السلام عليكم..
رشحوني :D ترا ماجيت هالقسم الا عشان الترشيح :biggthump
من زمان ماشاركت بهالقسم ( من سنه ونص )
ممكن حد يتذكرني وممكن لا..
المهم هذي قصه جديده من تأليفي..
..
كان يامكان في قديم الزمان كان في واحد قبيح اسمه سامي <<< الاسم حلو بس الشكل..الله يخلف..
كان عمره 16.. والكل يتطنز على وجهه مسكين..
لان وجهه كان يشبه العنز <<< اخاف انا العنز املح منه بعد :D
كان كل ماراح المدرسة يتطنز المدرس على وجهه والكل يضحك..
كان يعاني من هالمشكله ماحد يحبه كل ماجا واحد جنبه ينحاش منه..
المهم..
قرر يسوي عملية تجميل..
قال لامه..
سامي : يماه..انا قبييح مرره ابي اروح بنلان عشان يسوون لي عملية تجميل..
الأم : والله ياوليدي انت وش ملحك وشو له تروح للبنال <<< وجع ولاواحد يعرف ينطقها صح.. :09:
سامي : خلاص قررت وحجزت تذكره.. اقول يماه تدرين ليه انا قبيح..
الأم : عشانك طالع علي <<< ايوا عرفت الاجابه على طول..
سامي : صح يالله بمشي..
وراح والام تودعه وتبكي..
وصل لبنان..
وراح سكن في فندق وقام الصبح وكان موعد العمليه..
راح لمركز التجميل ووصل
جاه الدكتور..
الدكتور : انتا ماشاء الله جميل جمال , بئه شو السبب لهالعمليه <<< اعذروني ماعرف لبناني صح :p
سامي : والله يادكتورنا اني كل من شافني قال قبيح واصلا كل ماشفت وجهي بالمرايه عرفت اني صدق قبيح..
الدكتور : ياسامي.. والله انك جميل جدا ..يعني حرام والله تعمل لوشهك عملية <<< لاحظوا حرف الشين :31:
سامي : اقول تراني دفعت وحجزت الوعد بتسويلي ولاوشلون ؟
الدكتور : ايه خلاص خلاص ..
سامي : والحين وش بتسوي فيني
الدكتور : بصغر انفك وركب عدسات بعيونك.. <<< قلت لكم اعذروني
سامي : وكم بتقعد تخربط بوجهي ؟
الدكتور : 3 ساعات الى 5
سامي : طيب تضمن لي اني اصير حلو
الدكتور : ان شاءالله..
وقاموا يخربطون في وجهه وبعد مرور 4 ساعات ونص
قام من التخدير وخلصوا العملية
سامي : وشلون صار وجهي..
الدكتور : ماشاءالله احلى من الخنزير بكتييير <<< العن ابو التحطيم
سامي : ايش ؟ عنجد <<< بدا يتكلم لبناني :biggthump
الدكتور : ايييه كتييير كتيير احلى من الخنزير..
سامي : طيب جب مرايه اشوف وجهي..
وجابوا المرايه..
وشاف وجهه ..
سامي : يمااااه صرت اشين من امي !! كله منك يالكلب ياللي ماتعرف تسوي عملية..
الدكتور : عنجد ماعجبك وشهك ؟
سامي : يعني وش رايك يالحمار..
الدكتور : ايييه يكفي سب ..يا خي سبق وحزرتك <<< حرف الزين راكب صح :p
سامي : والحين وش الحل ؟
الدكتور : مابعرف نعمل عملية تانيه لوشهك هللا بدون موعد ولاشي..
سامي : الحين ؟ يالله ابدأ...
وخدروه
وبعد مرور 4 ساعات ونص <<< شفيه معلق على اربع ساعات ونص ؟ :09:
قام سامي من التخدير
سامي : والحين وشلون صار وجهي ؟
الدكتور : اييه بسم الله ماشاء الله امر <<< ترا اقصد قمر :p
سامي : والله جب المرايه ..
وجابوا المرايه..
سامي : اييه والله انك مهوب حمار.. والله انك احسن واحد ماشاء الله علي صرت قمر..
وبعدها باسبوع رجع سامي لبلده ( السعوديه )
وصل لبيته ..
امه : هلا ياوليدي ترا بوك توفا من اول مارحت..
سامي : وشو ؟ الحين انا كنت ابيه يشوف وجهي القمر.. طيب الله لايرحمه << قال كذا عشان ابوه رفض انه يعطيه فلوس للعمليه.. وتسلف من امه..:biggthump
امه : ماشاء الله..عليك والله انك صاير مملوح
سامي : شفتي بنلان وش تسوي <<< للحين معلق :31:
واليوم الثاني راح للمدرسة
جاه صديقه سعد ..
سعد : حليلك سامي ؟ وش فيك صاير احلى من القمر..
سامي: ماكلم القبيحين <<< الله الله الحين هو صار قبيح :(
ويجونه الطلاب يقولون : ياكشخه انت ..
ويجيه صديقه السوري : ايييه بسم الله ماشاء الله صاير كووول
سامي : وشو الكول ؟؟ لاتغلط ياالدب تفهم ؟
صديقه السوري : لا انت فاهم غلط.. كوول يني كشخه متل مابتئولو..<< مثل ماتقولون يعني :biggthump
وفي وقت الحصه..
قام يعطس سامي << يعني اتشوووه << العن ابو الشرح :09:
واستمر بالعطس..
وحس بغليان براسه..
وفي لحظه..
تفجر خشمه ( يعني انفه ) امام لطلاب والمدرس وتتطشرت الدمان << كذا الكلام ولابلاش :D
وتوفى بعدها لانه ماقدر يتنفس..
والله يرحمه..
الاستنتاجات :
- مافيه احد مهوب حلو
- لاتسوي عملية تجميل ولابيصيرر معك مثل اللي صار مع سامي..
- اذا كان وجهك مثل العنز لاتيأس.. ممكن في يوم اذا تقدمت بالعمر تصير حلو
شكر خاص لكل من :
1- raof 2000 لترحيبه لي بالترفيهي مره ثانيه.. وتشجيعي اكثر للعودة..
2- S.A.R.S لانه بعد قال لي ارجع :)
حقوق الطبع محفوظه سوليدس سنيك 2005-2006
وفي الختام لاتنسون الترشيح :biggthump
