قولواعن الأنيمي اللي تأثرتوافيه او بكيتوافيه

آسف ولكن مكرر AOD

يله ابي الكل يعبر عن الموقف اللي تأثر فيه أو بكى عشانه بأنيمي بس ابيكم تقولون شلون تأثرتوا أو بكيتوا:33:




آنه بقولكم شلون بدى موقفي مع ناروتو حلقة 116-117 لمه نيجي مات وشلون بكيت:

أول شي كنت متأكد انه نيجي راح يغلب كيدومارو بسهوله بس خاب ظني اول مادرى انه نيجي خبرة بالهواش من قريب انحاش وانخش فوق الشجر (هالجبان:12: ) آنه انقهرت مني قلت صج جبان هالحقير و و و و.....الخ (من السب:vereymad: ) بس قلت نيجي بيشوفه من بعد بس هم وخر زياده عشان مايشوفه وبعدين طلع ال

seal قلت الله يستر:أفكر: بعدين جان يسوي summon:wow: قلت لأ نيجي حبيبي لايسير فيه شي والعنكبوت اللي ناداها نادت عناكب زياده قلت خلاص نيجي مات وقام كيدومارو يدرس هواش نيجي من بعيد (جبان:12: ) قام يقط كوناي ومادري ايش ونيجي بس قاعد يخور عنه وزيادة على هاذا العناكب وآنه أقول بقلبي لأ نيجي لا يصير فيه شي, بس عجبني لمه طمر بالهوى والكوناي يمه صج انه قول وفعل, المهم حاشت نيجي كوناي على كتفه (الله ياخذ نقطة الضعف هاذي) جان يضحك كيدومارو >> مستانس عشان بده يعرف نقطة الضعف, وآنه بقلبي قلت كل السبات وقمت أدعي عليه من القهر:vereymad: وبعدين قام يسوي نفس الطريقه اللي سواها توه بس كل مره قام يزيد عدد الكوناي ومع كل زياده بالعدد زياده بإصابات نيجي (وزياده في السب:05: ) بعدين طاح نيجي من كثر الإصابات والتعب بعدين لمه شاف كيدومارو انه نيجي طاح ومايقدر يكمل قال يبي يلحق ربعه بس قام نيجي مع التعب والأصابات راح حق العنكبوت وذبح ال summon :wow:مو بس ذبحه إلا فجره بضربه وحده:bigeyes: بعدين شافه كيدومارو لمه الحين فيه شده على الهواش جان يصير لفل 2 وشكله أعوذ بالله وآنه كل همي انه نيجي مايصير فيه شي جان يطلع كيدومارو سهم حاد وقوي يقض الشجر وقاعد يصوب على نيجي وبعدين طلق الطلقه بس وخر عنها نيجي بعد معاناة وجهد بس هم قضت كتفه بعدين قام يدرس شلون وخر عن السهم وبعد شوي فهم سر ونقطة ضعف الbyakugan والحين يبي يصوب السهم الأخير:( صوب ونيجي قاعد يركض عشان ما يركز عليه زين وعشان نيجي يشوف السهم من اي جهة يجيله بس كيدومارو يقدر يتحكم بالسهم حتى لو أطلق السهم, جان يطلقه ونيجي احتمى ورى شجره وغيرت مسار السهم شوي والحين كيدومارو قام سوى سهم مايتغير مساره من شي وقام وصوب عليه بالسهم اليديد ونيجي يدري انه ماكو فايده حتى لو ينحاش فقام يبي يتلقى السهم وحاشه السهم ودخل السهم في بطنه:sad2: وطيره جم متر لمه لصق بالشجره جان يطلع آخر جاكرا فيه ووصلها بالخيط اللي يربط السهم ودخلت بكيدومارو وخربت بعض الأشياء من السيستم بس هم يقدر يتحرك:bigeyes: بس نيجي قام يلحقه وطلع جدامه وطقه جم وآخر شي طقه على قلبه الضربه القاتله والحين كيدومارو بيموت ويقول حق نيجي انت بتموت مثلي بس المهم نيجي قاله اني غلبتك ونت بتموت بعد وآخر شي نيجي قام يتذكر ربعه وذكرياته وهو بحاله صراحه تبجي جان يطيح و و و يموت والطير يطير فوقه وتطيح ريشه على ايده وهو ميت وهف شوية نسيم حرك شعره وغطى عينه:( , وآنه هالمشهد كل شوي أعيده يمكن عدته عشر مرات أو أكثر وكل مره أعيده يزيد حقدي على كيدومارو وعيني يملأها الحقد عليه بعدين رحت فراشي بنسدح وعيني كلها دموع وقول حق نفسي شفيني آنه ,مابي لدموع تنزل من عيني بس ماقدرت عيني انترست فيها لدموع بعد شوي انزلت أول دمعه جان أبتسم واضحك وقول بقلبي آنه يسير فيني جذيه جان أتلحف بالفراش وابجي بصوت مكتوم........:(

يله يا أخواني عبروا عن اللي صارلكم مع الأنميات

ملحوظه:reporter: :آنه قلبي قاسي وما في مره بجيت من شي عقب ماكبرت يعني عقب ماصار عمري 11 بس مادري على هاذا الأنيمي بجيت وعلى هالموقف.