موضوع عن Battlefield 2 + COOP MOD v 3.0

السلام عليكم :)

كثير من الأعضاء يبغون طريقه يقدرون يلعبون فيها اونلاين مع اصحابهم و مع الكمبيوتر في نفس الوقت :D. نقدر نسوي هذا الشئ من خلال الـ COOP MOD v 3.0 و راح اشرح الطريقه بالتفصيل الممل


COOP MOD: هو عباره عن تعديل على اللعبه تضيفها بأحد المجلدات و تلعب بالتعديل هذا :)
موقع المود: http://users.on.net/~codebasher/ (الاصدار المتوفر الان هو الاصدار الثالث)

و تستطيع تحميل المود من الرابط اعلاه (مايبغى لها شرح :06: )

بعد تحميل المود من الموقع..
1- فك ضغط اللعبه بأي مكان ... راح تحصل على ملف zip ثاني :bigeyes: ...
2- الملف الـ zip الثاني فك ضغطه بأي مكان... راح تحصل على مجلد (Folder) اسمه COOP_3.0
3- انسخه (Copy) و حطه بهذا المجلد (Folder)
C:\Program Files\EA GAMES\Battlefield 2\mods
يعني راح يكون مسار التعديل بهذا الشكل
C:\Program Files\EA GAMES\Battlefield 2\mods\COOP_3.0

(اتبع مسار اللعبه اللي عندك.. لا أحد يجي و يقول مالقيت اللعبه بنفس المسار حقك :31: )

4- الحين تلقى ملف داخل مجلد التعديل و اسمه INSTALL و هو عباره عن ملف bat .. دبل كليك عليه و خله يشتغل على راحته
5- الحين اللعبه جاهزه بالتعديل و اللي يهمنا ملف فقط اسمه RUN_BF2 و هو عباره عن ملف bat.. دبل كليك عليه و راح يشتغل التعديل بوسط اللعبه لكن Single Player (لييييييييييييه انا اقول كذا؟!؟!؟ انا بس ابغاكم تعرفون ان مافي مشاكل بالتعديل او باللعبه قبل ما تدخلون على مشاكل الـ Multi Players)
6- اللعبه تشتغل بدون مشاكل و لا تعليق و لا يحزنون؟!؟! انتقل للخطوه رقم 7
7- الحين نبدا بشغل الملتي بلير .. في عده ملفات تبدا بـ DED_Server_XXX (الـ XXX = اسم الخريطه)
8- دبل كليك عليه و راح تشغل السيرفر بالتعديل (كل شئ افتراضي) او تبغى شئ اسهل؟؟؟ اذا تبغى شئ اسهل انتقل للخطوه 9
9- في برنامج بسيط اسمه coopserv و هذا يخلي ايامك حلوه و ايام السيرفر احلى :biggthump (تلقاه بالمرفقات).. نزله من المرفقات و استخدمه .. طبعاً اول ما تشغل البرنامج.. لازم تحدد مسار السيرفر حقك (تلقاه بنفس مجلد اللعبه الرئيسي.. اختاره و بعدين اختار المود اللي تبغى تشغل السيرفر و تشغله و اختار الخريطه و اضغط موافق و راح يشتغل السيرفر بشكل افتراضي)
10- الحين صاحب السيرفر يبغى يضيف خرايط متتاليه او يبغى يغير اسم السيرفر او او او او .. هذي بعدين
11- طيب السيرفر شغال و ينتظر لاعبين .. تك تك تك تك (دقات الساعه و ما احد جاء :vereymad: )
12- الحل هو: في برنامج اسمه bf2go (موجود بالمرفقات) و هذا تقدر تدخل على السيرفر على طول (يعني تلقى نفسك بوسط الحرب و تموت على طول :D ) ... كيف نستخدم هذا البرنامج الحلو؟؟؟ دبل كليك عليه و نحدد مسار اللعبه (روح لمجلد اللعبه و اختار الملف التشغيلي لها) (راح تشوف ملف واحد فقط)
13- اختار المود اللي راح تلعب فيه و اسمه COOP_3.0 (لازم السيرفر و الكلاينت يستخدمون نفس المود)
14- اكتب رقم الـ IP للسيرفر و غير البورت (اذا صاحب السيرفر مغير البورت == انت لازم تغير .. و اذا صاحب السيرفر ما غير شئ .. انت لا تغير شئ)
15- اضغط Lunch و راح تلقى نفسك بوسط اللعبه


