:::يواسيني وانا الميت:::

يواسيني وانا الميت وحالـي يجبـر الدمعـات
تسيل من الذي فيني ويبكي وهـو يواسينـي

وانا ابكي واتنهد وارسـم بالحـزن لوحـات
يجبروني عشان امشي ورجلـي مـا تمشينـي

قتلت رعايتي بيدي قتلت الحـب والرحمـات
حرمت النفس من حقها وانا ابكيها وتبكينـي

وكنه حلم قدامي يقيدنـي مـن الصرخـات
ابي اصحى ولكني عجزت القى ال يصحينـي

فداك القلب يايمه ومهما قلت مـن كلمـات
صغيره في كبر حقك بـس اتمنـى تعذرينـي

نهبت الفرح من بيتي صحيح اني خسيس الذات
صحيح اني ولد طايش وكل ما أسمعـه فينـي

تجول عيونهم فينـي تفصـل منـي قياسـات
وتشيح وجوههم عني وكنـي غيـرت دينـي

يظنوا حزنهم اكبر وهم اصحـاب هالمأسـاة
وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشوة اللـذات
وصـار الهـم عكـازي اباكيـه ويباكينـي

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفينـي

يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي

يايمه ما تحملهم يقولوا فات مـا قـد مـات
تعالي غيري هالقول واطيعـك باقـي سنينـي

واترك عادة التدخين وانفذ ما تبـي بسكـات
واصلي الفجر في المسجد قبل منتي تصحينـي

يايمه ارجعي تكفين وطفـي شمعـة الآهـات
ابيك انتي ولا غيرك علـى موتـك تعزينـي

وضميني وداويني مثل مـا كانـت الهقـوات
ما ابي احدن يواسيني ابيـك انتـي تواسينـي

دخيلك بس لا تبكي اذا شفتي بي الدمعـات
انـا مقـوى ابكيـك اذا انتـي تبكيـنـي

سلام اخويي:biggthump
الله الله شو هالخاطرة الروعة:D
يعجز اللسان عن التعبير:biggthump
فعلا كلمات مؤثرة واسلوب اجمل من رائع;)
واتمنى لك المزيد والأفضلية:biggthump
في أمان الله وحفظه:ciao:

قصيدة مؤثرة جدا



عسى الله يتغمد أرواح المسلمين برحمته , ويدخلهم برضوانه جناته

ويخليلنا أمهاتنا تاج على روسنا , ولا يحرمنا منهن , آآآآآآآآآآآآآآآآآآآآآآمين.

اخي العزيز \\ بيكهام

والله اجمل شىء في هذا المنتدى الأم ما اروعها مهما فعلنا ومهما كتبنا لا نساوي لها شىء

الا القليل مما نفعله..
احسنت اخي العزيز وجزاك الله خيرا

رووووعه

مسكته صراحه ماعليها كلام

ماشالله

مشكور

وانا ابكي واتنهد وارسـم بالحـزن لوحـات
يجبروني عشان امشي ورجلـي مـا تمشينـي


نعم أقسى شيء فقد أم..
لطالما أرعبتني فكرة أن أستيقض يوما ليصرخ الفقد في وجهي..أشعر بأني سأموت وأنا على قيد الحياة..
كلمات راااااااائعة ..تنزف ألما وتحتضر السعادة بين حروفها

الاخ العزيز بيكهام

السلام عليكم

اذا كانت القصيده ليست من نظمك فمن الواجب كتابه اقتباس وذلك للامانه الادبيه حيث ان مدمنه نت قد كتبت نفس القصيده
وتقبل وافر التقدير .

شكرا اخوي بيكهام على القصيدة الرائعة وننتظر المزيد :biggthump :ciao:

تســلمون على الردود

و اختي رنا هذي الخاطره انا الي كاتبنها و موزعنها في وايد منتديات يعني ان مدمنه هي الي ناقله من المنتديات:D

بصراحه أخوي بيكهام
خاطرتك قليل عليها أقول رائعة
مدري وش الكلمة إلي توفي بحقك
بصراحه خاطرة مؤثرة جدا تدمع لها العيون
مشكوور

تسلــــم يا الغالي


مشكـــــور

يسلمو ع القصيده ...

تسلـــمون على الردود