وشــ الــ ــجــ ـــديـــــ ــــــد ؟ ؟ ؟ <<<< مازلت انتظر تشجيعكم

صباح \ مساء الخير لكل الأعضاء

أحب أشكر جميع الأخوه و الأخوات اللي شاركوا معي في موضوعي الأول
وجاي لكم اليوم بخاطرة من آخر كتاباتي اتمنى انها تنال اعجابكم

.
.
.

وش الجديد ؟

لما تكون بالحزن فريد ..

و تعيش بتكذيب الواقع الأكيد ..

لما تعتقد إنه باقي في هالدنيا حب تكون غلطان ..

الدنيا تغيرت ما صارت هي الدنيا .. و تغير الإنسان ..

و نقول : ليت نرجع مثل زمان ..

وش الجديد ؟

قالوا : اعتبر إنه عمر جديد ..

كيف يكون جديد و أنا عن الفرحة بعيد ..

قلبي تعب .. و حالي يوم عن يوم يصعب ..

و ماهو شرط إن اللي يصير يكون هو اللي أريد ..

وش الجديد ؟

لما تكون وسط أهلك و ناسك وحيد ..

لما تعيش الوحدة ..

و في داخلك جمرة ..

لما تضيع الفرصة ..

و تكون من بحر الحب طريد ..

كيف يكون حالك ؟

مثل زاوية يحضنها جدار متهالك ..

و تاريخ حياتك مهمل مثل رسائل في صندوق البريد ..

وش الجديد ؟

لما تحب و تصدق ..

و تخلص و ترفق ..

و تردد قصة حبك مثل النشيد ..

و ما يهمك بالدنيا أحد مثل ما تهمك ..

و تصير لك حياتك و يومك و شغلك و همك ..

و لقاها كأنه يوم عيد ..

و تترجم مشاعرك لها في حروف و قصيد ..

و غيابها يعني لك لون أسود قادم في حياتك و كل ما طال غيابها يزيد ..

وش الجديد ؟

لما تشوفها بعد جهد جهيد ..

تنسى نفسك ..

و تجي هي تبي تضمك ..

و بداخلك تنسى حليب أمك ..

تبدأ هي تسولف وكل ما خلصت خليتها تعيد ..

كلامها عادي ما أحب أسمعه و سواليفها جداً مملة ..

لكن يعجبني ثغرها لما تحكي و ودي أتأمله ..

و إذا لامست يدي يدها ما أتصور إنه فيه بالدنيا أحد مثلي سعيد ..

وش الجديد ؟

لو ظروفك خلتك ترحل عنها لفترة غصب عنك ..

تعيش العذاب ..

و حبك لها كبر الأرض و السحاب ..

و ودك ترجع لها بأقرب وقت ..

حتى لو تحبي على التراب ..

و فيك شوق لشوفتها مثل شوق شايب لرجعة الشباب ..

و في نفس الوقت تسطر لها من إحساسك قصيد ..

وش الجديد ؟

لما تحكي لأصحابك قصة الحب المجيد ..

و لما تبين لهم إنك ما تنصاد لكن تصيد ..

و إنك للحب و العشق تجيد ..

و إنك في لحظة بعدك عنها تحس إنك فقيد ..

وش الجديد ؟

في ليلة رجعتك لموطنك ..

ترتب الكلمات و الجمل لحبيبتك ..

و تحاول تختار .. لكن تحتار ..

حتى ما تدري وش تسوي ..

أنت تمسك يدها .. و إلا تتأمل عيونها ..

و تتفاجأ إنك في لحظة لقاها مثل طفل وليد ..

كأنك أول مرة تشوفها أو كأن مالها مثيل بين الغيد ..

وش الجديد ؟

و تكون المفاجأة الأكبر إنك في صالة المطار وحيد ..

و تردد وينها الحنون ..

وين اللي لا شفتها شكرت الله إنه وهبني عيون ..

و يطول الانتظار .. و يطول و يطول ..

و أخاف يطول انتظاري و ظني و أوصل للجنون ..

اكتشفت إنها رحلت عني و تركتني ..

مثل هالحال كيف يكون ..

كيف تتركني و ليش و وشلون ؟؟

ما أقول إلا إنا لله و إنا إليه راجعون ..

تثاقلت بي الخطوات لديرتي ..

كل شيء حولي يذكرني بها ..

وين كلامها القديم يوم تقول أنت الحب و كل دنيتي ..