الحين كل شئ للمبتدئين تمام .. طيب بيجي واحد خبير و يبغى يتعبث بالملفات
يقدر يروح لمجلد المود (التعديل) و يروح على مجلد اسمه AI و بعدين يلقى ملف اسمه aidefault.AI.. هذا يتحكم بعدد الكمبيوترات و ذكائهم و الخ.. (هذا بس لصاحب السيرفر)

و يقدر يدخل على مجلد اسمه Setting و يتعبث بخصائص السيرفر من الالف الى الياء ..
** صاحب المود يقول ان احسن عدد تلعب مع الكمبيوترات هو 32 .. اعلى من هذا الرقم يمكن راح يسبب مشاكل و تعليق (انا مشغل السيرفر على 24 و العيال حوالي من 6 - 8 .. يعني يصير العدد 32 و السيرفر شغال بدون مشاكل)

** مشكله بسيطه و هي اني حاولت اخلي السيرفر يشغل اكثر من خريطه لكن ما ضبط معاي !!! يعني يا اصحاب السيرفرات شغل Map with 3 rounds .. ما تخلص اللفه الثالثه على الخريطه .. راح يعلق السيرفر و يعيد تشغيل نفسه .. انت الحين وش تسوي؟؟ تطفيه و تختار خريطه ثانيه و تشغله و تكملون لعب :) :) :)


الشرح واضح و بسيط و انا كتبت شرح بالانجليزي للناس اللي لغتهم العربيه ضعيفه :wow:

هذا الشرح لتركيب المود + اللعب كـ كلاينت (صاحب السيرفر يشوف شغله بنفسه :sad2: )

INSTALLATION
============

******************************
NO NEED FOR BattleLAN ANY MORE
******************************

1. Unzip COOP_3.0.zip into your {bf2 dir}\Mods\ directory
so a dir listing of \MODS\ should see...

\mods\
\mods\BF2\
\mods\coop_3.0\

2. Run INSTALL.BAT located in the {bf2 dir}\mods\COOP_3.0\ directory to complete installation.

3. Run PF2GO

a. Click on "Find" button
b. Go to BF2 root folder
c. Select BF2.exe from that folder
d. Select check box "Mod" and select "COOP_3.0"
e. Select check box "Join" and enter IP server
f. Select check box "Name" and write your nick name
g. hit "Launch".

***
If you dont have an Online Account and just want to play on a LAN server: Click "back" when BF2 asks you to agree to their licence and choose your offline account, you will be connected to the server instantly.
***



Dr_MjNoOoN

أي سؤال الموجودين حاضرين (انا يمكن ارد و يمكن لا)


و بالتووووفيق


اخيراً في مود بطططططططططططططران نزل قبل يومين و مسوي تعديل رهيب على اللعبه لكن ماعرفت اضبطه مع الـ COOP mod :vereymad:

×_× ماابغى احطمك ! مافهمت شيئ ×_× كل شيئ واضح الى الخطوه 5 بعدها فحطت ^_^

على العموم بحاول افكر فيها شوي ^_^ راسي ناشف في الظهر ×_× صيف الرياض احلى :p

تقريبا مشت اموري ^_^ يعني شغلت البرنامج وطلع لي المسار وحطيته وطلعت الخرائط ! الحين اسئلتي
الاجهزه الباقيه وش احط فيها ×_×؟ هل احط فيها برنامج BF2GO عشان يقدرون يخشون علي ؟ والا وش فائدته بالضبط ^_^ وهل انا محتاج البرنامج هذا اذا انا سيرفر ؟

غير كذا ماقدرت اتحكم بعدد الكمبيوترات ! يعني مثلا عددنا 3 اشخاص وابغى العب في خارطه 32 ! يعني ناقصنا 29 لاعب ! ابغى اخلي عدد الكمبيوتر 29 ! كيف ؟

ومشكور على الشرح ^_^ لو انا مشرف ثبته في كل الاقسام ^_^

اقتباس:

---

المشاركة الأصلية كتبت بواسطة amajed

×_× ماابغى احطمك ! مافهمت شيئ ×_× كل شيئ واضح الى الخطوه 5 بعدها فحطت ^_^

على العموم بحاول افكر فيها شوي ^_^ راسي ناشف في الظهر ×_× صيف الرياض احلى :p

---

عادي .. انا ما اعرف اشرح اصلاً :D

<< لو يصير مدرس .. كل الطلاب راح ينتحرون :D

الحين بأرد عليك حبه حبه

اقتباس:

