الكلوثكرافت من 1 - 50 بأقل تكلفة

السلام عليكم..
حبيت أشاركم بالطريقة إلي اتبعتها عشان أرفع ال clothcraft مالي من 1 - 50 ، و انا معروف عني اني فقير :P فشي طبيعي رفعته بأقل تكلفة، كل إلي تحتاجونه هو الوقت.. (على فكرة انا في سيرفر راجناروك)

اوكي أول خطوة تسويها، تروح Tahronji Canyon، و يكون عندك مساحة كبيرة تحط فيها أغراضك، سو فارم حق ال Air Elementals عشان يطيحونلك Wind Clusters، جمع كثيييييييييييير! كثير كثير! يعني أقل شي أقل شي 15 واحد، بعدين روح لوندرست و حط 7 منهم بال Mog Safe، بعدين اتجه لي Giddeus، اهناك اذبح ال Yagudos و اخذ منهم ال Yagudo Necklaces و حولهم إلى 3 Grass Thread مع ال Wind Crystals ، يعني معادلتنا الأولى هي :

Wind Crystal + Yagudo Necklace = 3 Grass Threads

هالشي راح يرفعك من لفل 0 إلى لفل 1 لا أكثر ولا أقل، لكن لا توقف، و كمل و حصل كثر ما تقدر من ال Grass Threads ، كل ما كان أكثر كل ما كان أحسن، بعد ما تخلص، روح و دور مكان عنصر الجو فيه earth ، عندك دور في Konschtat Highlands ، La Thiene Plateu و Tahronji Canyon ، و إذا لفلك عالي شوي عندك Valkrum Dunes وايد يصير فيها عنصر ال earth ، المهم سو فارم حق ال Earth Elementals و نفس الطريقة، حصل كثل ما تقدر منهم، راح تحتاجهم كثير، انا سويتلي شخصية ثانية دزيتهم عليها عشان يصير عندي كثير منهم، و بعدين استخدمهم مع ال grass thread عشان تطلع grass cloth . يعني معادلتنا الثانية هي :

Earth Crystal + 3 Grass Threads = Grass Clothes

هالشي راح يرفعك من 1 لي 4، و تقدر تبيع الستاك من ال grass thread بسيرفرنا ب 4000 جيل، و والستاك من ال Grass Cloth بسيرفرنا ب 8000 جيل، لكن لا تبيع شي! سوي كثر ما تقدر grass clothes لين توصل لفل 4 و كمل عشان راح تحتاجهم، بعدين حق لفل من 4 لي 8 راح تكون الشغلات إلي تحتاجها موجودة عندك.. المعادلة الثالثة راح تكون كالتالي :

Earth Crystal + 1 Grass Thread + 2 Grass Clothes = Cape

راح توصل لي لفل 8 بهالطريقة، على فكرة ال cape رخيص، يمكن 600 جيل، لكن لا تقطونه، احتفظوا فيه لأن راح نحتاجه، ألحين قبل لا نكمل، عشان تقدر تطوف لفل 8 لازم تسوي اختبار في نادي الخياطة في ويندرست، تروح حق شخصية اسمها Ponono و راح تطلب منك Cape، و انت طبعاً راح تكون سويت وايد منه، عطها واحد و تكون خلصت اختبارها، حالياً انت خلاص ماراح تحتاج ال grass thread و ال grass cloth فسو منهم كلهم cape، لما تخلص و توصل لفل 8، ابدأ حلل ال Cape باستخدام ال Lightning Crystal، روح Konshtat Highlands لأن اهناك أكثر شي الجو يكون فيه Lightning Elementals، سولهم فارم، بعدين تصير معادلتنا الجايه :

Lightning Crystal + Cape = 3 - 5 Grass Threads

بعد ما تخلص من كل ال capes و تحولهم إلى grass threads ، حولهم كلهم إلى grass cloth ، بعدين راح نبلش نسوي Hachimaki من لفل 8 لي 11، و المعادلة كالتالي :

