السلام عليكم
أخواني واخواتي أضع هذه اقصيده بين أيديكم
doPoem(0)
إن كان تسمح أستمعلـي ساعـه
وأفهم كلامي وأستمع للساعـي
صاين ودادك لا حشى ما باعـه
حافظ مواثيق الهوى مـا باعـي
راع المعنّى يـا عذابـه راعـه
ذيب التجافي ما يـود الراعـي
ليه التصدد والعنـى و أوجاعـه
ما كنك اللي ساعـيٍ بأوجاعـي
ماني من اللي ضحكته خداعـه
ولاني على عهد الهوى خداعـي
ذقت التعّـزر كامـلٍ بأنواعـه
يا طول ليلي والهمـوم أنواعـي
الروح من كف الجفى منصاعـه
والحال ناحل ذابـلٍ منصاعـي
أمنـولٍ لاوي الهـوى بذراعـه
واليوم جوره لاويٍ لي ذراعـي
وضلوع قلبي شـادت الشماعـه
علق همومك في هنى الشماعـي
خل التصـدد وأرفـع السماعـه
وأروي عطش قلبي وبل أسماعي
مركب هوانا لا يطيـح شراعـه
الفلك ما ترسى بدون شراعـي
خطير قلبي لـو يحـل إقلاعـه
أشتال صدري دون إذن إقلاعي
مع تحيات صــــــــــــــــــــــــــــــــــــــــــــــــالح قــــــــــــطــــــــــر:ciao: :ciao: :ciao: :ciao: :ciao: :ciao: :ciao:
