يوم السبت 12/7/1422هـ لعبت لويجي مانشن و و و و...ادخلوا وشوفو التقرير

هلا والله شباب اول شيء حبيت اقولكم انه من خلال تجربتي للويجي مانشن حسيت اني في عالم ثاني مليئ بالتشويق والأثاره..
ابقولكم كل الي لعبته وشفته ، حبيت اقولكم ان يد التحكم رهيييييبه..
اول ماشغلت الجيم كيوب تجي علامته الحلوه يجي مربع ويكتب جيم كيوب ثم يجي في الوسط بعدين ماتقعد الا ثلاث ثوان وتجي اللعبه press star. قبل ماابدا القصه ابقولكم الأزرار..
A ينادي ماريو التحدث مع الناس...
B يطفي الكشاف يلغي بعض الأشياء..
Y يطلع الجيم بوي كالور...
R_L يطلع المكنسه..
والأزرار الثانيه عصا التحكم والي يحرك المكنسه والكشاف و و بتعرفها بنفسك...
الحين ابتدي قصة لويجي مانشن بسم الله ، اول ماتدخل القصر تلقى ثلاث بيبان الأول تحت حوله شيء مادري وشو بس اذا لمسته يتعور لويجي وفوق في بابين كلهم مقفلين اذا ضغطت A عند البيبان المقفله يحاول لويجي فتح الباب ثم يحاول بقوه ولايقدر ، بعدين انزل تحت بتلقى مفتاح يدور ثم بيطيح تاخذه ثم ترقى فوق وتفتح الباب الي في نهاية الدرج،اذا فتحت الباب يجي عرض لويجي يمشي خائف وفجئه يجي شبح قدام وجهه (انا انفجعت صدق) بعدين يجي العالم الي يشبه كونان يحاول يسحب الشبح بالمكنسه ويفشل في اصدياده ، بعدين تطلع أشباح كثير وينحاش لويجي مع العالم ابو نظارات وبعدها تلقى نفسك في مختبر العالم ثم يكلمك كلام كثير(الكلام ياباني مافمت شيء)المهم بتجيك ثلاث اختيارات اختر اول واحد ثم بيعطيك المكنسه ثم بتروح مكان تدريب يدربك العالم عن الكشاف والمكنسه و و والخ...اذا خلصت بتلقى نفسك في مكان مافيه الا بابين(انصحك لاتدخل ولا واحد مافي جواها شيء مفيد) بتدخل بتلقى جدار ملون ازرق واحمر منتب لاقي شيء اطلع بتلقى العالم واقف كلمه واختر الخيار..والله نسيته بس جرب انت،المهم اذا اخترت الخيار الصح بيطلعك وبترجع للأول مكان وبتلقى تود يبكي تكلمه ويقولك شيء ويسكت رح للباب الي جاك في العرض حق الشبح ، بتلقى الشبح يطلعلك كل مايروح اذا بغيت توخره وجه الكشاف عليه اذا بغيت تموته علشان تطلع من هذي المهزله وجه الكشاف بتلقى قوته 10 قبل مايختفي وبسرعه شغل المكنسه عليه ثم بيحاول يفلت منك تبي طريقة اصدياده:اذا انحاش فوق اضغط تحت واذا راح يمين رح يسار يعني عاكسه..

انا ودي شباب اكملكم القصه بس انا وصلت بعيد وماقدر اقولكم كل هذا طويييييييل مره،العبوها بنفسكم وتشوفون..















صديقكمwario2002 ":"

أشكرك أخ واريو2002 .. على هذا التقرير وأرجوا
انك تكمل التقرير تدري كلنا متحمسين للتقرير
عن اي لعبه على الكيوب وخصوصا (لويجي)
لأن هاذي العبه فضيعه بمجرد الصور تحس
انى نينتندو تاعبانين عليها...وشكرا مرة ثانية

اذا كذا كنتم متحمسين اجل ابكمل..
وين وصلنا ايه وصلنا لطريقة اصدياد الأشباح اذا صدته بيولع النور بعدين بيظهر صندوق اضغط عنده A علشان تفتحه وبتلقى جواه مفتاح..
ملاحظه:اذا خذت اي مفتاح بيعلمك الجيم بوي كالر وين الباب الي ينفتح بالمفتاح الي خذته..
المهم نكمل هذا مفتاح الغرفه الثانيه المقفله اذا فتحتها بتلقى الدنيا ظلمه طبعا بيكون الكشاف مولع بتشوف زين بعدين يطلعولك أشباح طلع المكنسه واشفطهم (من بين هذولي الأشباح شبح بنفسجي سريع) بيولع النور ثم بيطلعلك صندوق افتحه وبتلقى مفتاح اطلع مع باب الغرفه الي انت فيها بتلقى بيبان كثير حولي 7 خلهم امش قدام بتلقى باب افتحه جواه تود يصيح مره ثانيه كلمه واقرا الكتاب الي معه ثم بيسكت ، اطلع مع الباب وارجع للبيبان السبعه ورح اول باب فوق تلقاه في نهاية طريق الرجعه ادخله بتلقى كرسي يهز ، وكتاب كل دقيقه يطير ويحاول يضربك المهم الكرسي الهزاز اذا طالعته ماتلقى شيء بس لف وجهك بيطلع شبح ازرق مشيب قاعد يقرا كتاب ، حاول تقرب منه او تنظر اليه او تشفطه بالمكنسه ، ماتقدر صح انا اعلمك الطريقه لف وجهك علشان يطلع بعدين انتظر شوي فجأه بيثاوب اول مايثاوب لف وجهك عليه وحط المكنسه واسحبه الين يموت ، ترى طاقاته 100 اذا مات بتلقى صندوق امامك افتحه بتلقى مفتاح خذه ، وبتلقى بلورات طايحه من جسمه وقت المكنسه اليوم تشفطه ، الحين اطلع من الغرفه ورح آخر غرفه على اليمين وافتحها بالمفتاح بتلقى سرير وستاره اذا ناظرت بره بتلقى تود المهم بتلقى حرمه قاعده تمشط شعرها نفس طريقة الشبح الأزرق الشايب ، لازم تلف وجهك ولا تطالعها علشان تظهر ، رح نهاية الستاره من جهة اليمين وحط المكنسه واشفط الستاره بعدين بتنفتح ويجي هواء ، بتقوم الحرمه الشبح وتصك الستاره في هذا الوقت وجه الكشاف نحوها وحط المكنسه واسحبها ليييييييين تشفطها وبيطلعلك صندوق افتحه وخذ المفتاح الي جواه ، هذا المفتاح يفتح باب من السبع بيبان المهم ادخل الباب بتلقى شبح طفل يطير فوق سريره وبتلقى كوره اسحبها بالمكنسه لأخر حد ، ماتقدر تدخلها جو المكنسه علشان كذا يمديك ترميها ارمها على البزر وبيقوم ، اذا قام بيخلي الدببه(العاب مب صدق)تتحرك وتهاجمك اسحب الكوره لآخر حد وارمها على البزر بيتعور وبتاخذ مفتاح بعدين بيجي عرض تلقى نفسك في مكان كبييييير ووسيييييع تدري وشو هذا المكان هذا سرير البزر انت جواه وراح يصبح حجمك صغيييييير جدا والطفل عملاق..


انا وصلت الين هذا المكان وجاني راعي المحل وقالي خلص الوقت(كنت العبه في محل كمبيوتر) وانا طالع قاعد اتخيل اني شاري جيم كيوب وواصل لذا المكان وهازم الطفل عندما يصبح عملاق...

في شهر رمضان المبارك وبأذن الله راح أشتري الجيم كيوب مع ألعابه التي ليس لها مــــثــــــيــــــــــل ابـــــــــــــــوي قــــــــــــالـــــــــي أبـــــــــــــــشــــــــر
من عــــيـــونـــي هـــذي :واو: الـــيييين عيـــــــونــــــــــي هـــذي:أفكر: ...

قولو آآآآآآمين شباب ثم قالو الشباب: آآآآآآآآآمييييييييييين ثم قلت انا يارب الــــــــــــــــــعــــــــــــــــالــــــــــــــــــمــــــــــــــــــــيــــــــــــــــــــن وشكرا...






":" صديقكمwario2002 ":"

أشكرك اخ واريو ألف شكر على مجهودك وعلى التقرير الشامل والمفصل.....
.
.
وأنا بعد أنشالله باخذ الكيوب بعطله نصف السنة....يعني ورا عيد الفطر
...... علشان أكون قابظ بيزات :D


وأنا باخذ الأمريكي طبعا :D وأنشالله نبي تقرير منك لما تشتري الكيوب
طبعا راح يكون التقرير أطول بكثيير ":"




وشكرا.........

انشاء الله وعلى عيني وراسيو(خشمي)..
انا ماقلت ابشتريه في شهر رمضان الا علشاني داري انه بينزل فيذا الشهر علشان يوم السبت 12/7/1422هـ سألت راعي المحل وقالي بينزل بعد شهرين...
الله يسهلها لنا..






":" صديقكمwario2002 ":"