يوم تقول إني العاشق الملهم المتزن الرشيد ..

يوم تقول إني الوديد ..

وش الجديد ؟

تمنيت إني ما رجعت ..

صار الهم يأكل بجسمي ..

و الحزن من فوقي و تحتي ..

صدق إن هالزمن عنيد ..

وش الجديد ؟

بعد جرح قلبي و نزف الوريد ..

صرت في هالدنيا زهيد ..

و ما تحسفت لأنها معي عيت تصيب ..

كل ما قلت صابت دايم تخيب ..

ما عاد بهالدنيا حبيب ..

خلك يا قلبي مثل الغريب ..

أصلاً فيه أحد بعد قلة هالحظ يتمنى عمر مديد ؟

وش الجديد ؟

كان كل حلمي يكون لي قلب يضمني ..

يدوّر على فرحتي و سعادتي ..

كان لي أمل إنها بتكون لي نصفي .. و إلا كلي ..

كنت أتمنى حبيبة تلمني ..

ترمي في داخلي ضيقها و تأخذ فرحتي ..

كنت أتمنى لما تتضايق و تبدأ دموعها تطلع ..

أكون أنا أبكي بدالها ..

مو انكسار أو ضعف ..

بس مثل عيونها حرام تدمع ..

لكن هذا حظي ..

قدري أكون وحيد ..

و يموت قلبي في الهوى و يصبح شهيد ..

بعد ما كنت الشديد ..

و حملي آمال و هموم بثقل الحديد ..

اليوم صرت كمالة عدد ..

و ما ظنتي بأشوف السعد ..

و مات قلبي و إحساسي و تفاؤلي في ليلة العيد ..

وش الجديد ؟
وش الجديد ؟


.
.
.


في الختام اشكر لكم متابعتكم و قرأتكم
وانتظر تعليقاتكم و ارائكم

لكم حبي قبل كلماتي
هااوي




.

بصراااحه حلوووه
بس بجد
طويـــــــــــــــــــــــــــــله بجد :أفكر:
بس حلوه وإسلوبك حلو
كأنك تحكي قصة على شكل خاااطرة كلااام روعة واسلوووب أروع
لاتحرمنا من جديدك
ولي الشرف بإن أكون أول من يرد..;)

هلا و غلا اختي BATTRFLY
أشكرك على تواجدك معاي و متابعتك
الله يحلي ايامك
هذا من ذوقك
وأنا اللي لي الشرف بتواجدك
هلا بك

رائع يا هاوي

خاطرة ( جبتها جيب ;) )

أستمتعت بالفعل بقرائتها وليس عندي أي ملاحظة

سوى بأنك أبدعت ..

أستمر ياأخوي الكريم ... ويصلك الأبداع :)

تحياتي
غالي الساهر

وأنتظر كتاباتك القادمة ............

حلوه وجميله منك
وهي فعلاً طويل لكن اعجبتني
واعجبني اسلوبك(كتابت قصه على خاطره)
وننتظر جديدك(:

غالي الساهر


ألف شكر لك ياخوي على تواجدك
و الجديد جاي بالطريق
هلا فيك

Angel Never Cry

هلا فيك اخوي
الله يحلي ايامك
شاكر لك متابعتك و مشاركتك

السلام عليكم_^

ما شاء الله تبارك الله << كلامك هو الي خلاني أدخل القسم وأتابعه

أتمنى لك التوفيق في الدنيا والآخرة أخوي هاوي ...

أخوك حسونه ^_~

حبيب قلبي C.Falcon

منور الموضوع
وان شاء الله ابقى عند حسن ضنكم
و وجودكم شرف كبير لأي عضو
شاكر لك مرورك اخووي

ما شاء الله حلووووه و طوووويله لكنها عجيبه....:D

اتمنى لك اخويه كل خير :biggthump

sara james

مشكوره على حضورك

روووووووووووووووووووووووووعه ..

ماشالله عليك ...

صح انها طويله .. بس الكلمات تشد الانتباه وهالشي خلانا ما نحس في طولها ..

ماشالله عليك ..

تسلم على الخاطرة .. وننتظر يديدك ..

ماشالله .. كلمات في قمة الروعه .. والإبداع والإحساس ..

استمتعت بكل كلمه فيها .. وانتظر جديدك ..

ماشاء الله عليك اخوي
بجد ابعدعت :biggthump
الله يزيدك ابداع على ابداع ان شاء الله

والى الامام :ciao: