أسئلة مهمة جدااااا تحتاج لعقلية كبيرة
السلام عليكم ياشباب ....
أولاً : في ناس يمدحون تركيب التيربو وانه ممتاز وانه يزيد من عزم السيارة.
ثانياً: تناسينا فئة الاربع سلندر وهل الاربع سلندر قادرة على تحمل التيربو؟
ثالثاً:القير وهي مسئلة قوية اذا زودنا المكينة لابد هناك قير يتحمل المكينة ولا بينتهي القير وسؤالي هل القير الذي يأتي من الوكالة قادر على تحمل قوة 230 حصان بعد ان كانت المكينة من 130 الى 150؟
رابعاً : هل هناك قطع مقوية للقير مع العلم ان سيارتي سوناتا وانا ارغب وبقوة ان اركب تيربو عليها لكن الخوف من المسائل التي ذكرتها أنفاً.
خامساً: وش أنواع التيربو الممتازة التي من الممكن تغير الضغط بالكمبيوتر وافضل ضغط لسيارتي(تقريبا)
أخيرا السوناتا التي عندي من موديل 2004 ونظام المكينة DOHC هل يعني ذلك شيء
وشكرررررررررررررررررررررا...............:ciao: :ciao: :ciao: :ciao:
مشاركة: أسئلة مهمة جدااااا تحتاج لعقلية كبيرة
بص انا معنديش رد يفيدك :أفكر: بس اتمنى اعرف من الاخوة الاعزاء معلومات في هذا الموضوع الشيق
مشاركة: أسئلة مهمة جدااااا تحتاج لعقلية كبيرة
اقتباس:
المشاركة الأصلية كتبت بواسطة هونداي
السلام عليكم ياشباب ....
أولاً : في ناس يمدحون تركيب التيربو وانه ممتاز وانه يزيد من عزم السيارة.
ثانياً: تناسينا فئة الاربع سلندر وهل الاربع سلندر قادرة على تحمل التيربو؟
ثالثاً:القير وهي مسئلة قوية اذا زودنا المكينة لابد هناك قير يتحمل المكينة ولا بينتهي القير وسؤالي هل القير الذي يأتي من الوكالة قادر على تحمل قوة 230 حصان بعد ان كانت المكينة من 130 الى 150؟
رابعاً : هل هناك قطع مقوية للقير مع العلم ان سيارتي سوناتا وانا ارغب وبقوة ان اركب تيربو عليها لكن الخوف من المسائل التي ذكرتها أنفاً.
خامساً: وش أنواع التيربو الممتازة التي من الممكن تغير الضغط بالكمبيوتر وافضل ضغط لسيارتي(تقريبا)
أخيرا السوناتا التي عندي من موديل 2004 ونظام المكينة DOHC هل يعني ذلك شيء
وشكرررررررررررررررررررررا...............:ciao: :ciao: :ciao: :ciao:
وعليكم السلام اخوي اسئلتك حلوة و انشاللة اجدر اساعدك
اولاً: بالنسبة للتيربو هو صدج يعطيك قوة و عزم حق الموتر بس على حسب حجمة و نوعة.
ثانياً: بالنسبة للاربعة سلندر هو يستحمل التيربو اذا حطيتلة التجهيزات الخاصة و في و ايد مواتر اربع سلندر و تيربو مثل المستوبيشي و السوبارو .
ثالثاً: بالنسبة للقير لذا زواد الموتر وايد بيكون شي طبيعي ان القير بيروحح عليك يعني بينكسر اما اذا بتزود خفيف 20--30 حصان على قير الوكالة ما يصيرلة شي بس عمرة الافتراضي يقل.
رابعاً: نعم يوجد قطع مقوية للقير بس ما يمدحونة و السبب في اي و قت يخترب عليك مو مضمون يعني و الحل انت عندك سوناتا احسن لك ركبلة قير الهيونداي الكوبية قوي او تركبلة قير امريكي في حال انك بتزودة تزويد جامد بس لازم اتسوي خراطة.
خامساً: انواع التيربو وايد و على ما اظن يمدحون الـHKS بس غالي بالنسبة للكمبيوتر ما عندي فكرة :sad2:
اخيراً: بالنسبة لكلمة DOHC معناتة Double Over Head Cams و هو نظام حركة ماكينة السيارة و هذا النوع قوي يزيد من عزم الماكينة
شيك على هذا الموقع يراويك انواع القير الريس الي تجدر تركبة يمكن تجدر تستفيد منة:
www.racetrans.com
ونشاللة جدرت اوصل المعلومة و شكراً :biggthump
مشاركة: أسئلة مهمة جدااااا تحتاج لعقلية كبيرة
:D دام السالفه فيها تيربو أنا اقدر اساعدك :biggthump
بالنسبه للسؤال الاول كلامك صحيح ... كثير من الناس تقول هذا الكلام وخصوصا للسيارات الـ 4 سلنرد لانها عادة تكون محركاتها صغيره وماتقارن مع الـ 6 أو 8 سلندر لانهم أكبر ... لذلك علشان تعوض النقص في حجم المحرك تركب تيربو واللي مهمته يضغط الهواء اللي رايح للمحرك.
وبالنسبه للسؤال الثاني فهذا يعتمد ..... يعني مثلا مش تجيب محرك عادي وتركب عليه تيربو وتوصل البوست إلى 15 بي اس اي وتبيه يتحمل ؟؟ لا ..... أغلب السيارات اللي تجي بدون تيربو تتحمل 6 بوست كحد أقصى . اما المحركات اللي تجي تيربو من الوكاله فهي تتحمل اكثر .... مثلا انا سيارتي إمبريزا اخذتها من الوكاله وبوستها 13 تقريبا (( 230 حصان وكاله على محرك 2 لتر و 4 سلنرد )) حاليا سيارتي فيها تقريبا 260ّّّّّ إلى 270 حصان لاني رفعت البوست من 13 إلى 15 ومركب لها FMIC مع العلم انه المحرك عندي يتحمل إلى 25 بي اس اي لانه مصمم من الوكاله لتحمل الضغط من التيربو.
النسبه للثالث... لو عندك سياره شد وكاله وكان استخدامك لها سيء بعد يتعور الجير عندك وكثير من الشباب تتعور جيور سياراتهم لانهم يفحطون ويشفطون بسياراتهم مع انها شد وكاله ...... بختصار تقدر توصل سيارتك للـ 250 حصان ومايتأثر الجير عندك إذا كانت تعشيقاتك للجير واسلوب قيادتك معتدل :)
بالنسبه للرابع .... ايه فيه (( مثل سيارات تويوتا ونيسان وسوبارو وغيرها من الياباني )) بس للهيونداي مش متأكد ؟؟
بالنسبه للخامس .... فيه انواع كثيره ... مثل GARRETT , HKS , GREDDY وغيرها كثير .... بس افضل انك ما تشتري شيء غالي لانك ماراح تشغل سيارتك على بوست عالي .... يعني اي تيربو صغير ورخيص يمشي معاك مثل الـ TD05 (( رخيص ويعمر مده طويله إذا حصل له تبريد ممتاز )) وبالنسبه لجهاز تغير ضغط التيربو ايضا ما أظن انك تحتاجه لانك ماراح تشتغل على بوست عالى لانه سيارتك حدها 5 بي اس اي إذا انت ماتبي تكسر مكينة سيارتك :ciao:
مشاركة: أسئلة مهمة جدااااا تحتاج لعقلية كبيرة
أنا شاكر لكم تفاعلكم وجزاكم الله ألف خير وما قصرتوا بس أستفساري الاخير ماهي هذه القطع وكم
سعرها وكثر الله خيررررررررررررررررررررررررررررركم
