العقد والسلسل و التفحيط هنا

بسم الله الرحمان الرحيم ........
اود ان اتكلم عن فن ..فن التفحيط.. عن ناس اخلصوا للفن مثل سعد مرزوق وبدر عوض اللى جاب العيد وحاولوا الكثير قتل هذا الفن النبيل ولكن هيهات ويحيا جمهور هذا الفن الذى عشقه من القلب ويحيى المليون والفين و المواصير والتفحيط للذى لا يعرفه هو ان تحوس الموتر حوس ومن حركات التفحيط هي التنطيل والعقد و العكسيه والموت والسفتي والشراره وللمفحطين المبتدئين الرجاء عدم التفحيط داخل المدينه واعلان لكل محبي التفحيط هناك اقلاع فى المليون يوم الاربعا العصر الرجاء عدم اصطحاب الاطفال لن زي ما انتو عارفين الحكومه ما ليه البلد عشان لو جت ما فيه اللى رجلك والسلام . http://www.dirah.net
مقلع فى المليون

التفحيط ذا هو ساس البلى
هذا الحادث اللي جاب فيه بدر الكرسمس, اللي جنبه كان خاطب, وانا شفت الشريط, وشفت بعد يوم يطير له الولد اللي خلاه يسحب لين الرصيف.
هذا اللي اسمه بدر ياما شل ناس وموت ناس, مع ذلك لين الحين عايش.

انا شفت الفيلم اللي انصدم فيه ولد صغير وزحف على الزفلت(الارض)
مسافه طويله وكان على وشك يضيع راسه تحت وحده من الكفرات
وماادري ان اذا هو الفيلم اللي انت تقصده ولا لا
بس عندي سؤال واحد لللي كاتب هاذا الموضوع
باعتبارك واحد يقدر هذا الهبال اللي تسميه فن راقي !!!
ليش ماتتكرم وتزور مستشفى الشميسي او اي مستشفى ثاني فيه
نسبه كبيره من اللي يدخلون للاسعاف وتشوف كيف يجي اب متبهذل
من العمل ومن توفير لقمه العيش لعياله وتشوف كيف يدخل على
ولده اللي احتمال يكون
فحط وصدم او راكب مع ناس يفحطون او حتى انصدم من اولاد يفحطون
وتشوف كيف هذا الاب يتحول منظره الى شايب يبكي ويتمنى لولده
انه يعيش من هذا الحادث
هذا الاب وياليتك تشوف الام ولا الخوات او الاخوان
انا ابي افهم كيف يجي واحد يطير ولد ضغير من قدام مدرسته ويموته بكل بساطه وبعدين يهرب واذا قدرت الدوريات الامنيه
تمسكه جا ابوه ولا عمه ولا خاله او اي واحد من قرايبه ويطلعه
من السجن بالواسطه لان اللي شغاليين في الدوريات يقربون لهذا
المفحط وبعده باسبوع يرجع يهستر في الشوراع ويصدم واحد ثاني

انا اتمنى شي واحد بس
ان اي واحد يفحط او يتسبب في قتل ناس ابرياء انه يصدم صدمه
تخليه يحتضر وتجي امه وتشوفه وهو يموت وهو يشوفها وهي تصيح
عليه علشان يحس بالالم اللي سببه
واذا هذا الامر ماتحقق فعلى الاقل ان هذه المتخلف يموت ويريح
البشر منه

تحياتي

مشكله مجانين ها الزمان

ودي تقول لي يا رينوا بما انك مهتم كم واحد قتل اوجاب له عاهه مستديمه هذولي اللي اسمهم طارات

قال الله تعالى {ولا تلقوا بأيديكم إلى التهلكة}

هاالأسماء السفلة اللي ذكرتهم إذا صارلهم حادث وعرفوا ان الله حق بيلعنون الساعة اللي خلتهم يمشون ورى كلامكم ويتحمسون لتشجيعكم


