الرجال المستذئبون .. ( نقاش حرّ )

اقتباس:

---

للبنات بس ((الانثى)) ابعرفكم على حــــقيقة كل ولـــد بزر متخلف مغفل لان صراحه خساره اقول عليه رجل ويخسااا كل ولد يصير رجل بهالايام
بنات ابقولكم شي ومابي احد يايدني ولايقول كلامك غلط لاني انا الــــصح وكلامي الصح اوكي
قبل ماابدا للمعلوميه بس انا بنت واكرم نفسي عن الحيوانات ذي ولاافكر مجرد تفكير اني انزل مستواي لهم كل ولد كل ولد خليته يناهق وســــديت حلقه بعظــمه ((اقنور)) ماني ناقصه امراض وتخلف..
نـــــــبدا
1-كل ولد حـــيوان حطي تحتها خطين يجي للبنت بصورة حيوان اليف على شان ياخذ منها اللي يبيه يجرها ويسحبها الى مايوصل الى هدفه بعدين يشيل القناع ذا على شان يطلع على حقيقته حيوان شرس ((ذيب)) نجس
ودنيء وبكل الحلات حيوان سواء اليف ولا شرس يبقى حيوان وحيوان وحيوان ماله أي اعتبار بالمجتمع حقير
وانتم طبعا يابنات تكرمون عن هذول الحيوانات...

2-انـــتبهي تحكمين على عواطفك قبل عقلك لاتفكرين ابدا ان بمجتمعنا ذا سوا سعودي او خليجي اللي هو فيه شي اســـــمه حب ولااخلاص لبنت يهود جاهلين يعتبرونها حثاله مادرو انها تدبر عالم كامل الهمج واذا انتي بنت تؤمنين بحب وخرابيط الكلابه الذكور مايؤمنون فيها هدفهم والله واحد..

3-لايجيك يجرك بكلمه كلمتين يمكن لاتعب معك خلاهم عشر ولاراح يتعب وهو يجرك مايعوقه لو سنه بس ياصل لهدفه تصدقيه انتبهـــي انتي واثقه من نفسك ومنتي بحاجه لكلامه ولامدحه واخلاصه لك لانه زي ماقلت كلب يخطط لفريسته ززززين خليه بقريح اللي يطير به هو واخلاصه واحترامه ذا اللي مسويه لك لو فيه خير يترك هالاخلاص والاحترام لاهله واخواته..

4_مراحل التسحيب بما انكم على شات يجيك ابن الكلب على الخاص بيخليك ترقين له بأي طريقه لو يسوي المستحيل هو لما يركب راسه عليك يركبه لانه متخلف ومتدني ولاعمره فكر تفكير سليم رقيتي وسولفتي جاب موضوع وحسن انك متحمسه معه بيقول لك الشات يعلق عطيني ايميلك <<<<<لاحظي الشراسه هنا,, طبعا اذا كنتي محكمه عقلك قبل عواطفك بتقولين بقريح هو وسالفته الدنيء ..

 اذا بتعطينه ايميلك بتكونين وصلتيه للمرحله الثانيه بيجيك باخلاص وحب واحترام بسم الله عليه وبيقولك انا مستحيل اضرك لاني انسان اخاف ربي يخسا هو واشكاله يخاف ربه..

 طبعا المرحله الثالثه عطيني رقمك ودي اسمع صوتك شوفو دنائته يوصل نفسه لمرحله الذل بس على شان يوصل لرقمك وبيقول لك انا احس اني اميل لك ومن هالكلام وانا والله ماقد كلمت بنت ولاراح اكلم غيرك وانتي هنا تجين تعطينه الرقم وصدقتي كلامه ليش لانك حكمتي عواطفك

 وزي ماقلت لكم كل ذكر كلب يستخدم اسم ربي وسيله للوصل الى هدفه لانه بالاساس مايخاف ربي لوه محترم ويخاف ربه وفيه ذره من الدين كان مالعب باسم ربي كذا ابن الكلب الحقير وهذا بالعربي يطلق عليه يهودي..


 بعد هذا لما ياخذ رقمك بيجيك يقول لك اطلعي معي واصلا اصلا مالك امل ترفضين طلبه ذا لانك بكذا خليتيه يمسك عليك اشياء ويمكن بكل سهوله من رقمك اللي اعطيتهياه يوصل لاسم ابوك وبعدها بيهددك مانفع بيوصل لابوك اليهودي ولو يسوي المستحيل لانه ماتحملك على شان خاطر سواد عيونك يابقره على شان هدفه اللي يبيه وليش يعني ابوك وش ذنبه تخلينه كذا مالك داعي..

