الأنين جوه النفس مكتوم
والفؤاد من كتر النوى مكلوم
والصرخه جوه الضلوع نار
صرخت قلت آه
قالو فين الألم
قلت فى جسمى
فى قلبى
فى روحى
فى نبضى
قالو ليه الألم
ليه الألم!!
من حالنا اللى انقلب
ياه لو تعود ايام زمان
ويعود العز اللى اندبح
آه يا زمن
لو يرجع بينا اللى كان
ويعود صلاح ولو يوم كمان
بس خايف
خايف لو يرجع
يشوف النيام
او يشوف عيون غطاها الغمام
او ايدينا فلط منها اللجام
انه يقول العيب مش فى الزمان
احنا اللى غيرنا الزمان
احنا اللى ضيعنا المكان
اويشوف فرقتنا
وضعف حيلتنا
اويسمع كلمه سلام
بهتت من كتر الكلام
ومنين سلام واحنا اذلة
متعنتزين بس بكلام
نشجب ندين نهيص
كله كلام
وفى الختام وعود كدابه
ومؤتمرات طارئه وياما ياما
يا سلام على زمن السلام
حكم عقلك تلقى الحلول
ده العز فى آيه فى حديث
من غيرهم ازاى تعيش
ارجوكم لو الموضوع عجبكم ردوا عليه مع خالص حبى وتقديرى