Wind Crystal + 2 Grass Clothes = Hachimaki

بعد ما توصل لفل 11، تقدر تبيع ال Grass Clothes لأنه خلاص ماراح تحتاجهم، و الHachimaki خلاص بعد ما تحتاجه، ألحين راح نبلش المرحلة الحقيقية من الكلوث كرافت، اشترلك الكثير من ال Sickles، تقدر تحصلهم في محل في ويندرست، و روح Giddeus بعد مرة، روح اجمعلك الكثير الكثير من Flax Flowers عن طريق ال Harvesting، بعد ما تجمعهم روح اجمعلك الكثير من ال Lightning Clusters، و روح لي نادي الخياطة، واحصل على Advanced Synthesis Image Support ، استخدم هالميزة لين يصير لفلك 16، استخدم المعادلة التالية من 11-19 (و تقدر توقف ال Advanced Synthesis Image Support من لفل 16 و تكمل عادي مع المعادلة)

Lightning Crystal + 2 Flax Flowers = Linen Thread

لما تكون لفل 18 روح نادي الخياطة و عندك اختبار ثاني ماراح يكلفك كثير..
راح تطلب منك تسوي Cotton Cape

المعادلة مالته هي Earth Crystal + 1 Cotton Thread + 2 Cotton Clothes = Cotton Cape
تقدر انك تشتريهم من الاوكشن هاوس، أو انك تطبق المعادلات التالية لأقل قيمة :
Lightning Crystal + 2 Saruta Cottons = Cotton Thread
و ال Saruta Cotton راح تحصله وانت تسوي harvesting في giddeus.
Cotton Cloth = Earth Crystal + 3 Cotton Clothes
و كانت هذي الطريقة إلي استخدمتها، و بجذي تكون وصلت لفل 19 من غير ما تصير أي مبلغ يذكر، ما شريت غير ال sickles و قيمتهم ما توصل 5000، و من لفل 19 لي 22 راح تتبع المعادلة التالية :

Earth Crystal + 3 Linen Threads = Linen Cloth

لااااااااا تبيعهم، ديروا بالكم هههههههه، لا تبيعونهم، خلوهم عندكم و جمعوهم لأن راح تحتاجونهم، ألحين من لفل 22 لي 30 راح تسوون Soil Hachimaki ، ينباع ب 2000، و معادلته :

Wind Crystal + 2 Linen Cloth = Soil Hachimaki

و ألحين من لفل 30 راح يزيد التعب، و لكم القرار إما انكم تكملون معاي بالدليل و تتعبون شوي بالفارمينج، و تستفيدون ، أو انكم تشترون المواد الازمة و تكملون، انا عن نفسي تعبت صراحة و وفرت على نفسي، و ربحت من هالسالفة :)

من لفل 30 إلى 34 راح نستخدم المعادلة التالية :

Earth Crystal + 1 Grass Thread + 1 Saruta Cotton + 2 Cotton Clothes = 33 Shinobi Tabi

مع العلم ان ال 99 shinobi tabi تنباع ب 16,000 جيل، يعني إذا اتبعتوا التعليمات السابقة بالحصول على المواد المطلوبة، راح تربحون 16 من كل 99 shinobi tabi و بنفس الوقت ترفعون لفلكم إلى 35،

بعد هالشي من لفل 35 إلى 42 راح نستخدم المعادلة التالية :

Wind Crystal + 2 Bird Feathers = 6 Bird Fletchings

و بلفل 40 عندنا اختبار ثاني في نادي الخياطة، هالمرة راح يطلبون منكم Feather Collar و هذي معادلته :
Earth Crystal + 1 Wool Cloth + 7 Bird Feathers = Feather Collar
طبعاً للحصول عال Bird Feathers كل إلي عليكم تسوونه تروحون Buburimu Peninsula و تسوونلهم فارم اهناك.
للحصول على wool cloth في طريقة طويلة شوي لكن توفر عليكم بدال لا تشترونه يعني..
أول شي روحوا Konschtat Highlands مثلاً و طقوا خرفان :09: Sheep يعني ، و حصلوا منهم على Sheepskin واتبعوا المعادلة التالية :
Wind Crystal + 2 Sheep Skin = 1 Sheep Wool

و بعدين، اتبعوا المعادلة التالية :

Lightning Crystal + 2 Sheep Wool = Wool Thread

و بعدين المعادلة التالية :

Earth Crystal + 3 Wool Thread = Wool Cloth

و جذي تكون عندكم كل الأدوات إلي تحتاجونها للاختبار.