---

تقريبا مشت اموري ^_^ يعني شغلت البرنامج وطلع لي المسار وحطيته وطلعت الخرائط ! الحين اسئلتي

---

انت شغلت السيرفر من خلال البرنامج coopserv؟؟ اذا ايه .. تمام عليك ... ما بقى اللا الاجهزه الثانيه

اقتباس:

---

الاجهزه الباقيه وش احط فيها ×_×؟ هل احط فيها برنامج BF2GO عشان يقدرون يخشون علي ؟ والا وش فائدته بالضبط ^_^ وهل انا محتاج البرنامج هذا اذا انا سيرفر ؟

---

الاجهزه الثانيه تحط فيها برنامج bf2go عشان يدخلون على السيرفر (وظيفه البرنامج هو دخول اللاعب بوسط اللعبه)

اقتباس:

---

غير كذا ماقدرت اتحكم بعدد الكمبيوترات ! يعني مثلا عددنا 3 اشخاص وابغى العب في خارطه 32 ! يعني ناقصنا 29 لاعب ! ابغى اخلي عدد الكمبيوتر 29 ! كيف ؟

---

انا قلت بالموضوع أنك ما تقدر تتحكم بالسيرفر اللا من خلال ملف من وسط مجلد المود (ناظر اخر شئ بالموضوع حقي).
ثاني شئ: الخرايط كلها 32 .. ما تقدر تخليها 16 أو 64 لاعب (بس تقدر تعدل عدد اللاعبين)
ثالث شئ: عدد الكمبيوتر هو 32 (يجي كذا مع الملفات) و انتم تدخلون معاهم .. يعني يصير عددكم 35 لاعب
رابع شئ: تبغى تعدل عدد الكمبيوتر .. راجع الموضوع الاصلي و انا كتبت اسم الملف اللي تعدل عليه :)

اخوي كل شيئ عرفته تقريبا !
لكن الي يخلي اللعب بارد هو لما تنتهي اللعبه ! وتبغى تلعب مره ثانيه ×_× لازم كل الاجهزة تطفى اللعبه فيها بعدين يشغلون BF2GO مره ثانيه ×_× والله شغله ! مااقدر اسوي شيئ في هالحاله ×_×؟

ومشكووووووووور بصراحه اللعب صار خطيييييييير ^_^

انت كذا :biggthump !

الله يرضى عليك دكتور مجنون ، ما قصرت والله .. ولو اني ما اعرفك ولا كان قلت انك واحد من مصممي اللعبة !! :D

وبانتظار طريقة المود البطران حقك ونتايجه وياك ! :05:

تحياتي لك ، ونخدمك بالافراح ان شاء الله ;)

السلالالالالالالالالالالالالام عليكم :)

اقتباس:

---

المشاركة الأصلية كتبت بواسطة amajed

اخوي كل شيئ عرفته تقريبا !
لكن الي يخلي اللعب بارد هو لما تنتهي اللعبه ! وتبغى تلعب مره ثانيه ×_× لازم كل الاجهزة تطفى اللعبه فيها بعدين يشغلون BF2GO مره ثانيه ×_× والله شغله ! مااقدر اسوي شيئ في هالحاله ×_×؟

ومشكووووووووور بصراحه اللعب صار خطيييييييير ^_^

---

نفس المشكله عندنا و تراها ممله اذا كل ليله تسويها :02:
لكن و أنا اقرا ردك .. تذكرت شئ و ان شاء الله تكون فكره جيده .. باشوفها و ارد عليكم بأقرب وقت :06:

اقتباس:

---

المشاركة الأصلية كتبت بواسطة وناسة

انت كذا :biggthump !

الله يرضى عليك دكتور مجنون ، ما قصرت والله .. ولو اني ما اعرفك ولا كان قلت انك واحد من مصممي اللعبة !! :D

وبانتظار طريقة المود البطران حقك ونتايجه وياك ! :05:

تحياتي لك ، ونخدمك بالافراح ان شاء الله ;)

---

احرجتني بردك .. ترى بأختفى من الاحراج :09:

المود الجديد جيد و اعتقد انه راح يكون الأفضل (لأن بعض مصممين المودز تجمعوا و يشتغلون على هذا المود)
و انا باشوف وش سالفته بالتفصيل :)




