مشكلة تحتاج حل سرررررررريع ........

السلام عليكم شباب ....
:( شباب عندي طلب خاص وياليت لو تقدرون تساعدوني ... خصوصا الشباب اللي من السعوديه ... وبالاخص الشباب اللي في المنطقة الشرقيه ......


:02: عندي سوبارو ليجاسي 2.5 موديل 2002 وبجير عادي ...... :( والله مدري شاقول لكم بس أحس اني انسان غبي من جد ..... ماعمري تسابقت مع احد وقبل اسبوع تقريبا جاني احد الاصحاب وحب يجرب معاي ... انا في البدايه رفضت لكنه اصر لانه يبغى يجرب حاجه مركبها على سيارته والله مدري شنهي ...
المهم انه اقنعني وطلعت معه ....
في البداية سيارتي راحت عن سيارته لكن حدث اللي ماعمري توقعته ....
كنت اسوق بالثالث ولما وصلت للسرعه القصوى بالثالث وجيت أعشق للرابع :02: بالغلط عشقت ثاني ...... وفي لمح البصر شفت عداد ال RPM يطوف الـ 8000 دوره بشيء يهول لدرجة انه طافها بشكل كبير (( :afraid: اتوقع انه وصل لل 10000 او 11000 دوره مع العلم انه الخط الاحمر يبدأ من 6000 دوره ؟؟ ))

:( كل شيء حصل بسرعه وتفاجأت انه السياره سحبت بريييييييييك قوي لحالها والزيت تناثر على الزجاج الامامي حق سيارتي ...... الحمدلله انه ماصدمت شيء في هالحظه بس انا اللحين بدون سياره من اسبوع تقريبا

رحت للوكاله والتصليح طلع تقريبا ب 25 ألف ريال والصراحه ماعندي هالمبلغ الكبير وواحد من الشباب نصحني اني اركب مكينه مستعمله من السكراب وبتكون ارخص بكثير .....



اللحين السؤال.
هل من الممكن احصل مكينه كامله حق سوبارو ليجاسي موديل 2002 او 2003 في السعوديه (( خصوصا في الاحساء )) وكم السعر تقريبا ........



:( تكفون شباب ساعدوني تراني متوهق (( ومغثي على واحد من الشباب لانه كل يوم يوصلني للعمل بسيارته )) وانا لصراحه بديت احس اني اثقلت عليه من جد :196: .....

حاول تشوف كراج متميز يصلح بارخص من كذا

خلك بعيد عن السكراب السيارة توها جديدة

الله يوفقك

هلا والله اخوي
الحين انت تحتاج مكينه وقير
قبل ما تسوي اي شي مر على كم ورشه وشوف كلامهم
اذا الحاله صعبه والمبلغ كبير
اشتري لك مكينه جديده
يمكن تحصل وارد ياباني بالقطيف
والله يعينك على بلواك

الجير مافيه شيء والحمدلله ...
بس المكينه لو تشوفها تقول طالعه من الحرب العالميه ....



المهم ..... بالنسبه للكراجات عندنا صعبه اني القى شيء رخيص (( أو حتى إذا لقيت مكينة مستعمله لانه عندنا مايعرفون شيء اسمه سوبارو ....... ))
طيب ممكن اي رقم تلفون حق اي كراج او حتى سكراب في الاحساء/ القطيف بحيث اني احصل مكينة ليجاسي 2.5 بحالة جيده ....

اخوي فيجا
الليقاسي مو غريبه على الشرقيه
بس انت روح القطيف صناعيه تركيا
هناك كله محلات يجيبون مكاين وارد يابان
ان شأ الله راح تحصل الي تبيه
اما الورش
عندك القطيف كلها ورش كويسه
او روح صناعيه الخضريه فيها ورش تمام
اما الارقام سامحني والله
لاني مو من اهل الشرقيه
بس ان شأ الله تلاقي الي تبيه

الصراحة الأخوان ماقصروا :smile2:

بس الله يعينك على بلواك ويوفقك في مشكلتك!!

اقتباس:

---

المشاركة الأصلية كتبت بواسطة MR.أستبنه

اخوي فيجا
الليقاسي مو غريبه على الشرقيه
بس انت روح القطيف صناعيه تركيا
هناك كله محلات يجيبون مكاين وارد يابان
ان شأ الله راح تحصل الي تبيه
اما الورش
عندك القطيف كلها ورش كويسه
او روح صناعيه الخضريه فيها ورش تمام
اما الارقام سامحني والله
لاني مو من اهل الشرقيه
بس ان شأ الله تلاقي الي تبيه

---

:ciao: جزاك الله خير ... طيب انا انشالله برتب إجازه بعد كم يوم وبروح هناك بس ممكن تقولي كم قيمة المكينه تقريبا (( بدون التركيب )) لاني بشحنها الدوحه وبركبها هناك

والله اخوي الاسعار تتفاوت
على حسب الموديل والنظافه
وللاسف مالي خبر باللجاسي
يعني لو انك سائلني عن النيسان ولا تويوتا جاوبتك
بس انت روح وشوف

أرجو المساعدة أخوكم في الغربه أنا أملك سيارة سوبارو في روسيا وفي مدينتي السيارة الوحيدة هنا سوبارو
المشكلة أنها تعطلت .... كنت أسير بسرعة 110 وفجأتن أنطفئ المحرك لم أسمع أيا صوت خبط في المحرك فقط توقف عن العمل .... المصلح قال أنو جنزير أو قشاط الصدر أنقطع وبدو تغيير و قال أنو في أحتمال أنو المحرك نضرب و بدون تنزيل ...... وطبعان أنا شاكك بحكيو أريد معرفة هل منا الممكن أنوالمحرك نضرب و شو نضرب في شو ساوي ساعدوني أخواني سيارة سوبارولغس 92 2 لتر عادي مو أتاماتيك :cray:
http://www.montada.com/montada/buttons/quote.gif

غير الماكنيه اربي 6سرندل وخلاص في الاحساء على 2000ريال ليجاسي غاليه مره