--وطلعتي برد شهوته ابن الكلب الحقير سوا اللي براسه وهذا هو هدفه اللي تحملك عشانه اخر شي انتي حثاله زانيه منحطه واطيه واللي تبينه راح يطلق عليك انواع واشكال الالفاظ طبعا بالمجتمع اما بالاخره لك شي ثاني
يعني رح تعيشين بالمجتمع محتقره واضنك ماترضين بهالشي لك وهو الولد مايعوقه شي وانتي الزجاج اللي اذا انكسر مايتصلح وهو يطلع من السالفه مثل الشهره من العجينه وهو فرحان..

5- كلمة رجل ماتطلق على واحد من هذول الانذال ولااحد ويهبون هالكلابه نطلق عليهم كلمة رجل لان الرجل بصراحه وكلكم معي يابنات الرجـــل الرسول عليه الصلاة والسلام والرسل اللي قبله ورجال عصره .. والدنيا اللحين نادر نادر يمكن مافيه حتى رجال لانها دنيا وصخه ..

طالعو تخلفهم بس يوسعون صدورهم بكلمت رجل وهم يهبون ويهبون ويخسون بعد بيصيرون رجال يجونك يجتمعون ويقولون يالله اللي يفحط اللحين هذا رجال ويفحط ويصير رجال اللي يتوطا الثاني هذا رجال ويتوطاه ويصير رجال مسكييييييين بدري عليه..

6-بكلامي ذا يايويل وحده تطبق المثل اللي يقول اصابع يديك مو سوا لانهم كلهم كلهم سوا وسوا وسوا..

7-انتي بنت انثى المفروض انك تبعدين عن أي شي يشوهك واعتبري نفسك انسانه عاليه شامخه عن هالاشكال الواطيه الماسه أي شي مو زين ممكن انه يشوهك وانتم تعرفون الاماس زين أي شي بسيط جدا جدا يمكن يخربه ويخليه يفقد قيمته ..

8-خليك عزيزه رافعه راسك فووق لاتنظرين لهالكلابه الا بنظرات زي نظرتك للزباله شفتي الزباله شلون محتقره محد ينظر لها لاتنظرين له هو كذا هو مثلها حتى نظرات الحقد ماتنفع معه لانه مسكين بيصدق الصلبي وبيحسبك على قولتهم ماتناظر الا وهي مشتهيه بس مستحيه ..

وانتي عارفه انهم كلابه يعني لاراحو ولاجو ولاتسمعين لهم اضحكي عليهم ومن بعيد لاتقربين منهم ..

وطـــبعا ماراح تحسون بكلامي او راح يأثر فيكم الا اذا صار لكم موقف بتذكروني بتقولون كانا محذرات من هالكلابه وبتندمون بس مومشكله اذا صار لك شي اول شي تسوينه اسجدي سجود شكر ان ربي نبهك على حقيقه هالكلابه اذا كان ماصار فيك شي وعرفتيهم قبل ماتروحين فيها

وثاني شي اضحكي اضحكي اضحكي ولايهمك لانك عرفتي انه كلب ماله اهتمام محتقر من قبل الجميع وبالذمه امانه بنات لاتزلين ولادمعه عليه خلي عندك روح رياضيه لانهم وربي مايستاهلون من يصيح عليهم لانهم بكذا مبسووطين ويظنون انهم مزدين من قدهم طيحو بنت المتخلفين ..

بس يمكن اذا سمعتي صوت كلب ينهق وصوته قريب منك بتخافين هذا شي طبيعي بس اضحكي قولي وش يناهق ذا وش يقول مسسكين ..

ولاتنسين تضحكين لانك هنا انتي تعلمتي بهالدنيا درس ومااعتقد انك رح تنسينه ووقتها لما تطيحين لايهمك شي طنشيه زلبيه اتركيه وسووي دليت للماضي كللللللله واذا هم اذكاء منها بطريقتهم لسحبنا نتعلم منهم ذكاء وياويل اللي تصير معهم طيبه لانهم استغلالين ولاعندهم احساس خلوهم بس يطيرون الحقيرين

---

كُتبَ بقلمْ " أنا تعبانة " في أحد المنتديات السُعودية الشهيرة " وحدة تعبانة فعلاَ " .

ما يهمني الآن هو .. هل في فعلاً فتيات يؤمنَّ بهذه النظرية ؟
خلونا صريحين .. هل مرّ بكِ - لمن تؤمن - موقف دفعك إلى تبني الفكرة هذي ؟
هل فيه فعلاً شباب بالتفكير هذا ؟ وش دورنا تجاههم ؟
- تعليق حرّ على كتابة هذه الإنسانة ..

