برنامج سياحي للبنان الحبيبة

صباح الخير على الجميع :D :D طبعا أنا حبيت أفيد اللي يبغي يروح لبنان بهذا البرنامج اللي طبقته في رحلتي للبنان السنة الماضية وكان جدا حلو وأتمنى أنكم تستفيدون منه رحلتي كانت صيف 2004م ما أدري الأسعار تغيرت السنه وإلا لا :أفكر: :أفكر: وأنا أعتذر على التأخير في كتابة الموضوع وخاصة أن الصيف أنتهى وبدأت الدراسة لكن أنشالله تستفيدون منه في الأجازات القادمة... ( على فكرة أنا نزلت هذا الموضوع من سنه في أحد المنتديات فلا يجي في بالكم أني سارقته :33: :33: :33: :33: )



لبنان بلد حلوة وشعبها راقي جدااااااا ويحب ويحترم السايح الخليجيوالسياح بشكل عامنصيحة للي يبغي يزرور لبنان: مدة الزيارة ما تزيد عن 6 أيام 5ليالي

اليوم الأول يوم الوصول أترك بيروت بحرها ورطوبتها وعلى منطقة برماناالجبلية وعلى فندق البيلفو بالاس أو الرويال بارك الأثنين نفس السعر 110 أو 120دولار ومعاه بوفيه أفطار يعني تفطر من هالبوفيه وتقعد لين المغرب الساعة 8 وتجهزمعدتك للعشاء في أحلى المطاعم. ريحوا من تعب السفر وبعدين أنزلوا أحجزوا من الفندقسيارة مع السايق لمدة أربع أيام واللي يبغي سايق فيه سيمون (ت:03659379) سيارتهمرسيدس مريحة جدااا وهوساكن قريب من فندق البيلفو يعني ببرمانا ماراح تتعبه ويتعبكقريب منك المهم الحجز يبدأ من اليوم الثاني خلونا ألحين في أول يوم بعد ما تحجزونالسايق بالسيارة تطلعون من الفندق وتتمشون في برمانا وتاكلون شندوتشات وتكملونلفتكم بعدها ترجعون للفندق وتنامون كل هذا على رجلكم لين ألحين ما أخذتواالسيارة.

ثاني يوم تنزلون تفطرون في بوفيه الفندق وتلبسون وتنزلون يأخذكم السايقإلى (مغارة جعيتا- متحف المشاهير- ثم منطقة جبيل وتشوفون قلعة جبيل وسوق جبيلالشعبي ومتحف المتحجرات ثم متحف الشمع بجبيل ثم إلى جونيه وتركبون التلفريك) بعدهاترجعون إلى الفندق ببرمانا وفي المسا تروحون تتعشون في مطعم منير أو مطعم (جنة بيتمري) وأنا أفضل مطعم جنة بيت مري لأنه معاه بروجرام فرقة عزف أغاني ومطربة مبتدأةبس أحلى ما فيه قعداته شلالات وماء وحتى شكل الجرسونات مرتب وخدمة راقية والعشاء ليولزوجي مع البخشيش ما كلفنا شي حوالي 140ريال كل ما لذ وطاب بس للي ما يحب يشوفالرقاصات لاتطولون أكثر من الساعة 12 ونص لأن هالسحر يظهرون في هالوقت. ياخذ السايقفي هذا اليوم 100دولار

اليوم الثالث: بعد الأفطار تطلعون على مغارة كفر حيم ثمقصر فخر الدين المعني الثاني (متحف ماري باز للشمع) ثم قلعة موسى ثم بيت الدين (قصربشير الشهابي) وبعدها روحوا نبع الصفا وتغدوا في مطعم نبع الصفا والتكلفة نفسهاب140 أو 150 ريال وبعدها على الفندق وفي الليل الساعة 10 روحوا السولودير وقعدوالين الساعة وحدة تعشوا وتمشوا أو أكلوا أيس كريم إذا كنتوا متغديين في نبع الصفاوشوفوا مناكر الخليجيات في السوليدير ياخذ السايق في هذا اليوم 120دولار

اليوم الرابع: بعد الفطور على الساعة 10 تقريبا روحوا منطقة بشري تبعدحوالي 3 ساعات عن برمانا لكن طول الطريق بتشوفون شوية مناظر حلوة مثل تمساح كبير منالصخور يقال أنه من زمن طوفان سيدنا نوح والله أعلم وبتشوفون شلال ومنطقة بشري بيوتحلوة ومنطقة راقية ومنها على محمية الأرز وصوروا عند أقدم شجرة أرز عمرها 3500 سنهولفوا في محمية الأرو وشوفوا المنحوتات اللي فيها وبعد ما تتعب رجلكم من الدوران فيالمحمية وتطلعون منها مروا في طريق العودة على متحف جبران خليل جبران ومغارة قديشا ومنها إلى الفندق وفي الليل أخذوا شندوتشات من محل في بيروت أسمه فلافل صهيون الفلافل فيه حلوة وروحوا على الكورنيش (الروشة) وشوفوا صخرة الأنتحار ياخذ السايق في هذا اليوم120دولار