توضيح أخير نسيت اذكره بالموضوع:
اذا لاعب حقيقي (يعني انت او واحد من اصحابك صار كوماندر) ... راح تلاحظ ان الكمبيوتر يتجمعون عند نقطه وحده بالخريطه لأنهم ما يتحركون اللا بأوامر .. فإذا الكوماندر ما يعرف يتحكم بالجيش بشكل صحيح .. فلا يتحكم فيه من الاصل

يعني بالعربي البسيط === خل الكمبيوتر هو الكوماندر و انت اللعب و استمتع فقط :33:

تنفع للي عنده شبكة
بس سؤال بسيط
أنا عندي ثلاث أجهزة في البيت
وطبعا صعبة أوصلها ببعض
فقلت أحط كرت شبكة لاسلكي
ولكن يقولون بطيء
وكيف أوصل بين الأجهزة بالكرت الاسلكي
يعني لازم روتر ولا وش
ومشكور :D

اقتباس:

---

المشاركة الأصلية كتبت بواسطة Banderqw

تنفع للي عنده شبكة
بس سؤال بسيط
أنا عندي ثلاث أجهزة في البيت
وطبعا صعبة أوصلها ببعض
فقلت أحط كرت شبكة لاسلكي
ولكن يقولون بطيء
وكيف أوصل بين الأجهزة بالكرت الاسلكي
يعني لازم روتر ولا وش
ومشكور :D

---

بالنسبه لسؤال الشبكه اللاسلكيه .. ما عندي اي خلفيه عن هذا الموضوع

أما موضوع اللعب بالشبكه .. فماهو شرط .. اذا عندك DSL و اصحابك عندهم DSL العبوا على السيرفر حقك أو روحوا العب بسيرفر اجنبي احسن :D

امممممممممممم :33:
بس شكلك مافهمتني
أنا أبلعب مع اخواني
بالبيت
بس لازم أربط الأجهزة
الحل :06:

اعتقد ربط الاجهزه مباشر والا ×_×؟ او اكيد فيه HUB خاص بالوايرلس ^_^

================

اخوي دكتور منتظر الي براسك ^_^
بالنسبة للخرائط ×_× قليله ووحده ماتشتغل ووحده تعلق ! مابقي غير 4 خرائط العب فيها صح ^_^

ماعندك خرائط والا مود فيه خرائط صح ^_^؟

ووش سالفة هالمود ×_×؟ متى بينزل ^_^؟

اقتباس:

---

المشاركة الأصلية كتبت بواسطة amajed

اعتقد ربط الاجهزه مباشر والا ×_×؟ او اكيد فيه HUB خاص بالوايرلس ^_^

================

اخوي دكتور منتظر الي براسك ^_^
بالنسبة للخرائط ×_× قليله ووحده ماتشتغل ووحده تعلق ! مابقي غير 4 خرائط العب فيها صح ^_^

ماعندك خرائط والا مود فيه خرائط صح ^_^؟

ووش سالفة هالمود ×_×؟ متى بينزل ^_^؟

---

صحيحه .. انا لعبت بـ 4 خرايط بس او 3 .. ما اتذكر .. لكن اكثر وحده العب فيها اللي مافيها ناس :D خخخخخخخخ

في خرايط بالنت لكن ما استخدمت شئ منهم لأن كل شخص لازم تكون عنده الخريطه و ما تعمقت فيها :(

المود .. انتظر علي يومين .. عندي تدريب صيفي بالجامعه و هذي اخر يومين بالتدريب .. اخلصه و اسلم شغلي و اشوف المود و احواله :biggthump

اوكي ، الله يوفقك بالتدريب .. وننتظر ثمرات تجاربك مع المود

السلام عليكم :)


لقيت حل مبدئي للخرايط

اذا تلعب خريطه رقم 1 .. و الخريطه فيها جولتين
بنهاية الجوله الثانيه (يوم يقول الفرق أ فاز على الفرق ب) و الخ..

صاحب السيرفر .. يطلع من اللعبه (اذا كان يلعب بنفس جهاز السيرفر) و يكتب بشاشة السيرفر
admin.runNextLevel ... يكتبها 4 مرات (بالسيرفر العادي تكتبها مره وحده و يشتغل) لكن بالـ COOP اكتبها 4 مرات و بعد 5 ثواني راح تبدا الخريطه الجديده :)


أما بالنسبه للمود اللي تكلمت عنه .. فانسى الموضوع لأنه مخلي اللعب واقعي و بايخ شوي :(