المهم أنا كتبت :

اقتباس:

---

عفواً ، حالتك مستعصية ،تذكرت مسلسل "الحريم" ذاك ، والله ذاك المسلسل صراحة كان أسوء إنتاج خليجي من طاقم معقّد و مريض نفسياً والله ..

الله خلق الدنيا من آدم و حواء ..
و آدم ما يستغني عن حواء .. و حواء مالها في الدنيا غير آدم ..
وبتجري هالسنة في سلالتهم ..
شاءت العُقد النفسية أم لم تشأ ..

ما أخالفك .. فيه ذئاب ..
لكن نسبتهم قليلة ..
نفس الأم .. والأب ..
اللي ربّوك .. ربّوا الرجل هذا ..

الكُتّاب .. رجال ..
الفنّانون .. رجال ..
الشعراء .. رجّال ..

وكذلك للأنثى دور عظيم ..
بس لاحظي .. كلها مهن تحتاج إحساس صادق و عظيم ..
ونجح فيها المخلوق الحقير بنظرك سيدتي ..

فيه فرق .. بين الرجل الشهواني .. والرجل المُحبّ ..
الحبّ يختلف عن ما دونه .. شكلك وقعتِ في عدّة تجارب متعاقبة ..

الرجال الصادقون .. نادراً .. ما يقعون في تجارب مع الآخرين ..
ومتأكد و واثق انك بتلقين إناث مرتاحين كثيراُ .. مع رجال صادقين ..

لا تيأسي أو تنكسري بسبب تجارب فاشلة ..
هذا هو اللي يحطّم الحياة .. و يكسرّها .. ويمزّقك لتفاصيل صغيرة مشوّههة ولا تأثير لها على تيار الحياة ...

الحياة تمضي ..
الحبّ يولد من جديد ..
ولا أحد يعبث في هذا ..


الرجل إنسان ..
أنتِ إنسانة ..

كلنا بنفس الطبيعة و السحنة سيدتي ..

أقدّر وجهة نظرك ..
لكن .. قارني .. ألا تعتقدين .. ان في الصحراء دائماً زهورٌ لطيفة تختبئ بعيداً ؟
وكما أنَّ في الأرض صحاري .. فيها غابات .. وفيها سهول .. وفيها بحار و أنهار ..
و كما تعمُّ الظلمة .. يشرق الفجر ..
هناك ظلمة .. كما أنَّ هناك نور ..
هناك شرّ .. كما أن هناك خير..
هناك كذب .. كما أن هناك بعض الصدق ..
هناك قُبح .. كما ان هناك بعض الطُهر ..

هناك كره .. كما أن هناك حبّ ..

يا ربّ تلقين ملاك صادق يحبّك ببراءة وصدق ..

---

ممكن سؤال أخوي يزيد...

هي أسمها (أنا تعبانه) بالتاء ولا بالثاء؟؟؟

بصراحة أنا مشفق عليها أكثر من أني غضبان.

الأخت شكلها دخلت لها في علاقة أو علاقاااات حب، وطبعاً بما أنها عريبه ومسلمة فهذا الشي في عرفنا ممنوع (وأنا أتكلم بالنسبه للجنسين)، وبما أنها رضت أنها تدخل في الممنوع فأكيد ما راح تلقى غير شخص رضى على نفسه بالممنوع، واللي يدخل في شي مثل هذا ياما أنه (مغفل) أو (خبيث) طبعاً هذي هي وجهة نظري الشخصيه، والأخت ما طاحت غير على الخبيث.

لأن الشخص المحترم واللي يبي يحب أنسانه من قلبه ما راح يدخل عليها بالممنوع، وأكيد راح يكون بعيد عن هالمهاترات.لأن اللي يحب من قلبه ما راح يلعب في عقل اللي يحبه والعلاقات اللي هي دخلت فيها كلها تمثيل من أولها لين آخرها...يعني بالعقل البنت قاعده تدور على غزال في زريبة غنم (آسف بس هذا المثل الوحيد اللي يا في بالي) أكيد ما راح تلقى غير الغنم

بس تبي الصراحة...شكلها طاحت على واحد بهدل حياتها من قلب.

عموما أنا أشوف أن ردك كافي بل وايد عليها حتى.

مشكور على الموضوع اللي يرفع الضغط.

