عرض للطباعة
انا شاب ابلغ من العمر18 سنه وقد ذهبت الى العمره هذا العام وهذه اول عمره لي واتمنى الذهاب الى الحج ,لاااااااااا اعلم لماذا ارتحت نفسيا عندما زرت مكه ورأيت الكعبه كاني في حلم
بدأت اسمع القرآن الكريم واسمع لبعض الدروس والخطب لابن باز قد علمت اني جاهل لاشياء كثيره وتعلمت اشياء لم اكن اعلمها في ديني.................
لا اعرف من اين ابدء ؟؟؟؟
اريد ان الرتزم واتدين ولكن لا اعرف كيف
هل ترشدوني من اين ابدء يا اخوان
بصراحه كان تصوري ان الملتزمين المتدينين معقدون وكل شي عندهم حرام بس كل شي غير
وهذا ايميليbo_ya3ga_85@hotmail.com
السلام عليكم ورحمة الله وبركاته ..
أخوي أول شي أهنيك .. والله يثبتك
في الحقيقة ، هو كذا الناس قبل ما يتدينون يحسون المتدينين معقدين حتى أنا أذكر من زمان أحس نفس كذا ..
لكن لما الحمدلله التزمت بالدين عرفت إني كنت خطأ وإن المتدينين هم أسعد الناس لأنهم يسوون اشياء ، ما تضيع عليهم يعني يعملون للجنة وبعدين الله يسعدهم .. ويحسون إن الله يحبهم وهذا إحساس رائع كثير ما يشعر به ..
أما اللي مو متدينين أهدافهم قصيرة المدى مثل فقاعة الصابون
أما من وين تبدأ ..
من تجربتي أذكر إني سمعت محاضرة رووعة للشيخ عبد المحسن الأحمد الله يحفظه هي كانت لي البداية بعدين سمعت محاضرتين بعد له ... وأحس الحمدلله . إني خلاص .. صح إني واجهت بعض الصعوبات ، يعني مثلا كان أخر تفكير لي إني أترك الأغاني وما ألبس عباية علكتف ..
لأني كنت أعيش على الأغاني ..
وكان هذا اللي قاهرني يعني أسوي كل شرع الله إلا هالشيين .. وأحس إنه بالصعوبة راح أتركهم ..
لكن في الحقيقة كان فيه أنشودة حلوة دايم اسمعها بدل الأغاني والحمد لله الحين ما صرت أحب طاري شي إسمه أغاني حتى إذا سمعته بالصدفة على طول أقصره . وماصارت عندي الاغاني مشكلة بعد ماتركتها بلعكس صرت أكثر سعادة لأني تحديت نفسي ونجحت .. وعلى قولة خالد المريخي
لا متبع النفس لين النفس تتبعني ... النفس محد قدرها بس أنا أقدرها .
والعباية نفس الشي قبل ما أغيرها أحس إنه صعب ومستحيل وقريباتي كلهم ومدري شنو ..
لكن بعد مرتاااااحة وراضية عن نفسي ..
هذي الصفحة فيها أشرطة الشيخ عبد المحسن تقدر تسمعها ..أو تشتري الشريط من أي محل لأنها مرة روووعة
http://islamway.com/?iw_s=Scholar&iw...scholar_id=409
وفي أمان الله
أخي الكريم /
بارك الله فيك وعليك وثبتك على الحق ما أحياك
واستكمالا لما ذكرته الأخت . الفيلسوفة
فإني أوصيك بداية أن تضع نفسك في صحبة طيبة
من الشباب الصالحين الملتزمين في مسجدك الذي تصلي فيه مثلا
أو جيرانك في المنطقة . فالصحبة الطيبة منافعها عظيمة جدا
فتجدهم يعينوك على الخيرات ويرشدونك إذا أخطأت . ويعلمونك أمور دينك
ثم عليك بعد ذلك بالمحافظة على حضور دروس العلم ما تيسر لك ذلك
وإن كنت على صلة برفقاء غير ملتزمين فاحذر منهم كل الحذر
فهم أخطر شيئ عليك خاصة في بداية إلتزامك لأنهم أدرى الناس بنقاط ضعفك
وأسأل الله العظيم أن يرزقك العلم والعمل والثبات والإخلاص والقبول
إنه سبحانه ولي ذلك والقادر عليه
اشكر الاخت الفيلسوفه والاخ صلاح الدين على مرورهم
أنا بالفعل من الذين يسمعون الاغاني وما اتصور نفسي اني اقطعها بس بحاول وبجرب
تصدقون ربعي يعيبون على يقولون من رحت وانت متغير بس انا ماتغيرت والله
اخاف يتخلون عني.......
آنا كويتي واللي يعرف الكويت او عايش فيها راح يحس فيني
ومافي احد بعائلتي دين
ما ادري خايف من اهلى وربعي ومن اشياء وايد
ودي اربي لحيتي لاني الرسول حثنا على هذا
انشاء الله