=-قصة منتدى البلي ستيشن*الجزء الثاني*-=

السلام عليكم:)

وأخيرا تمكنت من كتابت القصة وانشالله تنال إعجابكم..ولا تنسونا بالترشيح إذا اعجبتكم..;)

كااان يا مكااان...:أفكر:

قام الجنرال Boind بإرسال بعثات في جميع أنحاء منتدى البلي ستيشن للحصول على المعلومات الكافيه التي من خلالها تسهل عملية كتابة التقارير الضخمه والتي سوف يأخذ صاحبها جائزة المنتدى...
فالبعثة الرابعة عشر كانت متجهة من منتدى المغامرات إلى منتدى الآر بي جي...والتي كان كابتن طاقمها Squall 9 ومساعدي الكابتن Jak و (((Suikoden)))، أما الأفراد فكانوا خمسه هم Final Fantsay9 وهو الميكانيكي مسؤول عن مكنية الطيارة، و LEON وهو طباخ الطاقم <<---- لا يغركم ترا أعرف أطبخ خخخخ :jap006: ، و Meashary وهو المسؤول العام للطيارة، و Terry_88 كاتب صحفي مادري ليش ياي معانه، و The Last Fantasy هو الطبيب.
عندما كان Squall 9 يقود الطيارة ومساعده Jak يتلقى الإتصالات من Boind، جاءت عاصفه هائجة، قطعت الإتصال بين Jak و الجنرال Boind، الكل قام ينط على بعض بسبب الخوف لدرجة أنه بعض الطاقم قام يبجي <<-- ما ودنا نذكر أسماء ههههه :jap004: بعدها قام المساعد (((Suikoden))) ويهدي روع الطاقم، النتجيه ان الكابتن Squall 9 فقد السيطره على طائرة بسبب عطل في المحرك الأيمن <<-- أهم شي انه أيمن، مما أدى اذا ستدعاء المهندس FinalFantasy9 ليستكشف الأمر..المهم صاحبنه قال
( المحرك الأيمن دشت براغية على بعض) :jap020: ، لكن دون جدوى ...فهذه نهايه كل طياره تعطلت في الجو :jap046: ....سقطت الطائرة في منطقة بين منتدى المغامرات ومنتدى الآر بي جي، وهذه المنطقة بلا شك....منتدى الرعب <<--- مواهاهاها :jap043: .. الطاقم كله مغشي عليه...فصحى Meashary وكان وده يرد غشيان مره ثانيه لأن شاف طيارته مكسره جدامه..فصرخ بأعلى صوته (WHY) :jap053: ، وبسبب الصرخه صحى كل الطاقم..الحمدالله الكل على قيد الحياة، المهم راح LEON وقال حق مشاري واهوا يهدي اعصابه ( يبه ميخالف يت بالحديد ولا يت فينا كلنا) :jap039: ، عقبها الكل قام وطلعنا الخريطة وشافوا انه اهما في منتدى الرعب...المنتدى إلي يكثر فيه الوحوووش...The Last Fantasy قال ( إيييه رحنا فيها، ماكو تقرير مميز بعد اليوم)، وقاله FinalFantasy9 واهوا يهديه (لازم ما نستسلم..أنا عندي خريطة مناطق هالمنتدى وانشالله نوصل أقرب مدينه بأسرع وقت) :jap008: ، الكل تشجع وشد حيله وأيد فكرت FinalFantasy9، وقتها كان Squall9 و Jak فوق الطيارة المكسرة يطالعون بالمنظار من بعيد..والمفاجأه كانت (أوخ..يا شباب لحقوا لحقوا) :jap026:
