ماقوى دلعها</SPAN>
شيخه و شيخها حلاها وخجلها *** ولاظنتي القى احد في حلاها
عز الله انه خاسرن من جهلها *** واللي عرفها زاد عنده غلاها
ماقوى دلعها واتحاشى زعلها *** وازعل جميع الناس وأكسب رضاها
الله خلقها بالحياة وجعلها *** اجمـل بنـات الـكون مـابه سواها
لاصار قلبي فالمحبه قبلها *** صـوابها يشبـه في عيني خـطاها
مـا دام قلبي بالمحبه كفلها *** والله لأعيش العمر كـله معــاهـا
اللي رفعها في خفوقي عملها *** انا شهد أنـها عالـيٍ مستواها
الله يعين اللي بغيابي سـألهـا *** جوابها للي سألها بكـاهـا
انا هـواها فالحياه وامـلها *** وانا لها المنية وغـايـة هـواها
وانا الذي في حبها ما خذلها *** تامر و تنهي كل شيء فداها
سلمتها روحي لها قبل أجلها *** والروح دايم تعشق اللي رعاها
يعني هي الدنيا بعيني واهلها *** الله يخليه ويسعد مسـاهـا
الشاعر ...جابر بن محمد المزيدي
