انتبهو من سرقة البيوت

منقوله
حسب الراوي
هاااااااااااااام جداً وقد حصل انتبهووووووو.....







السلام عليكم ورحمة الله وبركاته ،،

بصراحة ترددت كثير قبل ماأكتب هالموضوع لكن الحذر مطلوب ..

السالفة ومافيها ياجماعة الخير إني رجعت ذاك اليوم لبيتي وبدخل السيارة بالكراج .. إلا لقيت (برميل الزبالة)- أكرمكم الله - لقيته في وسط الطريق .. وبحسن نية قلت أكيد أحد الأطفال دفّه وحطّه بوسط الطريق ...

نزلت وشلت البرميل ورجعته مكانة ودخلت بسيارتي وكل شيئ تمام

ثاني يوم تكررت نفس الحركة ولقيت البرميل بعد بنص الطريق! تعجبت وقلت معقولة أحد يمزح معي من الجيران؟ بس أغلبهم مسافرين بالصيف!

ورجعت البرميل واليوم الثالث لقيت البرميل مقلوب على فمّه ... يعني ماأحد يقدر يرمي فيه شيئ.

هنا بديت أشك كثير إن الدعوة فيها مؤامرة

وبصراحة شغلت سيارتي ولفيت على الحارة وقعدت اطالع على براميل الزبالة
لقيت إن أغلب البراميل مقلوبه وبعضها موضوعه بنص طريق الكراج..

والإستنتاج :-

أشخاص (الله أعلم بهم) يضعون البراميل كعلامة لسرقة البيوت .. فالبرميل الذي لايترحك ولا يقلب لفترة طويلة يعرفون أن أهلة غير متواجدين ويتم التهيئ لسرقته ..

أنا شاك بالعمالة اللي يشيلون القمامة..

أتمنى من الجميع الإنتباه لهذه الموضوع والحرص الشديد ياخوان .. والله الصيف اللي فات إنسرق من جيراننا كثير من الأشياء ..

والله ولي التوفيق..

كتبه : أبو شهد بتاريخ 25/5/1426هـ