الشباب كلهم اصعدوه فوق يناظرون من بعيد...ولا يحليلهم Dragon Slayer وعبرات الزمن يايين من بعيد معاهم واحد ماسك عصايا عليها جماجم..المهم ليمن دققوا عليه ولا طلع Chris رئيس منتدى الرعب..وشافوا ملامح Dragon Slayer وعبرات الزمن مو طبيعية..مبين عليهم الحزن. :jap031:
المهم Chris صارخ وقال ( تفضلوا انضموا مع هذولي)، Squall9 يظحك ويقول (شنو قاعد تقول؟) <<--- باعها الحبيب :jap017: ، عصب Chris ويطق عصايته بالأرض وفجأه يطلعون زومبيات..وقال (يا تمشون معاي كلكم ولا أخلي الزوامبي يتغدون عليكم) :jap024: ، Jak و Terry_88 ابلعوا العافية وقالوا (واذا يينه معاك شنو راح تسوي فينا؟) :jap018: ، سكت Chris وقال (أنتو شكلكم ما تسمعون الكلام)، LEON و The Last Fantasy يتساسرون يقولون (شرايك ننحاش عنهم) :jap001: ، الظاهر سمعنا Meashary و طقنا على أفانا ، سألنا عبرات و Dragon Slayer (شنو إلي يايبكم اهني؟) قالوا ( ولا شي كنا بنكتب تقرير عن لعبة Silent hill 4 و ناخذ كم خبر عن العاب رعب وصادنا Chris) ، الطاقم كله شاف إنه السالفه مافيها فايده وراحوا مكبدين بالسلاسل مع Chris، بالطريق (((Suikoden))) زعل وقال (لو قاعد بمنتدى الآر بي جي أحسن لي من هالرحلة)، وMeashary قال ( والله زمن..طيارتي عشر سنين شحليلها والحين صارت حديد مسكرب...والفضل يعود حق الكابتن وأصدقاءه) Squall9 و Jak و (((Suikoden))) يطالعون Meashary من طرف خشومهم، وطبعا LEON و Dragon Slayer فاظيين لأنهم قاعدين يتكلمون عن لعبة Namco X Capcom، أما الباجي Terry_88 و FinalFantasy9 و The Last Fantasy وعبرات فالظاهر كان شاغل بالهم الأكل لأنهم مسوين رجيم فيزيائي، ويسمعنا Chris نقرق وايد فالظاهر عصب وقال (ناس مامنكم فايده بس حق القرقر)، عندها فجأه ظهر Boind من مادري وين، وكل الفريق إستانس وخاصة Squall9 قام يناطط من الفرحة، المهم صارت المواجهه بين Boind و Chris، قال Boind ( شفيك على ربعي يا Chris) ، رد عليه ( وخر عني لأني مو فاضي بروح المدينه )، Boind الظاهر عصب قام وسوا (Haduken )، كلش قربت يم Chris ولا فجأه ظهر Calgary_dude وسوه Reflect حق حركة Boind، قال Chris ( ييت في الوقت المناسب Calgary_dude )، رد عليه ( أفا عليك...انا ما أيي إلا بالأوقات الصعبة )، المهم الفريق المربط بالسلاسل مبطل حلجة وناطرين Boind ينقذهم، Calgary_dude خبير بلاك ماجيك Black magic فسوى حركة طيرت كل الMP إلي عند Boind. :jap009:
استغرب Boind من قوة Calgary_dude، وقام Chris وسوا حركة ثنائيه معاه مما أدى إلى تسمم وشلل مؤقت لBoind، الفريق شوي ويبجي ليمن شافوا الجنرال على هالحال هههههه، المهم اربطوا الجنرال Boind مع الفريق بالسلاسل، Boind من كثر ماهو منحرج قام يوزع ابتسامات على الفريق :jap004: ، والفريق يظحكله بكل برود <<--- ههههه :jap040: ، المهم Chris عطى Calgary_dude هدية عبارة عن نمسيس صغير.

