أريد كرت شاشة 7800 GTX

بسم الله الرحمن الرحيم
السلام عليكم ورحمة الله وبركاته
الإخوة الأعضاء أريد شراء كرت نفيديا 7800 GTX في المنطقة الشرقية في الدمام أو الخبر أين أجده .
وشكراً .

اقتباس:

---

أريد كرت شاشة 7800 GTX

---

Welcome to the club buddy.

المفترض انه مجمعات الدوسري يكون موجود فيها الكرت, سعره قرابة 3.000 حسب ماسمعت.

شكراً لك يا أخي العزيز ولكن المتاجر الموجودة في مجمع أبراج الدوسري غالباً تكون مفرطة في سعر قطع الكمبيوتر وأذكر اني وجدت كرت شاشة MSI RX800pro قبل 6 أشهر بسعر 3200 ريال وهو لايستحق أكثر من 2100 عند نزوله للأسواق .

ايه صحيح معاك حق في هذه النقطة, مجمعات الدوسري والمنطقة الشرقية خصوصا فيها محلات نصابة وتفقع الكور, لكن اكيد واحد اخبر مني بالمنطقة راح يجاوبك عليها.

Good luck.

همممم .. بصراحة للأسف ، كثير فاهمين التسعير غلط ! ولو تسأله كم الكور والميموري للكرت فتح لك فمه ما يدري وش يقول !

المشكلة عندنا قلة وعي بالاسواق المحلية .. والاسعار نار على غير سنع !

لكن بصراحة ، أؤيد انك تشتريه من الانترنت .. تفتح لك صندوق وبطاقة من ارامكس وتطلبه من امازون ..

لأن صعب تحصله بالسوق بسعر معقول .. تخيل الـ 6800Ultra يباع الآن بـ 2800 ريال !

استهبال !

الأخ الكريم وناسة تقول (( لكن بصراحة ، أؤيد انك تشتريه من الانترنت .. تفتح لك صندوق وبطاقة من ارامكس وتطلبه من امازون ))
مالطريقة لفتح هذا الصندوق ؟

اقتباس:

---

مالطريقة لفتح هذا الصندوق ؟

---

افضل شي هو انك تتصل على ارامكس, دق على 905 واطلب رقم ارامكس وهم راح يشرحولك كل شي.

اخوي وناسه انا حصلت الكرت عند امازون وجيت بشتري الكرت ومعه مذربورد قالوا لي انهم مايرسلون للسعوديه يرسلون فقط الاشياء الصغير زي افلام ديفيدي وكتب والشغلات هذه للسعودية اما باقي البلاد يرسلون لها

أخوي فيه محل في الدوسري اسمه الفارس للكمبيوتر هذا يوصل اي طلبية لك من اي موقع...
و موضوع انك تفتح بريد عند ارامكس و تشتري بالفيزا هذا ما يصلح الحين....لأن اللي اعرفه هذي الحركة كانت تظبط زماان من سنتين تقريباً الحين المواقع تميز الفزا هذي من السعودية او لا و موقع www.newegg.com ما يقبل الفيزا السعودية أصلاً
آسف على الإطالة لكن نصيحتي تجيب الكرت عن طريق إشتر www.eshtr.com اللي هم مقرهم في الدوسري محل الفارس.
تحياتــــــــــــــــــــــــــــي.

قالها عني Winter Wolf ، دق على مكتبهم واستفهم منهم كل الي تبيه ..

بالنسبة للموقع الي تبون تشترون منه ، مالكم الا Amazon , بصراحة مواضيع كثيرة طرحت لهذا الغرض ، والحكاية بسيطة مو مثل ما كثير منكم مستصعبها ..

اخوي Viper : انت طبعا ً ما تشحنها للسعودية دايركت من الموقع ، انت راح ترسل البضاعة لصندوقك بامريكا ( الي فتحته لك ارامكس مقابل مبلغ رمزي مدى الحياة ) ومن الصندوق تشحنه لك الشركة " ارامكس " الى السعودية وتستلمه من مكتبهم :)

بس ! ;)

مشكور اخوي لكن أبي اعرف كيف افتح بريد هناك

اتصل عليهم ويعلمونك كل شي .. وكل شي من عندهم تسويه .. دق على 905 واطلب اقرب فرع لبيتكم ..

بالتوفيق :)