هام لكل المصريين الموقع الرائع لحركة شايفينكوا للرقابة الشعبية على الانتخابات
السلام عليكم و رحمة الله و بركاته
في البداية أحب أن أقدم دعوة متأخرة لدعاة المقاطعة مع كل التقدير لهم فكروا تاني و دعوة من كل من له حق التصويت شارك و صوت لمن تريد أو حتى أبطل صوتك فالمشاركة بناء و المقاطعة سلبية. " خليكم زي شايفينكوا مش زي كفاية"
الانتخابات مستمرة من 8 صباحا إلى 10 مساءا مع العلم بأن مواليد 1982 و حتى 1986 لهم حق التصويت بواسطة البطاقة الشخصية دون الحاجة إلى بطاقة إنتخابية و هي شريحة تمثل نصف الأصوات المقيدة في الجداول الانتخابية لا تسمحوا لأحد أن يصوت بالنيابة عنكم لا تتركوا الخانة أمام أسمائكم فارغة دون أن تشاركوا و توقعوا أمامها فأنت بهذا العمل البسيط تمنع أكبر منفذ للتزوير.
يا شعب مصر العزيز لا تفقد الأمل و تتخذوا الفرار موقفا (يا أبناء النيل لا تخافوا من التغيير ) فإيجابيتنا هي الحامي لهذا التغيير.
شايفينكوا هي الحركة الشعبية للرقابة على الانتخابات ستتواجد على أبواب اللجان الانتخابية كي ترصد أي مخالفة أو انتهاك أو تزوير و ستبلغ عنها و تسجلها و تنشرها و تفضح مرتكبيها.طبعا لا يوجد حتى الآن العدد الكافي من الراصدين .لذا أدعوكم لزيارة موقع الحركة www.shayfeen.com لتسجلوا أسمائكم كراصدين و متصدين للتزوير كل في موقعه حتى لو لم تكن لديكم بطاقات إنتخابية أو أن تسجلوا شهادتكم على أي تجاوزمن خلال الموقع الالكتروني و شعارنا عايزين إنتخابات نظيفة.
انت ممكن تعمل ايه؟ ما تقاطعش الانتخابات - شارك فيها - راقبها - نظفها.
إقتباس من إفتتاحية موقع الحركة:
اقتباس:
إحنا مينإحنا حركة شعبية، عندنا إحساس وطني زي كتير من شعب مصر وعندنا خوف على المستقبل زي كل شعب مصر. ببساطة إحنا مجموعة شافت أن المستقبل ممكن يترسم النهاردة وإن الديمقراطية مش لازم تكون مجرد كلمة مسجونة جوا حروفها بعد النهارده.
حسينا زي غيرنا بأرف من التزوير والكدب، وقررنا أن ننظم حركة وطنية مهمتها مراقبة كل واحد هيزور انتخابات ونفضحه في الدنيا كلها.... يعني بالبلدي "هنجرسه"، والجرسه حاجة بنعرف نعملها كلنا يامصريين.... إحنا عبارة عن شوية ستات ورجالة وشباب وشابات، مش بناخد فلوس ولا غيره من أي دولة أجنبية (طبعاً كالعادة هيقولوا علينا كده.) أحنا بجد حسَين بالمشكلة وبنمول حركتنا من جيوبنا وجنيه جنب جنيه بيعمل كل إلى أنتم هاتشفوه. إحنا هنكون عند كل صندوق إنتخابات، هنطلع زي العفاريت وهنصور كل مزور وهنسجل كل إلى هيحصل....
وبصوت واحد هنقول شايفنكم