يــــتــــبــــع..

بعد نص ساعه تقريبا من المشي...وصلنا المدينة...ولا المدينة كلها زامبيات وزوامبي <<-- زوامبي ذكر وزامبيات أنثى :ds013: ، و طيور عندهم قرون، وخفافيش، المهم

كل انواع الوحوش موجوده اهناك :jap026: ..Terry_88 صحفي فشاف هالمنظر استانس وقام ياخذ جم صورة لكي يكتب مقاله عن منتدى الرعب، المهم وصلنا عند بوابة القصر...القصر <<--- طبعا موزين تشوفه يظيق خلقك ههههه :ds019: ، حارس البوابة ماعنده راس بس جسم وشكبره، ومعاه عزكم الله كلب له 3 رؤوس، اي صج نسيت أقولكم لقينه دانتي مال ديفل ماي كراي وسلمنه عليه وصورنه معاه :jap042: ...حتى الصحفي Terry_88 استانس وخذا جم صورة حق دانتي عشان يكتب عنه مقاله، المهم دخلنا بالقصر ورحنا القاعة إلي فيها كرسي الملك...جلس Chris وكان يبي يستمتع شوي :jap049: ...فقال حق Calgary_dude ينادي واحد من الحرس ويعدمنا واحد واحد <<--- ليش هالعنف عاد شسوينا احنا؟؟ :jap033: ، المهم إحنا تصرقعنا ماندري شنقول..بلعنا العافية ههههه، و وقع الاختيار على Dragon Slayer، أول واحد ينعدم منا ، المهم سلمنا عليه وودعنا، ومن كثر التأثير على FinalFantasy9 بالغلط قال حق Dragon Slayer (تروح وترد بالسلامه) :jap010: ، المهم طوفناله وراح Dragon Slayer مع الجندي عشان يعدمه جدام الملك Chris وجدامنا، رفع الجندي سيفه عشان بيعدم رفيجنا..ولا فجأه..هيليكوبتر تقتحم القصر من فوق ، وينزلون منها ربعنا Paper Cut و Soliden و راشـratchetـيت <<--- حتى بالقصة الأولى إنقذونا تذكرون؟؟ :jap004: ، المهم Soliden رفس الجندي ومسك Calgary_dude وحط المسدس على راسه ويهدد Chris ويقوله ( فك قيد ربعي ولا أفجر بالقصر الحين) <<--- دايما شخصية قوية Soliden :jap017: ، المهم Chris ماعنده حل إلا أن يفك قيدنا، أخذ Paper cut المفتاح وفك قيدنا..وصعدنا الهيليكوبتر إلي كان ملك الريح يسوقها ونحشنا، سألناهم (اشلون عرفتوا انه احنا اهني)؟؟ جاوبوا (الجنرال Boind كان على إتصال معانا وقالنا عن كل شي) ، الفريق كله استغرب...وتسائلوا ليش Boind ما قالنا؟ قالهم (أنا كنت بخليها مفاجأة لكم..واخاف أقولكم ننفظح ونروح فيها) :jap011: ، المهم شوي ولا نشوف طيارات منتدى الرعب لاحقينا، عبرات تصارخ تقول حق ملك الريح (طيارات حربية تتطاردنا)، وLEON طل من الشباك ولا يمر يم راسه صاروخ <<--- بغيت أروح فيها خخخخخ :jap022: ، ملك الريح عصب ويدوس فينا حد العداد Meashary و The last Fantasy و Jak يطلعون البازوكه ويرمون الطيارات إلي ورانا، والآخرين قاعدين يتصلون بالقيادة العليا لمنتدى الآر بي جي، Jak أصاب طيارة وحده وفجرها <<-- تعجبني، Meashary تعب واهوا يرمي وعطا البازوكة حق (((Suikoden))) <<-- لا تتصورون شكثر استانس :jap001: ، وبكل فن..دمر The last fantasy الطيارة الثانية، وشوي ولا الطيارة الثالثة ترمي مركبتنا مما أدى إلى اصابة Squall9 والمركبة، طبيبنا The last Fantasy قام ويحاول يعالج Squall9، لكن النزيف اشتد..عجز الطبيب The last fantasy عن علاجه، و Squall9 يقوله ( بعرف ليش حاطينك دكتور؟؟) :jap053: <<--
ههه مسكين من القهر قام يهاوش الدكتور :jap006: ، عبرات الزمن شافت Squall9 على هالحال فقامت وتذكرت بعض انواع السحر الأبيض White Magic، سوت السحر والحمدالله زادت طاقة Squall9...وبعد زاد لفله، المهم الطيارة ليلحين ورانا والحمدالله جدامنا طيارات قيادة منتدى الآر بي جي للمسانده :jap038: ، الكل استبشر ودخلنا حدود منتدى الآر بي جي، والحمدالله التقرير كان بحوزتنا يعني ان شاء الله راح يكون الأول على منتدى البلي ستيشن، طبعا الشكر حق جنرالنا Boind لأن اهوا الذي أنقذنا من هالورطه إلي كنا فيها ورجعنا حق منتدانا الحبيب.. :jap050:

هذه كانت قصة منتدى البلي ستيشن وان شاء الله قد نالت اعجابكم....وارجوا ألا تبخلوا علينا بالردود والمشاركات والتصويت



تـــحـــيــــاتــــي :ciao: :ciao:

كوووووول .. يليتها كانت أطول .. استانست بقرايتها جدا جدا .. :biggthump

ليون بقترح عليك اقتراح راح يكون متعب لك و مسلي لنا جميعًا << :jap001:

شو رايك في الجزء الثالث << على باله بيكون موجود في كل جزء :jap004: ..