بعدين عيب الناس وصلت للقمر وأنت تقول فن تفحيط وكلام فاضي

ياrinua الصراحه موضوعك حلو وانا من زمان ودي اكتب فيه لأني من هواه ملا حق التفحيط ولا فيه شوط يفوتني واخبار الي يفحطون كلها عندي و الشوار الي بيفحطون فيها وبعد ما اذكر ان فيه واحد اقلع العصر الا اذا كان واحد غشيم او عليمي و ويوم الأربعاء ما يفحطون الا الظهر بس وفي الشمال يعني (بركسات_دائري ساسكو_البحري_الخضار_السلي_القدس) للمعلوميه فقط
وبعدين ممكن افهم الباقين ليش معصبين ترى التفحيط فن ممكن تقولون لي وش يفرق الرالي عن التفحيط او سباقات الفورملا كلها فيها وفيات واحنا في الرياض ما عندنا لا رالي ولا فورملا عشان نشوفهاما عندنا الا التفحيط وبعدين الي راكب مع الي يفحط ما فيه احد جا وقاله بتركب با القوه هو الي يبي يركب ومستعد واذا ما كنتم تدرون احب ازود معلوماتكم ان المفحطين الطارات يكون الركوب معهم با الحجز ولازم تدفع مبلغ وقده...وهو القطه لتسديد اجار السياره والكفرات يعني كأنك راح تسافر ومع كل هذا يركبون عالم والتشكيله معروفه 3ورا2قداموبعدين المتفرج الواعي ما عليه خطر بس فيه بعض الجماهير الغير واعيه يسوون حركات مال امها داعي مثلا فيه بعضهم يقعد مكان النطل وبعضهم يتريش ويقطع الشارع في اللحضه الحاسمه عشان يقولون له اخوياة احلى وهذا الصراح يستاهل لو انه منثبر كان احسن له .
على العموم ارجو ان اكون قد صححت معلوماتكم الخاطئه عن التفحيط
مع خالص تحياتي مدير تفحيط شارع القزاز(مزعل_mozeel)


.......ملفت الأنضار ياعيوني
من شاف نطله تراه احتار الله الله
اكمل البيت(لحقين التفحيط بس)



للحصول على معلومات اكثر او اوقات الأقلاع واماكنه او اخر الأخبار يرجى المراسله على البريد التالي
mozeel@hotmail.com

احب انبهكم تراني غيرت البريد
البريد الجديد
mozeelz@yahoo.com
القديم لا يرسل احدعليه

يا شباب فيه تلاعب بتوقيعي ارجو من رينوا ان ترد على رسالتي

يا شباب اللى يوتوم كلهم ملقيف كلهم يطلعون على الخط واللى يعبر الشارع واحد مقلع يعني بلعقل واحد يفحط ليه اكون قريب منه؟؟ لا انا اعرف واحد اسمه ركبان كان يرقص فى الشارع؟؟؟؟؟؟ وجت كرسيده مقلعه وتخمه من ورا طيب يا حمار وش نزلك الى الشارع عشان يقولو انه عربجي و ما يخاف من الموت واخرتها المستشفى فرجاً اذا كان فيه اقلاع بعدو من السيارات واتحداكم انتو يالي سبيتو المفحطين والله لو شفتو تفحيط كل واحد بيلبق سيارته و بينزل يطالع لن فن راقي كما قال رينوا واظنه رجال لن الحريم ما يفهمون فى التفحيط واشكر رينوا على هذا الموضوع مع الخلاف الذي بيني وبينه واللى يفحط على مسؤليته الشخصيه واللى مات مع بدر عوض الله يرحمه ماحد غصبه يركب معاهم.. انا ما اتصور انهم جابو مسدس وقالو له اركب والا بنقتلك؟؟ كل واحد على مسؤليته الشخصيه وفى الاخير احيي الاخ محمد السليم والمفحيطين مثل بدون ذكر اسماء واشكركم على حسن الاصغى ..
وشكرا

