أولا أشكركم جميعاا على الردود والتفاعل، وثانياً أعتذر لأني ما راح أقدر أرد على ردودكم لضيق الوقت، لكن أوعدكم بالرد القريب أن شاء الله...أشكر لكم تفهمكم :D .
بس في شيين أبي أذكرهم، الأخ E-Crazy حبيبي اعتذر لك عن ان الموقع محجوب عندكم، وراح ارفق لك الصور، أو إذا حاب ترسل لي أي موقع ثاني (مع الشرح لو تكرمت) بحطها فيه من عيوني)
بالنسبة للمسافة، واله مادري بس دايما يبلعها لي المنتدى، لأني دايما أشيك على كتاباتي قبل ما أحطها.:31:
Day Number 2
اليوم كانت البداية Not Berry good لأني وعيت الساعة 8:00 وبعد ما شيكت على منبة الموبايل الخايس أكتشفت ان الساعة موقته غلط بين الصباح والمساء...شوفتو الغباء.
عموما وبعد عتب من ابوي، قمنا ونزلنا المستشفى الساعة 9:00 وسوينا فحص شامل
ترا المستشفى بينبط من الخليجيين، وعلى فكرة في مترجمين "مجانيين" يرافقونك طول فترة قعدتك في المستشفى. وكلش ما حسيت اني في بلد غير عربي، نتمشى ونشوف السعودي والأماراتي والقطري والعباية والبطولة والوزار والصروال، وحتى الخدامات مثل ما هم.
المهم أحنا سوينا فحص شامل وكان مطلوب منا نحظر من غير ما ناكل أي شي، علشان أختبارات الأشعة والبلاوي الثانية، الله وكيلكم من الساعة 9:00 لين الساعة 5:00 هلكنا من مختبر لين مختبر ومن دكتور لين دكتور.
من المواقف المضحكة، أني وأنا أسوي فحص الدم والنرسه قاعده تقجني "يعني تقزني، تحقني" بالأبره.........
النرسه: :D
وأنا: :06:
طالعت باقي النرسات : :D :D :D :D
وأنا: More :06:
أبوي: :vereymad:
دخل واحد من الدكاتره علينا، رحت أنا وقلت:هذا اللي بيفزع لي
أنا: Doctor.....They are laughing at me ....right
هو: يس :D
أبوي: واي؟؟؟
أنا::wow: يبا ، وانت من متى تعرف أنجليزي؟
أبوي: جب
الدكتور: They say that you look like an actor called Nino
أنا: "بعد ما مسحت الرق من شنبي" وهييييو....زين على بالي يضحكون على ويهي وأنا النقج بالأبره
خخخخخخ
-------------------
الحمد لله مبدئيا الكل طمننا ان الوالد ما عنده مشاكل خطيرة، بس اللهم ارتفاع في ضغط العين (وعطونا له قطرتين) والباقي بيبين بكرا.
بعد ما خلصنا الفحوصات وهلكنا من اليوع، رحنا المطاعم اللي في طابق الميزانين، تحتنا في الطابق الأرضي فاتحين نفس سوق خيري لهدايا الكريسماس، المنظر كان حلو
http://i5.photobucket.com/albums/y18...land/hosep.jpg
رجعنا الفندق، وسوينا Check out ورحنا لفندق يديد، ستوديو أكبر من الغرفة اللي كنا فيها، والسعر نص سعر اللي قبل، والأهم وصلة النت اللي قاعد اكتب لكم منها.
هذا منظر الفندق اللي كنا فيه من برا
http://i5.photobucket.com/albums/y18...and/hothot.jpg
وهذا منظر من الشارع العربي....المطعم العراقي، أشهر طبخة عراقيه عندهم هي "البرتقاله"
http://i5.photobucket.com/albums/y18...iland/rest.jpg
http://i5.photobucket.com/albums/y18...d/arabian1.jpg
ويا عيني على الحلاليق، كل حلاق تلقى فيه 15 بانكوكيه ناطرتك بالمقص والمشط :naughty2: ، زين أني ما حلقت شعري "ملاحظة: ما قدرت أصور علشان ما آخذ أثم أحد.
ولجذب السائح القطري، اقرأ المكتوب على اللافته
http://i5.photobucket.com/albums/y18...land/Karak.jpg
بغيت أموت من الضحك لما قريتها...شاي كرك :laughing:
اللي ما يعرف شاي الكرك ممكن يراسل "ثريول" على الخاص
واللي ما يبي يارسله، أقوله....الكرك هذا شاي حليب تسويه المعاصر ومحلات الهنود في قطر، والشباب القطري متولع فيه لدرجة الأدمان، لدرجة أن الشوارع الفرعية ومواقف السيارات تزدحم من شدة الأقبال عليه.
هذا كل ما لدي لليوم، اعتذر لقلة المحتوى لكن اليوم كان كله في المستشفى والنقل من الفندق.
-------------------------
الحين خلوني أقول لكم عن موضوع مأرقني ومينني، وأنا متأكد أن ولا أجدعها دكتور ممكن يساعدني فيه
ألا وهو أن هرمون الـShopping مرتفع عندي لأقصى الحدود، المشكلة اني أبي أطلع أتمشى على راحتي، ناوي أطلع (بشد اللام) الوالد معاي الظهر أو العصر، بس من المغرب لين العشى ابي أطلع بروحي، مب لأي سبب يذكر غير ان الوالد ما يشوف عدل في الليل وأنه بيتعب من المشي وأني براكظ مراكظ الشر علشان أحصل لي The best deals around
ممكن تقولون لي أو تألفون لي عذر أقوله للوالد علشان اطلع بروحي، خاصة انه مب مرتاح من الشوارع والأشكال الخليجية الخليعية اللي شافها فيها.
أنا أقدر أشرد أول ما ينام Like now for example, he is sleeping like a baby, بس أنا ما ابيه يقوم فجأة وما يلقاني.
فكرت أني أسوي أتفاق معاه، بأني أسويله جلسة أبر صينية "لأطول مده ممكنه" وأطلع أتسوق، بس خفت لو سويتها له كل يوم، بيتبطط جسمه وبيخر الماي منه مثل توم...
يللا شدو حيلكم شغلو الـDevilish part of your brain
آسف على الأطالة وأشوفكم بكرا باذن الله.