الصراحه يزيد ..وايد زين منك إنك رديت عليها بس .. مع إني أعتقد ها النوع مستحيل يصدق أي شي هو ما يبغي يصدقه .. خاصه إذا هي البنت فعلا مرت بمشكله من ها المشاكل .. وأعتقد ها إلي استوى ولا ليش هاي العنصريه في ردها؟ يعني كأنه البنات ملائكة الحين :p
ردها تحاول إنه تنتقم فيه .. وطلع إلي كانت ساكته عنه .. يعني أنا متأكده إنه ها الكلام ما يطلع من بنت صاحيه وماشيه صح .. وفجأه يعني بتقول يلا مدام إني ملانه خل أكتب بعض النصايح لأخواتي حبايبي X__x

مسكين حالها ها الإنسانه .. فعلا تعبانه .. نفسيا :blackeye:
بس .. زين إلي ياها تستاهل .. أنا مع سميجل في إنه الواحد المفروض ما يدخل في مثل ها العلاقات إلي من الأساس الشرع محرمنها ..

الحمدالله ماعرف للحين ولا بنت مريضه لها الدرجه .. أصلا ما يشرفني أعرفها :blackeye:
بس ما أنكر إنه في شباب من ها النوع إلي قالته .. وها طبعا شي مب يديد
في الشين وفي الزين في كل شي .. المفروض نكون عالأقل نعرف نفرق بين أنواع ها الناس

شكراً على ردودكم ..


*هاللحين هالبايخ اللي يغمز عند اسم الموضوع وش جابه هنا ؟ "

بعيد عن كتابة هالفنانة المبدعة التعبانة!!

فية بنات ونساء يؤمنون بهالفكرة واغلبهم تكون الفكرة متوارثة ...عن ام البنت واخواتها ...يزرعون هالفكرة فيها! ومايكون عليها الا انها تمشي فيها على طول ومو مستعدة تغيرها! طبعا بدون ذكر اللي تعيش تجارب خاصة فيها !
فيه قصص في مجتمعنا للأسف تؤيد هالفكرة بشكل كبير!! لكن بالتأكيد هالشيء مايعني ان المسأله معممة..
ولد ولابنت...امرأة ولا رجل....كلنا بشر....فينا الطالح والصالح^_^
والدنيا للحين فيها الناس الخيرة ....والحمدلله ....

بالنسبة لكتابة التعبانة!
ماكملت قراية اللي كاتبته....كانت البداية كافية...
اعتقد انها صغيرة في السن ....من اسلوب كتابتها واستخدامها لألفاظ وتشبيهات !!...
حبت تنتقم بأسلوبها الخاص اللي تعرفه ...فعممت...
الله يهدي ويستر على جميع بنات المسلمين ...

اممم زين أجل هذي فرصة لي اتحدث من منبري شوي :) ..

،
،
مشكلتنا عارفة من أيش ؟
من بعض مدعيّن المشيخة ..
اللي كل يومين شريط .. بعضهم يؤلف القصص .. وبعضهم يقلّب في المجتمع عن أسوء قصص أصحاب السوابق والسجون و يدرجها .. ويعكس لكل عائلة ان العالم برا كله ذئاب .. فكلّ اسرة تحجر أطفالها عن تكوين صداقات .. و بناتها عن بنات الآخرين ، وتعزلهم في قمقم عائلي والله ما يسمن ولا يغني من جوع ، والنت صارت متنفس اللحين ,،،
هؤلاء .. زرعوا في المجتمع الخوف .. وبارنويا الفساد .. وصار كل واحد منهم يتوقع ان الثاني من أنولد في الدنيا إلا عشان يخرّب حياته .. لا بد من الحبّ والثقة عشان نعيش ..

" أنا تعبانة " هي نموذج متأثر بهالأشكال .. ويمكن تعرضت لحادثة .. او انها من بعض المتدينيين -هداهم الله - اللي يسجلون باسماء انثوية وينشرون مقالات مشابهة ..


إحترامي ..

ردك عليها كان عين العقل .. لول والله وانا قاعد اقرى كلامها تذكرت مسلسل "الحريم" نفسك.. فعلاً في نوعية انا شايفها يفكرون نفس تفكير هالبنت ..

مافيه شي كامل في هالدنيا .. والخير ماهو الشي الوحيد مثل مافيه خير فيه شر .. هذة سنه الحياة لها حكمه لازم الوحدة/الواحد يفهمونها .. الله يعين هالبنت

اقتباس:

---

مشكلتنا عارفة من أيش ؟
من بعض مدعيّن المشيخة ..
اللي كل يومين شريط .. بعضهم يؤلف القصص .. وبعضهم يقلّب في المجتمع عن أسوء قصص أصحاب السوابق والسجون و يدرجها .. ويعكس لكل عائلة ان العالم برا كله ذئاب .. فكلّ اسرة تحجر أطفالها عن تكوين صداقات .. و بناتها عن بنات الآخرين ، وتعزلهم في قمقم عائلي والله ما يسمن ولا يغني من جوع ، والنت صارت متنفس اللحين ,،،
هؤلاء .. زرعوا في المجتمع الخوف .. وبارنويا الفساد .. وصار كل واحد منهم يتوقع ان الثاني من أنولد في الدنيا إلا عشان يخرّب حياته .. لا بد من الحبّ والثقة عشان نعيش ..

