قرقيعان وقرقيعان .... ^_________^ ....

http://norelgumar.jeeran.com/photo/9a.jpg





السلام عليكم ورحمه الله وبركاته

احب ان اقدم لكم لمحات عن ليلة كم ينتظرها الاطفال

القرنقعوه الذي تحتفل به دول الخليج في النصف من شهر الخير رمضان

حيث يستعدالاهالي للاحتفال بتجهيز المكسرات والحلوى

وتقوم الامهات بخياطة اكياس القماش

للاطفال وتعلق على الرقبه لجمع ما يوزعه الاهالي وتختلف

التسميات بين دول الخليج
فيقال ..

** القرنقعوه في قطر والبحرين

** القرقيعان في الكويت والمملكه العربيه السعوديه (( المنطقه الشرقيه))

** القرنقشوه في سلطنة عمان

** من حق الليله في دولة الامارات العربيه المتحده ( وتكون هذه الليله في النصف من شعبان )

وايا كانت التسميات او التعبيرات الشفهيه المصاحبه لهذا الاحتفال الا ان الطريقه واحده

حيث يبدأ الاحتفال بعد صلاة المغرب مباشرةفيتجمع الاطفال في جماعات

تطوف على الالبيوت وهم يرددون اهازيج خاصه بهذه المناسبه.

وتختلف كلمات وتعبيرات هذه المناسبه من دوله مثلا لذالك

يردد الاطفال في مملكة البحرين ...

سلم ولدهم يا الله
وخله لأمه يا الله
اييب المكده يا الله
ويحطها في جم امه
يا شفيع لأمه

قرقاعون عاده عليكم يالصيام مابين قصير ورمضان .... الخ

ويردد الاطفال في دولة الكويت...

قرقيعان وقرقيعان بين قصير ورميضان
عادت عليكم صيام كل سنه وكل عام
سلم ولدهم يالله خله لأمه يا الله
عسى البقعه ما تخمه ولا توازي على امه
عطونا الله يعطيكم بيت مكه يوديكم .... الخ

ويردد الاطفال في المملكه العربيه السعوديه ...

قرقع قرقع قرقيعان
ام قصير ورمضان
عطونا الله يعطيكم
بيت مكه يوديكم
يوديكم لأهاليكم
ويلحفكم بالجاعد
عن المطر والراعد .... الخ

ويردد الاطفال في سلطنة عمان ...

مرنقشوه يوناس
عطونا شوية حلواي
دوس دوس في المندوس
حاره حاره في السحاره
واذا لم يحصل الاطفال على القرنقشوه
يرددون:
قدام بيتكم صينيه
ورا بيتكم جنيه

ويردد الاطفالفي ليلة منتصف شعبان وتسمى هذه الليله في الامارات
من حق الليله..
عطونا الله يعطيكمبيت مكه يوديكم
عطونا من حق الله ولا بنذبح عبدالله
عطونا من حق هالليله ولا بنذبح العجيله .... الخ


ويردد الاطفال في قطر ...

قرنقعوه قرقاعوه
عطونا الله يعطيكم
بيت مكه يوديكم
يوديكم لأهليكم
يامكه يالمعموره
يا أم السلاسل والذهب يانوره
عطونا دحبة ميزان يسلم لكم عزيزان
عطونا دحبة ليفه يسلم لكم خليفه .... الخ

ونستخلص من هذا الاحتفال بعض الدلالات
الاجتماعية والترفيهية والروح الجماعية والاسرية
العامة التي تميز نمط العلاقات الاجتماعيه وتظهر تلك
الدلالات من خلال اهتمام الاهالي باحتفال الاطفال
ومشاركتهم المشاعر الطفوليه بالفرحه واشاعة روح الموده
والالفه بين الناس
http://www.gccfolklore.org/arabic/ga.../krnkawh15.jpg

يالله انا اتريه القرقيعان من عند الاعضاء ........ لا تبخلون علينا

أختكمــ : بنت الشيبه

:ciao: :ciao: :ciao:

تسلمين اختي على المعلومات ..

بس في المملكة ليست مقصورة على المنطقة الشرقية موجود في اماكن ثانية << صاحب خبرة :09:

بس معلومات وافية ما شاء الله عليك لا يكون معى الأطفال كل سنة :D ..

على العموم تشكرين اختي وننتظر منك ابدعاتك وجديدك .

:ciao: ..

تسلمــ اخويهــ ع المرور

وعساك ع القوه

بس وين القرقيعان مالي

^______^

اختاري أختي اي نوع من القرقيعان تبين ورديلي خبر :09: ..

هههههههههههههه

ما بشحت من عندك

انته كريم وانا استاهل

^________6

يالله بسرعه ابغي قرقيعان

أوكي أختي لك مني خمسة كيلو مكسرات مشكلة ..

و اللي يعجبك من الشكولاته بس لا تذوب وقت التوصيل ..

لأني بوصلها لك بالـ DHL :09: .

:ciao: ..

حلووووو القرقيعاان .. :أفكر: وااكد لك المعلوومه في السعووديه
موجوود في منااطق كثيره مو بس بالشررقيه ..


مشكوووووووره عالموووضووع

هههههههههههه

قرقيعان

احنا من اليوم اليهال جايين بيتنا خخخخخخخخ

تسلمين على الموضوع الفله :biggthump

اقتباس:

---

المشاركة الأصلية كتبت بواسطة **rose**

هههههههههههه



قرقيعان

احنا من اليوم اليهال جايين بيتنا خخخخخخخخ

تسلمين على الموضوع الفله :biggthump

---

انتي لين الحين عايشه:09:



تسلم يدج اختي على الموضوع ^_^