عرض للطباعة
السلام عليكم ورحمة الله وبركاته
كيف أنشئ سيرفرا سعوديا لباتلفيلد 2 ؟ وكيف يكون هذا السيرفر Ranked ؟ وهل سيكون فعليا في المملكة أم لا ؟
السيرفر الكويتي Ranked ، ولكن هل هو فعليا داخل الكويت ؟ أم الأمر خلاف ذلك ؟
أرجو ممن عنده معرفة بهذه الأمور أو بعضها ألا يبخل علينا بالإجابة .
وشكرًا ....
والله هالموضوع صار لي أكثر من شهرين أبحث فيه
وأخيراً تلمست خيوط الحل
أنــا حالياً مسوي سيرفر للـ BF2 بس شخصي وليس رااانك وكل الشباب يدخلون عليه
بس لما جيت الحين أحوله رانك حصلت الحسابات قدامي كثير تخيل لازم تأخذ التصريح من شركة EA
وكل Slot يعني لعاب يأخذون عليه 8 دولار وأنــا بسوي 32 لاعب يعني تقريباً 1032 ريال
هذا كله بالشهر ...... قلنــا مو مشكلة ندفع ....
بس جينــا لمشكلة السيرفر .......... زي ماتعرف عندنــا شركــات لتقديم الخدمة الإنترنت لا يعلى عليهـــا
يعني 256 تأخذ صافي منه 37 كيلو بت يعني لو سويت سيرفر 20 لاعب يالله يشتغل ويصير فيه لاق
بس مع ذالك شغـــال عندي تمام على 256 وجهازي الشخصي وفوق هذا ألعب مع الشباب بنفس الجهاز ويصير فيه تقطيع بالبداية ثم يزبط الشغل .....
وبالنسبة لمواصفات الجهـــاز لازم يكون أقل شئ 1 جيجا رام أمــا سرعة الجهاز عادي عندي 2.4 ميجاهيرتز وشغال تمام
بس المشكلة الوحدية التي أعـــاني منهـــا للحين RANK زي ماقلتلك والجهـــاز وين أحطه ....
وأتمنى من الله إني أكون أفدتك ولو بالشئ القليل
تحياتي
8 دولار والله كثير !!
اخوي عاشق اش تقصد لما تقول الشباب يدخلون على سيرفرك؟ يعنى هل يبين معنا لما نسوي refresh
ولا كيف.
تحياتي
بعد قرائتي للموضوع لاقيت انه ممكن ب4 دولار يكون الاشتراك بس لازم السيرفر يكون شخصي مو عام private not bublic
وش رأيكم في هذا الكلام؟:33:
أولاً أشكركم يا إخوان على هذا التفاعل المبهج ....
وثانيا بالنسبة لقيمة استئجار السيرفر فهي متفاوتة ، فسيرفرات EA تأخذ 8 دولارات لكل لاعب شهريًأ ، وقد وجدت سيرفرات أخرى Ranked تأخذ 4 دولارات شهريا مثل DATS Gaming ، وهناك من يأخذ دولارين للاعب لكن بدون أن يكون Ranked .
المشكلة هي في الموقع الجغرافي للسيرفر وليست في قيمته أو في إيجاده ؛ لأن الهدف من إيجاد سيرفر سعودي أن يكون البنق فيه منخفضًا ، فإن استأجرنا سيرفرًا من EA موقعه في أمريكا فليس هناك أي فائدة .
السيرفر الكويتي موقعه في الكويت ، ومستأجر من FastClans servers وهي تابعة لـشركة Fast Telecommunication العاملة في تقديم خدمات الإنترنت في الكويت http://www.fasttelco.net/arabic/home.html وهي تقدم سيرفرات لألعاب كثيرة - حوالي عشرين سيرفرًا - ومنها واحد لباتلفيلد 2 Ranked .
إذن الحل بالنسبة للسعودية أن تقدم إحدى شركات الإنترنت هنا خدمة تأجير سيرفرات لمثل هذه الألعاب ، لا أن نستأجر سيرفرًا يكون خارج المملكة .
