا نطقه.....سولفنا شوي....
جا مع اوجلوب....واحد يمكن ما تعرفونه بس هو يشارك في منتدى البلاي ستيشن....اسمه ماجد او (جيت لي)
وبعدين طلعت انا استقبل ارفين (ما يدل المحل)....دخلنا وسلمنا على بعض.....ورجعنا نقطع في بعض ونحش.....
بعدها بشوي طلع اليكس....وجا معه اثنين....واحد ابيض...ووسيم...ومشخص.....والثاني.....تقولون جاي يضارب....ولبسه لبس واحد راعي سوابق....
قلنا عرفنا على الاخوان......قال معكم ديجي......
حنا توقعناه الوسيم.....وسلمنا عليه.......قال اليكس.....يالمخفات....مو هذا ديجي.....الثاني........
حنا جتنا صدمة عاطفية...ديجي...الهاكر.....المصرقع.....يطلع هذا......((اليكس قعد نص ساعة يقنعنا انه هو وحنا مو مصدقين))....
استلمناه انا وسكوال استهبال.......بس هو باااااااارد (الظاهر كان مستحي).....
انا الساعة 11 طلعت......وهم قعدوا للساعة وحده.....((اسألوهم وش اللي صار في هذاك الوقت))
========================
خلصت السالفة......
بس باقي ملاحظات على القعده....
1- سكوال لابس كعب...اسألوا الشباب واولهم اليكس......عشان يصر طويل....
2-قبل ما نجي....سكوال دق علي...يقول ابغاك تحش في اليكس....بس انا ما وافقت.....((طلع النذل ناوي يسجل كلامي ويسمعه لأليكس))
3- تباريت انا واوجلوب في الدوري الياباني...وهزمني 5-4 مع اني ما كنت مركز....
4- كل واحد طلب شي يشربه....والمسكين ولد عمتي السهران هو اللي دفع الحساب ((93 ريال))......رجال وكريم
5- انا ما كان لي داعي.....ما اكلم الا فهد...((سكوال))....والشباب فهموا بعض كلامي خطأ.....بس انا معذور.....كلهم مستحين...الا فهد...قليل حيا
اووووووووووف....تعبت......هذا اللي تذكرته....واذا تذكرت شي باكتبه
Re: وخر انت وياه.....شوفوا وش صار في كوكب الرياضة اليوم.....والله سالفة بتفسطكم من الضحك
اقتباس:
كتب العضو (naf)
3- تباريت انا واوجلوب في الدوري الياباني...وهزمني 5-4 مع اني ما كنت مركز....
عاش مصرف
