اللهجة الحجازية ومصطلحاتها وامثالها و... الخ ^_^
السلام عليكم ورحمة الله وبركاته ..
حياكم الله الموضوع نور بمروركم http://www.sa-girl.com/web/1.gif
بدون سلطات ومقبلات خلينا نخش في الموضوع دغري تراني ما اعرف اسوي مقدمة http://www.sa-girl.com/web/7.gif
________________________________________________________
اللهجة الحجازية :
هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل http://www.sa-girl.com/web/8.gif
وطبعا تختلف لهجة العجايز عن الجيل الحاضر ..
لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة http://www.sa-girl.com/web/C.gif
وبسم الرحمن نبدأ في بعض ما تختص بيه لهجتنا الحجازية الغاليه :
1- مصطلحات حجازية :
في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :
الدهليز : مدخل البيت
الكرتة : الفستان :09:
الكرويتة : دكة خشبية
الزقاق : الشارع الضيق
تندرمة : ايس كريم :p
دحديرة : نزلة او منحدر
الدبش : اغراض العروسة قبل لا تتزوج
القابلة : بكره
المملك : المأذون الشرعي
الدقيسي :الفراغ اللي تحت الدرج أو المخزن
المرقعة : الدلع والمياعه في الكلام والتصرف
يتتريق : يستهزء
اللغوصة : نقل الكلام وتسبيب المشاكل
الدحلسة : اذا كنت بتتمصلح مع واحد عشان تبغى منه شي تقول يدحلس . :09:
و في مصطلحات كتير غيرها .
2- أمثال حجازية :
إذا جيت رايح كتر من الفضايح.
بعد ما أكل واتكا قال ريحته مستكا.
حاجه ما تهمك وصي عليها جوز أمك.
ست وجاريتين على قلي بيضتين.
أعمى ويلضم خرز.
دلع الكبار زي الشقدف على الحمار.
اللي ماله أم حاله يغم.
كنس بيتك ورشُه ما تدري مين يخشوا.
كل حبه مسوسه لها كيال أعور.
على قد زيتوا سرجلوا.
الخايبه تتعلق بالحبال الدايب.
عقربه في الغار ولا ضره في الدار.
خاتم بفصو وكل شي ترصوا.
أهري وانكتي يا جاره وأنا ثابته زي العماره.
3- القاب حجازية :
عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :
عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل
________________________________________________________
هذا اللي عندي بصراحه واتمنى ان الموضوع يكون عجبكم
واي واحد عنده اضافات أتمنى انو ما يبخل علينا والله يعطيكم العافيه ;)
أخوكم : بحـــ الشوق ـــور :ciao:
( - ملاحظة :بعض المعلومات منقوله )
مشاركة: اللهجة الحجازية ومصطلحاتها وامثالها و... الخ ^_^
25 واحد خش وما في ولا رد :02:
في كلام ماله داعي تقوله ،، هذا المنتدى مو الشارع
// المراقب
مشاركة: اللهجة الحجازية ومصطلحاتها وامثالها و... الخ ^_^
بخخخخخخخخخخخخخخخخخ
مشكور اخوي بحور الشوق^^على الموضع^^
اخوك صارص
مشاركة: اللهجة الحجازية ومصطلحاتها وامثالها و... الخ ^_^
حياك يا عسل ومشكور على مرورك يا غالي :)
واذا عندك كلمة من امك ولا ابوك ولا جدك ادينا وحده http://sa-girl.com/web/8.gif
مشاركة: اللهجة الحجازية ومصطلحاتها وامثالها و... الخ ^_^
خخخخخخخخ
ياواد ايش هادي المواضيع XD
كتر من ابوها كمان
وتستاهل التقييم
مشاركة: اللهجة الحجازية ومصطلحاتها وامثالها و... الخ ^_^
مشاركة: اللهجة الحجازية ومصطلحاتها وامثالها و... الخ ^_^
والله الكل ينطق كدا ياخي خخخخخخخخخ
بس لهجات حلوه مرررررررا
تسلم حبيبي
شكلك من جدا صح ؟ خخخخ
تم الترشيح ^_--
مشاركة: اللهجة الحجازية ومصطلحاتها وامثالها و... الخ ^_^
بجد زكرتني بقرايبي اللي في المدينه
وبعدينه هادا المسل اللي في البدايه اللي أنت قلت في
لا جيت رايح كتر الفضايح
احسن تقول
لا جيت رايح كتر الملايح
ويسلمو على الموضوع
بجد خوبال
مشاركة: اللهجة الحجازية ومصطلحاتها وامثالها و... الخ ^_^
اقتباس:
المشاركة الأصلية كتبت بواسطة بحـــ الشوق ـــور
1- مصطلحات حجازية :
2- أمثال حجازية :
إذا جيت رايح كتر من الفضايح.
)
إذا جيت رايح كتر ملايح مو فضايح.
Nice topic,
salam:ciao:
مشاركة: اللهجة الحجازية ومصطلحاتها وامثالها و... الخ ^_^
مشاركة: اللهجة الحجازية ومصطلحاتها وامثالها و... الخ ^_^
هيا دي المواضيع الجيدة
كثر منها
تم الترشيـــح
مشاركة: اللهجة الحجازية ومصطلحاتها وامثالها و... الخ ^_^
خخخخخخخخخخخخخ الله يسامحك انا من مكه
ولاعرف ولاشي من اللي تقوله قسم بالله إستفد من موضوع لول
ثانكيووووووو:d
مشاركة: اللهجة الحجازية ومصطلحاتها وامثالها و... الخ ^_^
اقتباس:
المشاركة الأصلية كتبت بواسطة Squall 9
والله الكل ينطق كدا ياخي خخخخخخخخخ
بس لهجات حلوه مرررررررا
تسلم حبيبي
شكلك من جدا صح ؟ خخخخ
تم الترشيح ^_--
اول شي تسلم على مرورك يا عسل ;)
وثاني شي انا من مكه ومكه اخت جدا يعني تقدر تقول انا من جده بس اساسا انا من مكه مو من جده :09: :09: :09: :09:
<<< كأنو متقها :33:
مشاركة: اللهجة الحجازية ومصطلحاتها وامثالها و... الخ ^_^
اقتباس:
المشاركة الأصلية كتبت بواسطة بنت رزه بس رجه
بجد زكرتني بقرايبي اللي في المدينه
وبعدينه هادا المسل اللي في البدايه اللي أنت قلت في
لا جيت رايح كتر الفضايح
احسن تقول
لا جيت رايح كتر الملايح
ويسلمو على الموضوع
بجد خوبال
يا بنتي الله يقرب كل بعيد ,, قولي آمين :أفكر:
والمثل على قولك ملايح مو فضايح ,, وآسف على الغلط :31:
وثااااااااااااااااانكس على المرور
مشاركة: اللهجة الحجازية ومصطلحاتها وامثالها و... الخ ^_^
أخوي منيب آسف على الغلط يا سيدي :)
ومشكور على زيارتك وتعقيبك يا غالي ;)