اليوم الخامس بعد الفطور أطلعوا على الأسواق لفوا كل الأسواق منabc ضبية/ الكسليك/abc الأشرفية/ bhv / الحمرة / فردان 1/ فردان2 وفي الليل روحوا عاليةوبحمدون ياخذ السايق في هذا اليوم 100دولار

اليوم السدس:أفطروا وأطلعواغرفتكم جهزوا شنطكم وأعملوا شيك أوت ورافقتكم السلامة وفي المطار خذوا ما لذ وطابمن الحلويات في السوق الحرة والعطور وبأسعار حلللللوة جداااا..

لبنان ما يبغيلها أكثر من 5 ليالي 6 أيام تعيشون فيها مرفهين من ناحية السكن والمواصلات أفضل منأن تقعدون أسبوعين وساكنين في سكن مش ولابد وتأخذون تكاسي مش قد المقام خليكم 6أيام بسكن مريح وسيارة فخمة وراحة بال وتمشية حلوة.التكاليف:

الفندق 5ليالي=120دولار في الليلة يعني 600دولار في 5 ليالي =2200ريال

السيارة فيالأماكن العادية 100 دولار في المرتفعات 100 دولار وتفويل البنزين بس كنا نريحعمرنا ما نفول السيارة بس نعطية 120 دولار يعني أجار السيارة في 4 أيام 440دولار=1600ريال

أما بالنسبة للمطار المشوار في آخر يوم كان 35 دولارللمطار=128ريال.

للأماكن الأثرية والمغارات والقصور ومتاحف الشمع تتراوح رسومالدخول بين 4000 و6000ليرة أي ما يعادل 10 إلى 15 ربال للشخص الواحد أما مغارةجعيتا فكان رسم الدخول 18150ليرة أي ما يعادل 44 ريال للشخص الواحد.

يعني السكنوالسايق بيكلفكم في 6 أيام 4000ريال والأماكن السياحية ورسوم دخولها مع غداكم أو عشاكم لآن في السفر الواحد يا أما يتغدى أو يتعشى يعني وجبة وحدة في اليوم غير الفطور اللي في الفندق المهم نقول بيكلف 1500 ريال يعني 5500 ريال في لبنان في 6أيام تعيشون ملوك بالنسبة للسوق غالي وما عجبني أي شي وما شريت شي إلا من السوقالحرة خلوا لها ميزانية للي تحب العطورات والحلويات في المطار في السوق الحرة حاجة راقية ورخيصة يعني علبة البقلاوة الكبيرة ب13 دولاروالصغيرة ب6 ونص والعطور كذلك في السوق في بلدنا ب260ريال وفي السوق الحرة أخذتهب145ريال يابلاش ولو تاخذون العطور والمكياج من الطيارة تطلع أرخص بكثير من السوق الحرة لكن التشكيلات في الطيارة قليلة يعني ربع العطور الموجودة في السوق الحرة:ciao: :ciao: :ciao: :ciao: :ciao: :ciao: :ciao: :ciao: .

شكرا لك على البرنامج المميز والرائع ..

لك كل التحايا ونبذه جميله عن بلد جميل كلبنان .

رسا م أشكركك على مرورك وردك وهذا شيء قليل نقدمه لبلد جميل أستقبلنا كسياح بحب وودعناه على أمل العودة لة بحب أكبرأحترامي لك وتقديري لمرورك وكل حبي للبنان وأهلها..

الله يعطيك العافيه

مشكوووووووور على المعلومات القيمة.

اقتباس:

---

المشاركة الأصلية كتبت بواسطة m2_s2

الله يعطيك العافيه

---

الله يعافيك أخوي m2_s2 وأشكرك على المرور والتعليق

اقتباس:

---

المشاركة الأصلية كتبت بواسطة المواطن كين

مشكوووووووور على المعلومات القيمة.

---

العفووووو :D :D أخوي المواطن كين لا شكر على واجب وهذا واجبنا تجاه هذا المنتدى الرائع
أشكر لك مرورك على موضوعي وتعليقك:biggthump

الف شكر كاريمان على هالمعلومات والبرنامج عن لبنان