ارجو انك ماتاخذ كلامي علي انه موجه لك شخصيا او الى صاحب
الموضوع لاننا نتناقش في امر انشالله بعيد عن عادات اهل المنتدى
وطباعهم والنقاش فيه بيكون بشكل محترم وهذا تنبيه للي يمكن
يدخل الموضوع ويبدأ بالغلط والكلام السخيف
بالنسبه للي قلته يااخي الكريم فهو ماهو دليل او تبرير لحركات
هولاء الشباب واسمحلي اسميهم من هذي اللحظه(حيوانات) لانهم
مايستاهلون لفظ انسان ولا اقولك باسميهم فنانين علشان ماتزعل
اذا كنت تسمى الاولاد الصغار او الجاهلين واللي يقفون في
الشارع بان مالهم عقل وان محد غصبهم فهذا رايك لكن لو سالت
اهل اللي ماتو عيالهم بهذا الاسلوب هل انتم مسامحين اللي صدموا
اولادكم لانهم مالهم ذنب وهم صراحه اصحاب فن ورساله !!!!
واولادكم هم اللي غلطو ووقفو في الشارع وتسببو في موت وايذاء
انفسهم فاظن ان الجواب من الاهل بيكون في ذهنك قبل ماينطقونه
وبما ان هولاء (الحيوانات) ما غلطو في شئ والذنب هو ذنب
اللي يوقفون في الشارع فليش ماانتبهو وخلو التفحيط لحد مايوخرون هولاء اللي ماعندهم عقل على قولتك !!!!
لا يا حبيبي انت عارف مثل ماانا عارف انهم لو ماوجدو جمهور
مارايح يسوون حركات المتخلفين هاذي وان معظمهم يستمتع بكثره
الجماهير انا ما اقول انهم كلهم ودهم الجمهور يكون موجود في الشارع اذا قرب واحد منهم بسيارته للحظه اللي بينطل فيها
بس بعضهم ان لم يكن معظمهم يرغب بوجود اولاد صغار علشان يتمظهر
قدامهم وانت عارف ليش وهذي وحده من صفاتهم السييئه
يعني يبون اولاد صغار( ورعنه !!!) وفي نفس الوقت يقولون انهم
ماطلبو منهم انهم يجلسون في الشارع ههههههههه مشالله
يا ابن الحلال لو تقول لواحد من هولاء الفنانين ان اخوكم موجود
في الشارع وعلى الخط مع اللي يشجعون اتحداك اذا اسرع بسيارته او مانشب الفرامل في الارض لو لمح اخوه وهو جاي مسرع
لكن اولاد الناس الثانيه حلال للكفرات وهم ماغصبوهم يجلسون في الشارع واذا جا واحد من (الفنانين) مكيم وصافق الطبلون وهم
ماوخروا عن الشارع فبكيفهم وهو مومسؤول عنهم !!!!
واذا كنت ما اقتنعت انهم يستمتعون بامتلاء الشارع بالمشجعين
فسالهم اذا كانوا بحق مايتمنون للمشجعين الاذيه ليش مايطلعون
على الطريق السريع اول مايمتلى الشارع بالمشجعين
معظم المشجعين معهم سيارات ويقدرون يلحقونهم على الخط الا اي
مكان اخر
وهولاء الفنانين من يوم يشوفون دوريه امن يطلعون على الخط السريع بسرعه او على اي حاره ثانيه... طيب ليش مايسوون نفس
الشئ اذا انزعجوا من الجمهور
انا باطلع من الموضوع وباذكر مثل انا شفت مره واحد من الفنانين مستلم احد الشوارع اللي قريبه من مدرسه وكان فيه
جماهير جاهلين وماعندهم عقل (على وصفك) المهم في احد المرات
اللي خذ الشارع فيها تنطيل كان فيه ولد صغير خارج من المدرسه ولا يدري عن الموضوع ولا عن سبب تجمع الناس المهم هذا الولد
تحول في لحظات الا قذيفه صغيره طارت من الرصيف اللي كان واقف عليه الا الرصيف المقابل
تعرف وش سوى الفنان الصغير اللي كان يقود السياره هرب !!
لنفترض ان هذا الولد المصدوم كان على علم واقترب من الشارع
ليستمتع (مثل ماتقول انت بالنسبه للي يصادفون تفحيط)
هل كان بينزل من كرامه المفحط البرئ !! او بيزيد ذنبه لو وقف
بس للحظه ويشوف وش صار على احد جماهيره المعجبين فيه
او على اقل شئ ....اقل شئ يشيلونهم للمستشفى بعد مايصدمونهم
انت توك تقول انهم ماغلطو في شئ وانهم فنانين
طيب الفنان يهرب من المكان لما يؤذي احد الجمهور

انا عارف اني طولت ومصختها بكثره الكلام لكن انا باختم كلامي
للي وضع الموضوع والاثنين اللي شجعوه لو اتصلوا اهلكم فيكم
وانت طالعين مع اخوياكم تتمشون وقالولكم ان اخوكم او قريبكم
انصدم وهو يشجع احد اللي يفحطون وش رايح يكون ردكم ؟؟؟
انا عارف قولوهم انه يستاهل لانه غبي ومحد طلب منه يوقف في
الطريق واحد الفنانين يؤدي رسالته

تحياتي

انا احترم وجه نظرك يا جي جي ماكس لكن هناك بعض المفحطين الغشمان الذين يفحطون عند المدارس وهذا غلط كبير وبعدين الى فن له جمهور ولكل بلد هوايات ولاعمار بيد الله عز وجل

انا احيانا اشوف التفحيط [في شارع المواصير والابراج الي هو

الستين ونسية المستودعات....]

رغبه في اني اشوفه وهو يجيب العيد على التنده {5} عقد..