ملحوظة : بالنسبة لإنشاء سيرفر من حاسب شخصي لأحدنا فهي فكرة غير عملية ؛ لأن سرعة الاتصال فيه - مهما كانت - بطيئة ، ثم لأن السيرفر سيفتح ما فتح الجهاز ويغلق متى ما أغلق ، وهذا غير منطقي .
وشكرًا لكم ....
هذا صحيح يا أخوااان وكلامكم 100%
ولاكن نردد يالليل مــــاطولك على بال متفتح واحده من مقدمــات الخدمة سيرفر بالسعودية
لأني سبق ورحت شركة أول نت وسعودي نت وكمـــان sps وكلهم قابلوني بإبتسامه عررررررررررريضه
ولمــا قلتلهم عن سالفة السيفر قلبت وجهيهم ....!
قالو لك حل لازم تستأجر عندنـــا سيرفر يكون هنـــا بالشركة ويكون ملكك وتقدر تحط فيه إلى تبي
قلنــا طيب مو مشكلة ... كم راح يكون السيرفر !!
قالو إتصالانــــا ليزد لاين (( خط مؤجر )) يعني 256 فيه فعليه مو زي dsl قلنـــا تمام وحلو ..
بكم ؟
قال أقل مواصفـــات للسيفر بالشهر 8000 ألآف ريال بالشهر ...
هذاك الوقت جـــاني غصه بحلقي ...
وأنــا كنت نــاوي أحط عليه أكثر من لعبة زي BF2 وكونتر إستاريك و جميع الألعــاب الأون لاين
وبعدهـــا تحطمت ...
فقررت إني أفتح السيرفر عندي بإتصــــال ستلايت بمقهى على جهـــاز بمواصفات حلوه ...
والحين ومن خلال ردي هذا توني مخلص من السيرفر ومجهزة وشغـــال وعليه لعبتين للحين BF2 وكونتر إسترايك
.......
لأني وبصراحه ماحصلت حل غير هذا ... والجهـــاز 24/7 شغـــال بإذن الله وعليه مراقبه وصيـــانه في حال حدوث أي خلال لا سمح الله ...
وأبي رأيكم في هذا الشئ ؟؟
لأني زي ماقلت لكم أبي للعبة BF2 يكون السيرفر Rank وش السواااه
تحياتي
بغيت اسألك.. السيرفر عليه كراك او لا؟؟!!
كرااااااك ؟؟؟؟
وشلون مـــافهمت أخوي ؟؟
ياليت توضح يعني كراك محطوط على السيرفر ؟؟ وش وضيفت هالكراك ؟
وظيفته ان الناس اللي عندهم نسخه غير اصليه يقدرون يلعبون بالسيرفر :)
أهــا والله مأ أحد مجرب
ومــادري بالزبط
أنت بس أدخل وشوف ؟؟!!
تحياتي
مادام انك ماتدري ... اكيد ماهو مكركر...
المهم ياشباب.. اللي يعرف سيرفر كراكد... ياليت يعطيني الاي بي حقه عشان نجربه :)
هههههههههههه
أيه يا أخوي السيرفر مو مكركر على قولتك
ومعذرة ما أعرف سيرفرات عليها كراك
تحياتي
شباب انا مستعد اشغل سيرفر رانكد للعبة اذا انتو تكفلتو بدفع سعر الرانك.
السيرفر اللي موقفه حاليا كراك (يعني لي عندهم نسخة غير اصلية).
لكن اذا انتو ملزمين على الرانك وتبون تدفعون سعر الرانك ل EA فانا علي اني اشغل لكم السيرفر (طبعا في السعودية)
لكن ما اظمن ان السيرفر يشتغل للأبد خاصة اذا كان الاقبال معدوم :)
مشكور أخوي سندان ومــاتقصر والله
بس بالفعل أنــا دفعت حق شركة EA لـ 20 لاعب
وننتظر ردهم
والسيرفر شغال عندي بس فيه شوي حاجــات ابيك تضيفني عندك ممكن أحوله على سيرفرك
وش رأيك ؟
3arabpc@3arabpc.com
تحياتي
انا في الخدمة متى مابغيت تستخدم السيرفر حقي ارسل لي رسالة لن المسنجر عندي للاهل والمعارف فقط :)
ارسلت لك بريدي على الخاص