تصمم صور :jap038: .. ، .. يس .. صور :biggthump تصممها بالفوتو و تحطها كتوضيح

و اثارة تضيفها للقصة .. صدقني فكرة كول .. بس صعب تنفيذها :jap052:

اقتباس:

---

المشاركة الأصلية كتبت بواسطة LE0N

(((Suikoden))) <<-- لا تتصورون شكثر استانس :jap006:

---

كيف عرفت ؟ خخخخ :D ..

نايس ليون :biggthump لا تحرمنا من جديدك :D .. جاري التصويت يا مبدع .. :)

":wave:SuIkOdEn:wave:"

هع .. :31:

ما يصير اصوتلك أكثر من مرة أعتقد :06:

لأني كل ما احاول ما يصير .. :33: .. على العموم .. You Are Kooool :biggthump

":wave:SuIkOdEn:wave:"

تسلم سوكو على مرورك ومشكور على محاولتك للتصويت :)

اقتراحك حلو انا فكرت فيها وان شاء الله تكون خطة عشان أسوي اسلوب قصصي مشوق ;)

لا تحرمنا من ردودك القادمة عزيزي سوكو :)

تــــحـــيــــاتــــي :ciao: :ciao:

انت :biggthump والقصة :biggthump واللي كان راح يعدموه :biggthump

لا تحرمنا من جديدك :09:

سلايير والله انت ال:biggthump

تسلم على مرورك وعلى تصويتك...تصويتك زادلي نقطة خضرة ;)

أشكرك صديقي العزيز وان شاء الله اعجبتك القصة :)

تـــحـــيــــاتــــي :ciao: :ciao:

حلووووووووووووووووووه تسلم على القصه العجيبه :D اخوي ليون و ننتظر الجزء الثالث و ابشر بالترشيح :biggthump

أمحق دكتور .. :09: .. بس يالله .. يعطيك العافية أسدنا ^_^ .. وسعت صدورنا شوي .. :D

موضوع رائع و قصة رائعة و عضو أروع تستاهل على ذلك ترشيحة :biggthump

مشكور اخوي ليون على القصة

وانا قاعد اقراه القصة عورني بطني من كثره الضحك

وابشر الترشيح مني

Jak

تسلم يا بطل على مرورك ومشكووور على ترشيحك مراقبي العزيز ولا تنسانا بالمشاركات القادمه ;)

The last Fantasy

خخخخخخ شكلك عندك نية بتصير دكتور :09: ..إن شا الله ليش لأ... :أفكر: وتسلم على مرورك :D

@عاشقPS2@

مشكوور وانت الرائع واعذرنا لأن ما ذكرناك بالقصه :)

The Rock Is The Best For Ever

يعطيك العافية على مرورك يا حبوب وأسف اذا ما ذكرتك بالقصة أخوي العزيز :)

تـــحـــيــــاتــــي :ciao: :ciao:

:: مـــراحـب ::

تســـلم والله على القصة الجميــلة روعــة تذبح من الضحك وكمان الأعضاء المرة هذي أكثر

بس عارف ما طلعنا منها ببلاش أخذنا صورة مع دانتي >> الناس رايحة تموت وإحنا ناخذ صور ^ـ^

وكمان قدرت أعمل white magic >> ولا أحــلى :biggthump

بالتوفيق دوما" :ciao:

أهلين عبرات..:)

حياج الله في موضوعي المتواضع وان شاء الله يكون قد نال اعجابج..;)

لا تنسينا بمشاركاتج القادمه وإلي تطيب القلب..:)

تــــحــــيــــاتــــي :ciao: :ciao:

والله أنه عيوني قامت تدمع من الضحك

عليك أفكار مو طبيعية وما تخطر ببال أحد

وعندك تأثر مو طبيعي بالآر بي جي


ليون والله أنك تعجبني بالقوة .... ليش ما تشارك في منتدى الصرقعة يومين وبتصير مراقب هناك