الهارد ديسك ضرب وشوفوا اللي اتمناه

الصراحة الهارد دسك( نوعه ويسترن ديجيتال بسعه 120 جيغا ) ضرب معاي وبسبب المعلومات المهمة داخله ماتركت مواقع اجنبية عن كيفية تصليحه الاوقرأتها ( وتعلمت انه اذا كان في صوت عند التشغيل فمعناته الابرة تحركت من مكانها وغير قادرة على القراءة والمشكلة ان الجهاز غير قادر على التعرف على الهارد دسك وفمت بفصله وتجربته على جهاز ثاني ونفس المشكلة غير قادر على تعريفه + صوت داخله كأنه يحاول الدوران وغير قادر... ( وتقول المواقع ان نوع الخراب في هذه الحالة فيزيائي ) وجربت تحويله لقرص ثانوي وليس رئيسي ( from master to slave )
ولكن يحتاج لمختصين يفتحوه ويسترجعوا معلوماته
ويحذرون من الذين يقومون بذلك ويغيرون السلندر ويبدلوا القرص بآخر جديد لاحتمال خراب القرصين كلاهما .... ومسألة استخدام البرامج لاتنفع لهذه المشكلة ..... والبعض يتحدث عن خبط الجهاز وغيرهم عن وضعه بالثلاجة ..... وغيرهم ينصح باستخدام اللينوكس.....!!!!!!!!!!!!!!!!!!!!!!
وقد ذهبت لمجمع الدوسري وقال ان تصليحه بــــــــــــ6000 سته آلاف ريال + يتطلب ثلاثة اشهر انتظار ( قلت في بالي ليه 3 شهور اكيد يرسلوه خارج المملكة للتصليح )
سؤالــــــــــــــــــــي الله يبارك فيكم هل تدلوني على شركة تصلح الهارد ديسك في الامارات او البحرين او الشرقية ...... او شركة اجنبية ( دلوني على عنوانهم او رقم هاتف او جوال )

والله ياخي نفس المشكلة بالضبط حصلتلي

كان الهاردسك يطلع صوت ويعلق الجهاز

قلت شكله يبضرب الهارد انشالله باجر انقل ملفاتي احتياط
وكل يوم اقول باجر الى ان ضرب مره وحده ولا عاد يشتغل

وراحت على ملفات تجميع ست سنين
نقلته الي كبيموتر ثاني وركبت الهاردسك عالوصله الثانيه وبالفعل نقل شوي ملفات بعدها وقف
حاولت وكان كل مره يوقف
وانا زدت الطين بله بعد ركبت الهارد والجهاز شغال يعني بصيد الحركه وبالتالي اخترب البورد ايضا

صار خرابين

قلت اوديه لمحل انشالله يطلع خراب بسيط وترجع ملفاتي

بعد اسبوع من الفراره وكل يوم عند محل محد عرفله وواحد قالي انه خبير بالهسوالف والوزارات كثير تطرشله هاردسكات مضروبه يرجع ملفاتها

المهم قالي الهارد مالك يبيله عمليه جراحيه وراح يكلفك قلت جم قالي 800 دينار

قلت خير انشالله سلملم

وفكرت قلت شنو هالملفات اللي ابيها تسوى يعني؟؟

مجرد برامج و وصور وفيديو واغاني وان كان هناك بعض السكريبتات تاعب عليهم لابكن بصراحه ليست مهمه لهلدرجه

حذفت الهارد ونسيت الموضوع برمته واخذت درس

الان دائما ملفاتي واشيائي مخزنه على ديفيديات

واذا كانت ملفاتك ليست مهمه مثلا لو ابحاث او تقارير او مستندات او شئ من هالقبيل

شئ مهم جدا لاتحزن في امل ترجع ولاكن عليك انت تدفع

غير هذا مولازم كل شئ يعوض