و ألحين اتبعوا الطريقة التالية عشان توصلون 50 :

Wind Crystal + 2 Insect Wings = 6 Insect Fletchings

بعدها على لفل 50 عندكم اختبار جديد، المطلوب منكم Wool Bracers و عشان تسوونه هذي المعادلة

Earth Crystal + 2Saruta Cotton + Wool Thread + 2Wool Cloth = Wool Bracers

بهالطريقة انتوا وصلتوا لي لفل 50.. صح استغرق وقت طويل لكن وصلتوا لفل 50 بتكلفة تقل عن 5000 جيل، و ربحتوا قليل مو شوي، انا عارف هالشي، لكن الكلوث كرافت يصير مربح جداً في اللفلات العالية، انا ساعدتكم لي النص و عليكم بالباجي، على فكرة الدليل انا ما اخترعته يعني ههههههههه، انا مشيت ورا أكثر من دليل قريتهم و استخرجت منهم هالطريقة لأنها اعجبتني، ممكن تحصلون أكثر منها يعني.. بس هذي الطريقة إلي انا سويتها و حالياً انا لفل 50 كلوث كرافت.
أتمنى أكون ساعدتكم.
سلام :)

السلام عليكم ورحمة الله وبركاته :)

مشكوووووور مشكوووووووووور :biggthump

arigato gozaimasu ^^

i need to lvl clothcrft for sup craft for Woodworking *-*
btw woodworking cheaper :P

مشكوور اخوي انا راح ابدا في الcloth craft قريبا بس عشان النظارة ^^

السلام عليكم
شغل متعوب عليه
حاب أضيف خبرتي في الموضوع
رفعت شغل الخياطة لين51 وكلفني حوالي أزيد من 150 ألف
أصعب مرحلة توصلها هي لفل11
بعدين تبدأ بالأيتمات الرخيصة
Linen Thread لين14..................,, خسارة لكثرة فشل محاولات التصنيع
Yagudo Fletchingبيع في ساندوريا............,, بتغطي خسارة التصنيع
لين لفل 16
رد لل Linen Thread لين 19........ مكسب بترجع الي خسرته وزياده
Linen Cloth لين 22........ مكسب
Fly Lure لين30 ........... تبدأ الخساير (محتاجة بونكرافت8)
أخترتها لأني 17 بونكرافت وأرخص معادلة لتلفيل الخياطة.
وعلى فكرة ال Insect Fletchings بتلفلك لين 51

مشكورين على ردودكم :)
و مشكور اخ sabri على تفاعلك معاي بالموضوع :)

نصيحه ....

lvl leathercraft to 30 or 50 be4 u start lvling clothcraft
is u do that u will get 700k from lvling 20-50
*-*

مممممممم
خل أجرب :P

الطريقة حلوة O.O لكن شتقول للي ماله خلق يسوي فارم ؟
شخصياً دم ضروسي الفارمينج .

و منو قالك انا لي خلق؟ :P
بس انت شوفها من اللآخر..
تعب و ملل و مالك خلق، لكن بالنهاية كلوثكرافت 50 :)

و على فكرة، بالقسم الأول من الدليل، لما تسوي فارمنج حق الياقودو نيكلاسز، انا سويت كامب حق التورنت :)
أقعد أسوي سكل أب حق الكلوثكرافت مالي و بنفس الوقت في فرصة اني أصيد تورنت و أحصل مونستر سيجنا.

انزين ممكن اخوي تخبرني كم التكلفة تثقريبا....

مممم
إذا اتبعت الحل كااااامل
راح يكلفك 5.000 جيل بالكثير، يمكن أقل بعد.

لأن الشي الوحيد إلي راح تصرف عليه هو ال sickles لا أكثر ولا أقل.
الباجي كله راح يجي بالفارمنج.