بسم الله الرحمن الرحيم
الحمد لله والصلاة والسلام على محمد رسول الله
نفسك تعيش مع القرآن
واحنا بنقرأ القرآن فى آيات كتير بنقف معاها دقايق ويمكن ساعات ويمكن تفضل فى بالنا أيام
طيب ...
أزاى نقدر نحس بآيات القرآن ونعيش فى معانيه ....
طبعا معظمنا صلى فى رمضان وفى غير رمضان وبيلاقى ناس بتبكى بشدة...
فبيكون رد الفعل حاجة من تلاته :
1- إنه يكون فعلا حاسس بنفس اللى الناس دى حساه وتملأ الدموع عينيه.
2- يكون نفسه يبكى بس مش قادر فيبكى على إنه مش عارف يبكى.
3- أن يكون قلبه قد قسا فأصبح كالحجارة أو أشد قسوة .
طيب ازاى ممكن نحس بالقرآن حتى لو مكانش الإيمان فى قلوبنا وصل للدرجة اللى نقدر نعيش بقلوبنا فعلا مع القرآن ...
كلنا ارتكب ذنوب ومعاصى كبرت او صغرت كثرت أو قلت
وكل معصيه من المعاصى دى بتعمل حاجز على القلب يمنع دخول نور القرآن الى المستقبلات الحسيه القلبيه
طيب وازاى نتخلص من الحاجز ده
ده بيختلف بحسب قوة الحاجز وللتوضيح هنضرب مثل صغير
لو فى صخرة كبيرة وسدت طريقك هتعمل ايه
هتجيب شاكوش وتفضل تضرب فيها 5أو6 مرات أو أكتر لغاية متكسر
طيب لكسر الحاجز ده بفرض انه جامد جدا
الحل تفضل تكرر الآيه 10 أو15 مرة لغاية ميبدأ الحاجز فى التشقق ويبدأنور القرآن فى التسرب لقلبك
وممكن يكون النور من القوة بحيث يكسر الحاجز تماما ويذهب بلا رجعه
وياما فى قصص لناس تابوا على آيه منهم مثلا
الإمام الزاهد الفضيل ابن عياض
كان قبل توبته يسرق الغسيل من أسطح المنازل ....متخيل كان ازاى
وفى ليله من الليالى وهو على أسطح أحد المنازل كان هناك من يقوم الليل ويقرأبصوت مسموع
[/q]ألم يأن للذين آمنوا أن تخشع قلوبهم لذكر الله [q]
وكررها هذا الرجل غير مرة حتى قال الفضيل بل آن يارب ... بل آن يارب .... بل آن يارب
دى نصيحة بسيطة فى السبيل للتدبر
وطبعا فى حاجات تانيه كتير ياريت أى حد عنده علم بيها يفيدنا بيها
منها مثلا :
1-تقليل الانشغال ومتكونش مشغول وقت القراءة او الاستماع الا بالقرآن
2- محاولة الاستماع بقلبك ومتكنش القراءة أو الاستماع خطف كده.
3-المحافظه على الورد اليومى من القرآن ولو حتى ربع صفحة يوميا .
4- قراءة التفسير للآيات قبل البدء فى القراءة حتى تكون واعيا بمعنى الآيات.
5- البدء بحفظ القرآن.
كده الموضوع طول أوى
طيب نختم بآية للتدبر نعيش معاها الليله والآيه قد سبق ذكرها
سورة الحديد-آيه 16
[/q]ألم يأن للذين آمنوا أن تخشع قلوبهم لذكر الله ومانزل من الحق ولا يكونوا كالذين أوتوا الكتب من قبل فطال عليهم الأمد فقست قلوبهم وكثير منهم فاسقون[q]
ياريت أى حد حس قلبه بمعانى فى الآيه دى يكتبها علشان نعيشها كلنا ان شاء الله
ولاكتمال الفائده... فى محاضرة رائعة جدا جدا جدا عن فضل القرآن ان شاء الله بعد سماعها
هتلاقى قلبك عايش مع القرآن
وهى للدكتور حازم شومان
للحفظ
http://www.way2allah.com/modules.php?name=DrHazem&op=getit&khid=78&part=1
للاستماع
http://www.way2allah.com/modules.php?name=DrHazem&op=listen&khid=78&part=1
