نظريه ثانيه بين عالم مسلم وعالم ملحد ( ادخلو القصه شيقه )
السالفه صارت من زمااااااااااااااان
انا ما اعرف ايش اسم العالم المسلم ولا اعرف اسم العالم الملحد .
المهم القصه كانت صايره فالعراق
كان فيه عالم ملحد ودايم يناضر علماء مسلمين ويغلبهم
وهذا العالم كان مؤمن بالنضريه السديميه ( الانفجار العظيم على قولتهم اللي بعديه تكون الكون ) يعني مافي الله والكون كله جا بالصدفه - استغفر الله - .
المهم ضل هذا الملحد ( ما احب اقول عنه عالم ) ينشر ارائه السامه بين المسلمين .
وفي يوم من الايام سمع بيه عالم مسلم وقرر انه يتصداله بطريقه يخليه يلجم لسانه طول عمره
فراح العالم المسلم للملحد وقاله انا ابي اناضرك وافق الملحد وهو فرحان وتفقو على موعد وقال المسلم ابي اشوفك الساعه 5 العصر في المنطقه الفلانيه .
وافق الملحد .
للعلم المنطقه اللي اتفقو عليها عشان تكون مكان للمناضره كانت على ضفة نهر دجله والعالم المسلم ساكن فالضفه الثانيه .
المه جا الموعد المحدد ووصل الملحد وضل ينتضر وينتضر
لكن العالم المسلم ماوصل
وتاخر والملحد ينتضر والناس مجتمعه .
التفت الملحد لحشود الناس وقاللهم : شوفو هذا عالمكم اللي شادين فيه الظهر حتى المواعيد مايقدر يوفي فيها .
المهم بعد فتره وصل العالم المسلم .
استقبله الملحد ببتسامه خبيثه وقاله : هاااااااه كيف تتاخر علي ولا خفت ؟
قال العالم المسلم لا ابد ماخفت بس انا لما وصلت لضفت النهر مالقيت ولا مركب يشيلني من الضفه اللي انا فيها ويوصلني للضفه الثانيه فضطريت اني اقعد تحت شجره ونتضر عل وعسى يرجع احد المراكب وياخذني
لكن في اثناء قعدتي ولا اشوفلك شجره تنقطع وطيح وتتقطع لاخشاب وتترتب وتجي حبال وتنربط عليها وتتحول لمركب وتنزل فالماي .
يكمل العالم المسلم : لما شفت هذا المنضر قمت وركبت القارب ووصلني لعندك .
صمت الملحد لبرهه ونفجر غاضب وقال للعالم المسلم : انت جاي تبرر ذنبك بعذر اقبح منه ؟
قال العالم المسلم : هذا اللي صير حقيقتا .
الملحد يقول : مستحيل يصير هالشي .
قال العالم المسلم : هذا اللي صار .
الملحد : مستحيل والف مستحيل .
قال العالم المسلم : متاكد انت انه هالشي مستحيل يصير ؟
قال الملحد : لو هذا الشي يصير كان ماسميت نفسي عالم .
قال العالم المسلم : اذا انته تستبعد انه شجره تطيح من نفسهها وتتقطع وتتحول لقارب كيف تقول انه هذا الكون بنضامه المتناهي الدقه وبكل الكائنات اللي فيه صار من لاشيئ ؟
كيف تقول انه الشمس والقمر والارض والحيوانات والبشر تكونو بالصدفه من دون خالق .
كيف تصدق انه كل هالخلق البديع صار بمحض صدفه وماتصدق انه شجره تحولت لقارب ؟
تسمر الملحد مكانه وعجز لسانه عن الرد وقامت الناس تهلل وتكبر فرحا بنصر العالم المسلم على الزنديق الملحد .
وبسسسسسسسسسسسس
ملاحظه : ادري انه في ناس سامعين هالحكايه من قبل بس انا اقولها للناس اللي ماسمعوها قبل .