---

فعلا لا بد من الحب والثقة عشان نعيش...
لكن لمن يستحقها فقط !
يمكن لهالاشرطة اللي تكلمت عنها اثر سلبي...لانها احتمال تزرع "انعدام الأمان " في النفس بعد مده..
وانعدام الامان...شيء مو سهل...
لكن ماننكر ان هدفها هو التحذير بالمقام الاول...وانما لكل امريء نوى ..

اقتباس:

---

" أنا تعبانة " هي نموذج متأثر بهالأشكال .. ويمكن تعرضت لحادثة .. او انها من بعض المتدينيين -هداهم الله - اللي يسجلون باسماء انثوية وينشرون مقالات مشابهة ..

---

او تكون شخص كان على اطلاع على موقف مشابه .....الاحتمالات كثيرة..
لكن تظل تمثل شريحة من المجتمع مو قليله! والاسباب كثيرة...

موضوع حلو اخوي يزيد ...


البنت واضح مارة بتجربة , ومااخفي عليك في ذئاب كثير بمجتمعنا هذا , الشهوة تحكم عليهم ...
لكن التعميم خطأ , في كل مجتمع فيه رجال صالحون , وفيه ذئاب زي ماتقول الاخـــت ... في فارغين منه مايختلف فيه اثنين ...

على العموم البنت راكبه راسها فكره مااتوقع بتشيلها :)
والله يهديها

في بالي كلام كثير بقوله ..لكن نفسيتي ما تسمح اتكلم فيه .. مب وقت مناسب انفعل فيه


باختصار .. نظرة المجتمع هي تجبر العلاقات هذه تتحول لشكل ذئب ونعجه ... و ثعلب ودجاجه ..


الولد تلقائيا لو وقع بمثل هذه الامور راح يتحول لذئب لان عقله الباطن مقتنع . والفتاة ايضا سوف تتحول لذئبه .

نظرة المجتمع تفرض القناعة هذه عليهم..



في مجتمعنا لا تجد علاقات بريئة .. تكاد تكون شبه معدومه .. اجد ان نسبتها لا تتعدى ال 0.1 %


لذلك .. الحذر منها .. الى ان تجد نفسك ضمن ال 0.1%

She speaks with a melancholic tone, the poor soul

.... لي عودة -_- .. يمكن ..

مشكور يزيد على الموضوع..

مع الأسف واضح ان تعبانة بينت لنا نفسيتها وشخصيتها مناسمها..

وعلى قولكم شكله حصلّها مواقف عقدتها نفسياً..

ولا مانع من صداقة بريئة كما تفضلت..

ورديت انت عليها رد كافٍ ..

:) ..

أوافق العزيز سميقل على أنها "وحده ثعبانه", وواضح أنها ضحية ذئب بشري, وتحاول تركب كامل الغلط على هذا الذئب, وتبرئة نفسها من المشكلة ومن الــ"حيونة", عن طريق إتباع أسلوب "خير وسيلة للدفاع الهجوم".

الذئاب والذئبات موجودون بيننا, لا يفصل بينهم جنس ولا لون ولا عرق ولا دين ! , وهي ذئبة يوم أنها عطته الرقم, ويوم رضت أنها تطلع معاه, وهو مثلها ذئب.

السلام عليكم ..

( ولا تتبعوا خطوات الشيطان )

وهذي النتيجه ..

طيب .. الحل ؟

نصيحتي لأختي بالتوبه والإستغفار - فإن الله يغفر الذنوب , يحب التوابين

وعليها بالإكثار من ذكر الله وقراءة القران وقراءة الكتب المفيده أمثال كتاب الفوائد لإبن القيم :D

كما تعلمون جميعاً ..

الإيـمان يزيد بالطاعة وينقص بالعصيان .. كما أنه يبلا كما يبلا الثوب ..

فعليها بالإكثار من الصالحات وأن تتبع السيئه بالحسنه ..

وبإذن الله ستجد السكينه والسعاده والإستقرار :)
( ألا بذكر الله تطـمـئن القلوب )

أعجبتني بعض الردود ( سميقل , ثريول , روري ) .. فشكراً لأصحابها .. :biggthump